ಹಾಪ್​ಕಾಮ್ಸ್​ ಚುನಾವಣೆ ಕಣದಿಂದ ಹಿಂದೆ ಸರಿದ ಇಬ್ಬರು

ಫೆ.24ರಂದು ನಡೆಯಲಿರುವ ಚುನಾವಣೆಗೆ ಸಾಮಾನ್ಯ ಕ್ಷೇತ್ರದಿಂದ ಕಾಂಗ್ರೆಸ್​ ಬೆಂಬಲಿತ ಮೂವರು ಹಾಗೂ ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರದಿಂದ ಇಬ್ಬರು ಉಮೇದುವಾರಿಕೆ ಸಲ್ಲಿಸಿದರು. ಈ ಪೈಕಿ ಸಾಮಾನ್ಯ ಕ್ಷೇತ್ರದ ಜಯಕುಮಾರ್​ ಹಾಗೂ ಪರಿಶಿಷ್ಟ ಕ್ಷೇತ್ರದ ಚಿರಂಜೀವಿ ತಾಲೂಕಿನ ಖಾಸಗಿ ಹೋಟೆಲ್​ನಲ್ಲಿ ಶಾಸಕ ಸಿ.ಪಿ.ಯೋಗೇಶ್ವರ್​ ನೇತೃತ್ವದಲ್ಲಿ ಹಮ್ಮಿಕೊಂಡಿದ್ದ ಸುದ್ದಿಗೋಷ್ಠಿಯಲ್ಲಿ ನಿವೃತ್ತಿ ಘೋಷಿಸಿದರು.

ಈ ವೇಳೆ ಮಾತನಾಡಿದ ಶಾಸಕರು, ಹಾಪ್​ ಕಾಮ್ಸ್​ ಚುನಾವಣೆಯಲ್ಲಿ ಜಿಲ್ಲೆಯಿಂದ 2 ಸ್ಥಾನ ಸಾಮಾನ್ಯ ಹಾಗೂ 1 ಸ್ಥಾನ ಎಸ್ಸಿಗೆ ಮೀಸಲಿಡಲಾಗುದೆ. ಈ ಹಿನ್ನೆಲೆಯಲ್ಲಿ ಪದ ಬೆಂಬಲಿತ ಅಭ್ಯರ್ಥಿಗಳಾಗಿ ಹಾಪ್​ಕಾಮ್ಸ್​ ಮಾಜಿ ಅಧ್ಯ ಶಿವಮಾದು, ಶ್ಯಾನುಭೋಗನಹಳ್ಳಿ ಪ್ರದಿಪ್​, ಜಯಕುಮಾರ್​ ಹಾಗೂ ಎಸ್ಸಿ ಕ್ಷೇತ್ರದಿಂದ ಚಿರಂಜೀವಿ ಹಾಗೂ ಬೈರಪ್ಪ ಅವರು ಕಣದಲ್ಲಿದ್ದು, ಪದ ವರಿಷ್ಠರ ಸೂಚನೆಯಂತೆ ಜಯಕುಮಾರ್​ ಹಾಗೂ ಚಿರಂಜೀವಿ ಕಣದಿಂದ ಹಿಂದೆ ಸರಿದಿದ್ದಾರೆ ಎಂದರು. ಮುಖಂಡರಾದ ರಾಂಪುರ ಮಲವೇಗೌಡ, ಬಿ.ವಿ.ಹಳ್ಳಿ ಪಾಪಯ್ಯ, ತಗಚಗೆರೆ ಮಹಾಲಿಂಗು, ಅಭ್ಯರ್ಥಿಗಳಾದ ಶಿವಮಾದು, ಪ್ರದಿಪ್​ ಮತ್ತು ಬೈರಪ್ಪ ಹಾಗೂ ಇತರರಿದ್ದರು.

ಫೆ.24ಕ್ಕೆ ಚುನಾವಣೆ ನಿಗದಿಯಾಗಿದ್ದು, ಜಿಲ್ಲೆಯಿಂದ ಸಾಮಾನ್ಯ ಕ್ಷೇತ್ರದಿಂದ ಇಬ್ಬರು ಹಾಗೂ ಪರಿಶಿಷ್ಟ ಜಾತಿ ಮೀಸಲು ಕ್ಷೇತ್ರದಿಂದ ಓರ್ವ ನಿರ್ದೇಶಕ ಆಯ್ಕೆಯಾಗಬೇಕಿದೆ. ಈಗಾಗಲೇ ನಾಮಪತ್ರ ಹಿಂಪಡೆಯುವ ಸಮಯ ಮುಕ್ತಾಯವಾಗಿದ್ದು, ಸಾಮಾನ್ಯ ಕ್ಷೇತ್ರದಿಂದ ಜೆಡಿಎಸ್​ ಬೆಂಬಲಿತರಾದ ಮಳೂರುಪಟ್ಟಣ ರವಿ ಹಾಗೂ ಬೇವೂರು ಗುರುಕುಮಾರ್​ ಕಣದಲ್ಲಿದ್ದಾರೆ. ಈ ಹಿನ್ನೆಲೆಯಲ್ಲಿ ಚುನಾವಣಾ ಕಣ ರಂಗೇರಿದ್ದು, ಜೆಡಿಎಸ್​ ಬೆಂಬಲಿತರು ಸಹ ಅಖಾಡದಲ್ಲಿ ಕಾದಾಡಲು ಸಿದ್ಧಗೊಂಡಿದ್ದಾರೆ. ಇದರ ಮಧ್ಯೆ ಎರಡು ಪಗಳು ಒಂದೊಂದು ಸ್ಥಾನವನ್ನು ಪಡೆದುಕೊಂಡು ಚುನಾವಣಾ ಕಾದಾಟ ತಪ್ಪಿಸುವ ಯತ್ನ ತೆರೆ ಮರೆಯಲ್ಲಿ ನಡೆದಿದೆ.

ಹಾಪ್​ಕಾಮ್ಸ್​ ಚುನಾವಣೆಯಲ್ಲಿ ಬೆಂಗಳೂರು ದಣ ಜಿಲ್ಲೆಯಲ್ಲಿ 238 ಮತಗಳಿದ್ದು, ಈ ಪೈಕಿ ಚನ್ನಪಟ್ಟಣ ಕ್ಷೇತ್ರದಲ್ಲಿ ಬರೋಬರಿ 140 ಮತಗಳಿವೆ. ಇನ್ನುಳಿದಂತೆ ರಾಮನಗರದಲ್ಲಿ 30, ಕನಕಪುರದಲ್ಲಿ 44 ಹಾಗೂ ಮಾಗಡಿಯಲ್ಲಿ ಕೇವಲ 24 ಮತಗಳಿವೆ. ಈ ಹಿನ್ನೆಲೆಯಲ್ಲಿ ಚನ್ನಪಟ್ಟಣವೇ ಚುನಾವಣೆಯಲ್ಲಿ ನಿರ್ಣಾಯಕ ಪಾತ್ರ ವಹಿಸಲಿದ್ದು, ಮೂರು ಸ್ಥಾನಗಳಿಗೂ ಚನ್ನಪಟ್ಟಣದವರೇ ಅಭ್ಯರ್ಥಿಗಳಾಗಿರುವುದು ವಿಶೇಷ.