ಬೆಂಗಳೂರು ದಕ್ಷಿಣ

ಜಲ ಕ್ರೀಡೆಗಳಿಗೆ ಪ್ರವಾಸಿಗರು ಫಿದಾ

ರಾಮನಗರದ ರಂಗರಾಯರದೊಡ್ಡಿ ಕೆರೆಯಲ್ಲಿ ಜಲ ಕ್ರೀಡೆ.
ರಾಮನಗರದ ರಂಗರಾಯರದೊಡ್ಡಿ ಕೆರೆಯಲ್ಲಿ ಜಲ ಕ್ರೀಡೆ.
Published on: 

ಪ್ರಮುಖ ಮುಖ್ಯಾಂಶಗಳು

  • *ಸಾಹಸಮಯ ಕ್ಷಣ ಅನುಭವಿಸಲು ಕೈಬೀಸಿ ಕರೆಯುತ್ತಿವೆ
  • ರಂಗರಾಯರದೊಡ್ಡಿ, ನೆಲ್ಲಿಗುಡ್ಡೆ ಕೆರೆ, ಕಣ್ವ ಜಲಾಶಯ
ರಾಮನಗರ
ಬೆಂಗಳೂರು ದಕ್ಷಿಣ ಜಿಲ್ಲೆಯ ವಿವಿಧ ಕೆರೆಗಳಲ್ಲಿ ಕೆಲವು ತಿಂಗಳ ಹಿಂದಷ್ಟೇ ಆರಂಭಗೊAಡಿರುವ ಜಲ ಕ್ರೀಡೆಗಳು ಈಗ ಪ್ರವಾಸಿಗರನ್ನು ಆಕರ್ಷಿಸುತ್ತಿದ್ದು, ಉತ್ತಮ ಸ್ಪಂದನೆ ವ್ಯಕ್ತವಾಗುತ್ತಿದೆ.
ಜಿಲ್ಲೆಯಲ್ಲಿ ಎಕ್ಸೇಪ್ ಟು ಎಕ್ಸ್ ಫ್ಲೋರ್ ಸಂಸ್ಥೆ ಮೂಲಕ ರಾಜ್ಯ ಸರ್ಕಾರ ರಂಗರಾಯರದೊಡ್ಡಿ, ಬಿಡದಿಯ ನೆಲ್ಲಿಗುಡ್ಡೆ ಕೆರೆ, ಕನಕಪುರದ ರಾವುತ್ತನಹಳ್ಳಿ ಕೆರೆ, ಮಾಗಡಿಯ ವೈಜಿಗುಡ್ಡ ಕೆರೆ, ಚನ್ನಪಟ್ಟಣ ಕಣ್ವ ಜಲಾಶಯದಲ್ಲಿ ಜಲ ಕ್ರೀಡೆಗಳನ್ನು ಆರಂಭಿಸಲು ಅನುಮತಿ ನೀಡಲಾಗಿತ್ತು. ಇದರ ಭಾಗವಾಗಿ ರಂಗರಾಯರದೊಡ್ಡಿಯಲ್ಲಿ ಆರಂಭಗೊಂಡಿರುವ ಜಲ ಕ್ರೀಡೆಗೆ ಸ್ಥಳೀಯರು ಮಾತ್ರವಲ್ಲದೆ, ಪ್ರವಾಸಿಗರೂ ಮನಸೋತಿದ್ದಾರೆ. ಬಿಡದಿಯ ನೆಲ್ಲಿಗುಡ್ಡೆ ಕೆರೆಯೂ ಜನಾಕರ್ಷಣೆಯಲ್ಲಿ ಹಿಂದೆ ಬಿದ್ದಿಲ್ಲ. ಚನ್ನಪಟ್ಟಣ ತಾಲೂಕಿನ ಕಣ್ವ ಜಲಾಶಯದಲ್ಲೂ ಆರಂಭಗೊಂಡಿರುವ ಜಲ ಕ್ರೀಡೆಗಳಿಗೆ ಪ್ರವಾಸಿಗರು ಫಿದಾ ಆಗಿದ್ದಾರೆ.
ಪ್ರವಾಸಿಗರ ದಂಡು: ನೆಲ್ಲಿಗುಡ್ಡೆ, ರಂಗರಾಯರದೊಡ್ಡಿ ಕೆರೆಗಳು ಮತ್ತು ಕಣ್ವ ಜಲಾಶಯಗಳಲ್ಲಿ ಆರಂಭಗೊಂಡಿರುವ ಜಲ ಕ್ರೀಡೆಗಳ ಥ್ರಿಲಿಂಗ್ ಮತ್ತು ಸಾಹಸಮಯದ ಕ್ಷಣಗಳನ್ನು ಸವಿಯಲು ಪ್ರವಾಸಿಗರ ದಂಡೇ ಬರುತ್ತಿದೆ. ಪ್ರತಿದಿನ ಕನಿಷ್ಠ 250 ಮಂದಿಯAತೂ ಇಲ್ಲಿಗೆ ಬರುವುದು ಸಾಮಾನ್ಯವಾಗಿದೆ. ರಜಾದಿನಗಳಲ್ಲಂತೂ ಕನಿಷ್ಠ ಒಂದು ಸಾವಿರ ಮುಟ್ಟುತ್ತದೆ. ಇದರಿಂದಾಗಿ ಸದರಿಗಾಗಿ ಕಾಯಬೇಕಾದ ಅನಿವಾರ್ಯತೆಯೂ ಪ್ರವಾಸಿಗರಿಗೆ ನಿರ್ಮಾಣವಾಗುತ್ತಿದೆ. ಕನಿಷ್ಠ 100 ರೂ.ನಿಂದ ಬೋಟಿಂಗ್ ಸೇವೆಗಳು ಆರಂಭಗೊಳ್ಳುವುದರಿAದ ಪ್ರವಾಸಿಗರಿಗೂ ಇದು ಹೊರೆ ಆಗುತ್ತಿಲ್ಲ.

ಏನೇನು ಕ್ರೀಡೆಗಳು?

ಜಿಲ್ಲೆಯ ಪ್ರಮುಖ ಜಲಾಶಯ, ಇನ್ನು ಬೆಂಗಳೂರಿಗೆ ಬಹುತೇಕ ಹತ್ತಿರದಲ್ಲಿಯೇ ಇರುವ ಬಿಡದಿಯ ನೆಲ್ಲಿಗುಡ್ಡೆ ಕೆರೆ ಮತ್ತು ರಂಗರಾಯರದೊಡ್ಡಿ ಕೆರೆಗಳಲ್ಲಿ ಈಗ ಜಲ ಕ್ರೀಡೆ ಕಾವು ಪಡೆದುಕೊಂಡಿದೆ. ಇದಕ್ಕೆ ಪ್ರಮುಖ ಕಾರಣ ಕೆಎಸ್‌ಟಿಡಿಸಿ ಹಾಗೂ ಕಣ್ವ ಕಾವೇರಿ ಅಡ್ವೆಂಚರ್ಸ್ ಸಂಸ್ಥೆಯ ಸಹಭಾಗಿತ್ವದಲ್ಲಿ ಕಣ್ವ ಜಲಾಶಯದಲ್ಲಿ ಕಯಾಕಿಂಗ್, ಬಿಗ್ ಬೋಟ್, ಜೇಟ್ ಸ್ಕೀ(ವಾಟರ್ ಬೈಕ್), ವಾಟರ್ ಬೋಟ್, ಪೆಡಲ್ ಬೋಟ್, ಸ್ಪೀಡ್ ಬೋಟ್, ಬನಾನಾ ಬೋಟ್, ಬಂಬರ್ ಬೋಟ್, ಪ್ಲೇಯಿಂಗ್ ಬೋಟ್ ಮೊದಲಾದವುಗಳು ಪ್ರವಾಸಿಗರಿಗೆ ಒದಗಿಸಲಿವೆ. ಅತ್ತ ಎಸ್ಕೇಪ್ ಟು ಎಕ್ಸ್ಪ್ಲೋರ್ ನೆಲ್ಲಿಗುಡ್ಡೆ ಕೆರೆಯಲ್ಲಿ ಕಯಾಕಿಂಗ್, ಬಿಗ್ ಬೋಟ್, ಜೇಟ್ ಸ್ಕೀ, ವಾಟರ್ ಬೋಟ್, ಪೆಡಲ್ ಬೋಟ್, ಸ್ಪೀಡ್ ಬೋಟ್, ಬನಾನಾ ಬೋಟ್ ಸೇವೆಗಳನ್ನು ಒದಗಿಸುತ್ತಿವೆ.

ಶೀಘ್ರದಲ್ಲಿ ಮತ್ತೆರಡು ಕೆರೆಗಳು

ಎಸ್ಕೇಪ್ ಟು ಎಕ್ಸ್ ಫ್ಲೋರ್ ಸಂಸ್ಥೆ ನೆಲ್ಲಿಗುಡ್ಡೆ, ರಂಗರಾಯರದೊಡ್ಡಿ, ಕನಕಪುರದ ರಾವುತ್‌ನಹಳ್ಳಿ ಕೆರೆ ಮತ್ತು ಮಾಗಡಿಯ ವೈಜಿ ಗುಡ್ಡೆ ಜಲಾಶಯದಲ್ಲಿ ಜಲ ಕ್ರೀಡೆಗಳನ್ನು ನಡೆಸಲು ಗುತ್ತಿಗೆ ಪಡೆದುಕೊಂಡಿದ್ದು, ನೆಲ್ಲಿಗುಡ್ಡೆ ಮತ್ತು ರಂಗರಾಯರದೊಡ್ಡಿ ಕೆರೆಗಳಲ್ಲಿ ಆರಂಭವನ್ನೂ ಮಾಡಿ ಯಶಸ್ವಿಯಾಗಿದೆ. ಉಳಿದ ಎರಡು ಕೆರೆಗಳಲ್ಲಿ ಸಹ ಅತಿ ಶೀಘ್ರದಲ್ಲಿಯೇ ಜಲ ಕ್ರೀಡೆಗಳು ಆರಂಭಗೊಳ್ಳಲಿವೆ.

ಬೇಸಿಗೆಯಲ್ಲಿ ಹೆಚ್ಚಳ ನಿರೀಕ್ಷೆ

ಬಿಸಿಲ ಧಗೆ ಜನರನ್ನು ಹೈರಾಣಾಗಿಸುತ್ತಿರುವ ನಡುವೆಯೇ ಜಲ ಕ್ರೀಡೆಗಳ ಮೂಲಕ ದೇಹವನ್ನು ತಂಪು ಮಾಡಿಕೊಳ್ಳಲು ಬರುವ ಪ್ರವಾಸಿಗರ ಸಂಖ್ಯೆ ಹೆಚ್ಚಿದೆ. ರಾಮನಗರದ ರಂಗರಾಯರದೊಡ್ಡಿ ಕೆರೆ ಬಳಿಯಂತೂ ಸಂಜೆಯಾದರೂ ಹೆಚ್ಚಿನ ಸಂಖ್ಯೆಯಲ್ಲಿ ಪ್ರವಾಸಿಗರು ಸರದಿಗಾಗಿ ಕಾಯುತ್ತ ಕುಳಿತುಕೊಳ್ಳುವ ದೃಶ್ಯ ಸಾಮಾನ್ಯವಾಗಿದೆ. ಏಪ್ರಿಲ್ ಮತ್ತು ಮೇ ತಿಂಗಳಲ್ಲಿ ಇದರ ಸಂಖ್ಯೆ ಮತ್ತಷ್ಟು ಹೆಚ್ಚುವ ನಿರೀಕ್ಷೆ ಗುತ್ತಿಗೆ ಪಡೆದ ಸಂಸ್ಥೆಗೆ ಇದೆ.

ಬೇಕಿದೆ ಸೌಲಭ್ಯ

ಈಗ ಜಿಲ್ಲೆಯಲ್ಲಿ ಆರಂಭಗೊAಡಿರುವ ಮೂರು ಜಲಕ್ರೀಡಾ ಕೇಂದ್ರಗಳ ಬಳಿ ಪ್ರವಾಸಿಗರಿಗೆ ಬೇಕಾದ ಅಗತ್ಯ ಮೂಲಸೌಲಭ್ಯಗಳ ಕೊರತೆ ಕಾಡುತ್ತಿದೆ. ಕುಡಿಯುವ ನೀರು, ಶೌಚಗೃಹ ಮತ್ತು ಉಪಹಾರ ಕೇಂದ್ರಗಳು ಇಲ್ಲಿ ಇಲ್ಲ. ಈ ಹಿನ್ನೆಲೆಯಲ್ಲಿ ಅಗತ್ಯ ಸೌಲಭ್ಯಗಳನ್ನು ಒದಗಿಸಿಕೊಡುವ ನಿಟ್ಟಿನಲ್ಲಿ ಪ್ರವಾಸೋದ್ಯಮ ಇಲಾಖೆ ಅಗತ್ಯ ಕ್ರಮಗಳನ್ನು ಕೈಗೊಳ್ಳಬೇಕಿದೆ.
ಜಿಲ್ಲೆಯಲ್ಲಿ 4 ಕೆರೆಗಳಲ್ಲಿ ಜಲ ಕ್ರೀಡೆಗಳನ್ನು ನಡೆಸಲು ಅನುಮತಿ ಪಡೆದಿz್ದೆÃವೆ. 2 ಕಡೆಗಳಲ್ಲಿ ಆರಂಭಗೊAಡಿದ್ದು, ಪ್ರವಾಸಿಗರಿಂದಲೂ ಉತ್ತಮ ಸ್ಪಂದನೆ ವ್ಯಕ್ತವಾಗಿದೆ. ಇನ್ನುಳಿದ ಎರಡು ಕೆರೆಗಳಲ್ಲಿ ಅತಿ ಶೀಘ್ರದಲ್ಲಿಯೇ ಜಲ ಕ್ರೀಡೆಗಳನ್ನು ಆರಂಭಿಸಲಾಗುವುದು.
| ಎಸ್.ಸ್ವಾಮಿ ಎಸ್ಕೇಪ್ 2 ಎಕ್ಸ್ ಫ್ಲೋರ್
===
ಸಾರ್ವಜನಿಕರಿಂದ ಉತ್ತಮ ಸ್ಪಂದನೆ ದೊರೆತಿದೆ. ಬೇಸಿಗೆಯಲ್ಲಿ ಪ್ರವಾಸಿಗರ ಸಂಖ್ಯೆ ಇನ್ನಷ್ಟು ಹೆಚ್ಚುವ ಸಾಧ್ಯತೆಯೂ ಇದೆ. ಜಲ ಕ್ರೀಡಾ ಕೇಂದ್ರಗಳ ಬಳಿ ಮೂಲಭೂತ ಸೌಲಭ್ಯ ಒದಗಿಸುವ ನಿಟ್ಟಿನಲ್ಲಿ ಕ್ರಮವಹಿಸಲಾಗಿದೆ.
| ರವಿಕುಮಾರ್,
ಸಹಾಯಕ ನಿರ್ದೇಶಕರು, ಪ್ರವಾಸೋದ್ಯಮ ಇಲಾಖೆ ಬೆಂಗಳೂರು ದಕ್ಷಿಣ ಜಿಲ್ಲೆ.
watersports
departmentoftorusim
ವಿಜಯವಾಣಿ ನಂ.1 ದಿನ ಪತ್ರಿಕೆ | Vijayavani | Kannada News
www.vijayavani.net