ರೈಲ್ವೆ ಬ್ಯಾರಿಕೇಡ್​ನಲ್ಲಿ ಸಿಲುಕಿ ಒದ್ದಾಡಿದ ಕಾಡಾನೆ

ತಡೆಗೋಡೆಯ ಕಬ್ಬಿಣದ ಕಂಬಿಗಳಿಗೆ ಕಾಲು ಮತ್ತು ದೇಹದ ಬಾಗ ಸಿಲುಕಿಕೊಂಡಿದ್ದರಿಂದ ಆನೆಯು ದಾಟಲಾಗದೆ ತೀವ್ರ ನರಳಾಡಿದೆ. ಬುಧವಾರ ಸ್ಥಳಕ್ಕಾಗಮಿಸಿದ ಕಾವೇರಿ ವನ್ಯಧಾಮ ಉಪ ಅರಣ್ಯ ಸಂರಕ್ಷಣಾಧಿಕಾರಿ ಎನ್​.ಎಚ್​.ಜಗನ್ನಾಥ್​, ಸಹಾಯಕ ಅರಣ್ಯ ಸಂರಕ್ಷಣಾಧಿಕಾರಿ ನಾಗೇಂದ್ರಪ್ರಸಾದ್​ ಹಾಗೂ ತಂಡ ಅರೆಕೊಪ್ಪ ಗ್ರಾಮದ ಸುತ್ತಮುತ್ತಲ ಹೆಚ್ಚಿನ ಜನಸಂಖ್ಯೆ ಇರುವ ಕಾರಣ ಬಿಎನ್​ಎಸ್​ಎಸ್​ ಸೆಕ್ಷನ್​ 163ರ ಅನ್ವಯ ಆದೇಶ ಜಾರಿ ಮಾಡಿ ಕಾಡಾನೆಯನ್ನು ಹಿಮ್ಮೆಟ್ಟಿಸುವ ಕಾರ್ಯಾಚರಣೆಯಲ್ಲಿ ಯಶಸ್ವಿಯಾಗಿದ್ದಾರೆ.

ಬನ್ನೇರುಟ್ಟ ಆನೆ ಕಾರ್ಯಪಡೆ ಸಿಬ್ಬಂದಿ, ಪಶು ವೈದ್ಯಾಧಿಕಾರಿಗಳಾದ ಡಾ.ಕಿರಣ್​ ಹಾಗೂ ಡಾ.ಗಿರೀಶ್​, ಆನೆಗೆ ಅರಿವಳಿಕೆ ಚುಚ್ಚು ಮದ್ದು ನೀಡಿ ಗ್ಯಾಸ್​ ಕಟ್ಟರ್​ ಸಹಾಯದಿಂದ ರೈಲ್ವೆ ಕಂಬಿ ಕತ್ತರಿಸಿ ಬ್ಯಾರಿಕೇಡ್​ನಿಂದ ಆನೆಯನ್ನು ಬಿಡುಗಡೆ ಮಾಡಿ, ಅದು ಚೇತರಿಸಿಕೊಂಡ ಬಳಿಕ ಸುರತವಾಗಿ ಆನೆಯನ್ನು ಕಾಡಿನೊಳಗೆ ಬಿಟ್ಟಿದ್ದಾರೆ.

ರೈಲ್ವೆ ಬ್ಯಾರಿಕೇಡ್​ ತಡೆಗೋಡೆಗಳ ಕಾಮಗಾರಿ ಅಳವಡಿಕೆಯಲ್ಲಿ ಗುತ್ತಿಗೆದಾರರು ಕಬ್ಬಿಣ ಉಳಿಸಿಕೊಳ್ಳುವ ಉದ್ದೇಶದಿಂದ ತಡೆಗೋಡೆಗಳ ಅಂತರವನ್ನು ಅಗತ್ಯಕ್ಕಿಂತ ಹೆಚ್ಚಾಗಿ ಅಳವಡಿಸಿರುವುದೇ ಕಾಡಾನೆಗಳು ನುಸುಳಿ ಬರಲು ಕಾರಣವಾಗಿದೆ ಎಂದು ಸಾಮಾಜಿಕ ಕಾರ್ಯಕರ್ತ ಎಸ್​.ಎಚ್​.ಶಿವಕುಮಾರ್​ ಆಪಾದಿಸಿದರು.

ಸರ್ಕಾರದ ನಿಯಮ ಪಾಲಿಸದೆ ಬೇಕಾಬಿಟ್ಟಿ ಬ್ಯಾರಿಕೇಡ್​ಗಳನ್ನು ಅಳವಡಿಸಲಾಗಿದೆ. ಕಂಬಿಗಳ ಅಂತರದಲ್ಲಿ ಆನೆಗಳು ಸುಲಭವಾಗಿ ಪ್ರವೇಶಿಸಿದರೂ ಹೊರಬರಲು ಸಾಧ್ಯವಾಗದೆ ಸಂಕಷ್ಟಕ್ಕೆ ಸಿಲುಕುತ್ತಿವೆ. ಗುಣಮಟ್ಟ ಹಾಗೂ ವೈಜ್ಞಾನಿಕವಾಗಿ ಬ್ಯಾರಿಕೇಡ್​ಗಳನ್ನು ಅಳವಡಿಸಬೇಕು. ಕಬ್ಬಿಣದ ಟ್ರಾ$್ಯಕ್​ ಅಳವಡಿಸುವಾಗ ಸರಿಯಾದ ಅಂತರ ಕಾಯ್ದುಕೊಂಡರೆ ಇಂತಹ ಟನೆಗಳು ಸಂಭವಿಸುವುದಿಲ್ಲ. ಕಾಮಗಾರಿ ವೇಳೆ ಅಧಿಕಾರಿಗಳು ಎಚ್ಚರವಹಿಸಬೇಕು. ಈ ಬಗ್ಗೆ ಸಮಗ್ರ ತನಿಖೆ ನಡೆಸಿ ಅನಾಹುತಗಳು ಮರುಕಳಿಸದಂತೆ ಎಚ್ಚರ ವಹಿಸಬೇಕೆಂದು ಆಗ್ರಹಿಸಿದರು.