ಕಾಮಗಾರಿಗೆ ಚಾಲನೆ ನೀಡಿದ ದಿನದಿಂದಲೇ ಜೆಸಿಬಿ, ಹಿಟಾಚಿ ಸೇರಿ ಇತರ ವಾಹನಗಳನ್ನು ಬಳಸಿ ಅಹೋರಾತ್ರಿ ಕಾಮಗಾರಿ ನಡೆಸಲಾಯಿತು. ಈ ವೇಗ ಕಂಡ ನಗರದ ಜನ, ಅಂತೂ ಕೆರೆ ಕೆಲವೇ ದಿನಗಳಲ್ಲಿ ಈ ಹಿಂದಿನ ಗತವೈಭವಕ್ಕೆ ಮರಳುತ್ತದೆ ಎಂದು ಸಂತಸಪಟ್ಟರು. ಶೇ.40ರಷ್ಟು ಹೂಳು ತೆಗೆದು, ರಸ್ತೆ ಸೇರಿ ಕೆರೆ ಅಂಗಳವನ್ನು ಸ್ವಚ್ಛಗೊಳಿಸುವ ಜತೆಗೆ ಕೆರೆ ಏರಿ ಮೇಲೆ ವಿವಿಧ ಗಿಡಗಳನ್ನೂ ನೆಡಲಾಗಿದೆ. ನಾಲ್ಕು ತಿಂಗಳುಗಳಿಂದಲೂ ಕೆರೆಯಲ್ಲಿ ಕೆಲಸ ಮಾಡುತ್ತಿದ್ದ ಜೆಸಿಬಿ, ಹಿಟಾಚಿ ವಾಹನಗಳು ಹಾಗೂ ಕಾರ್ಮಿಕರು ಈಗ ಕಾಣುತ್ತಿಲ್ಲ. ಕಾಮಗಾರಿ ಸದ್ಯ ಸ್ಥಗಿತಗೊಂಡಿರುವ ಹಿನ್ನೆಲೆಯಲ್ಲಿ ಜನರಲ್ಲಿ ಕಾಮಗಾರಿ ನಡೆಯುವುದೇ? ನಗರದ ಹೃದಯಭಾಗದಲ್ಲಿ ಸಾರ್ವಜನಿಕ ಸ್ನೇಹಿಯಾಗಿ ಈ ಕೆರೆ ಅಂಗಳ ಉಳಿಯುವುದೇ ? ಎಂಬ ಹಲವಾರು ಪ್ರಶ್ನೆಗಳು ಮೂಡಿವೆ.
