ಸೌದೆ ಒಲೆಯತ್ತ ಹೋಟೆಲ್ ಉದ್ಯಮ

ಈ ಹಿಂದೆ ಕಮರ್ಷಿಯಲ್​ ಸಿಲಿಂಡರ್​ ಪೂರೈಕೆಯಲ್ಲಿ ಯಾವುದೇ ತೊಂದರೆ ಆಗಿರಲಿಲ್ಲ. ಆದರೆ ಇದೀಗ ಯುದ್ಧದ ಸಮಯದಲ್ಲಿ ನಮಗೆ ಸಿಲಿಂಡರ್​ಗಳ ಕೊರತೆ ಎದುರಾಗಿದೆ. ಹಾಗಾಗಿ ದೋಸೆ, ಪೂರಿ ಸೇರಿ ಇನ್ನಿತರ ತಿಂಡಿ, ಪದಾರ್ಥಗಳನ್ನು ತಯಾರು ಮಾಡುವುದನ್ನೇ ನಿಲ್ಲಿಸಿದ್ದೇವೆ. ಬಿಡದಿ ತಟ್ಟೆ ಇಡ್ಲಿ ಸೇರಿ ಕೆಲ ಪದಾರ್ಥಗಳನ್ನು ಮಾತ್ರ ಸೌದೆ ಒಲೆಗಳಲ್ಲಿ ತಯಾರಿಸುತ್ತಿದ್ದೇವೆ.

ಯುದ್ಧ ಕೇವಲ ಅಮೆರಿಕ ಹಾಗೂ ಇರಾನ್​&ಇಸ್ರೇಲ್​ ನಡುವೆ ಅಂದುಕೊಂಡಿದ್ದ ನಮಗೆ ಇದೀಗ ಗ್ಯಾಸ್​ ಸಿಲಿಂಡರ್​ ಸಿಗದ ಹಿನ್ನೆಲೆಯಲ್ಲಿ ಯುದ್ಧದ ಬಿಸಿ ನಮ್ಮ ಹೋಟೆಲ್​ ಉದ್ಯಮಕ್ಕೂ ತಟ್ಟಿದೆ. ಕಾಳ ಸಂತೆಯಲ್ಲಿ ಕಮರ್ಷಿಯಲ್​ ಸಿಲಿಂಡರ್​ಗಳು ಸಿಗುತ್ತವೆ. ಅಷ್ಟು ಹಣ ಕೊಟ್ಟು ಬಳಸಲು ಸಾಧ್ಯವಿಲ್ಲ. ಹಾಗಾಗಿ ನಾವು ಇಡ್ಲಿ, ವಡೆ, ರೈಸ್​ ಬಾತ್​ ಮಾತ್ರ ಮಾಡುತ್ತಿದ್ದೇವೆ. ಆದರೆ ಗ್ರಾಹಕರು ಬೇರೆ ಬೇರೆ ತಿಂಡಿಗಳನ್ನು ಕೇಳುತ್ತಾರೆ. ನಾವು ಅವುಗಳನ್ನು ತಯಾರಿಸಲು ಸಾಧ್ಯವಾಗುತ್ತಿಲ್ಲ.