ನಾಡಬಾಂಬ್​ ಸ್ಫೋಟ ಮೂವರ ಬಂಧನ

ಹೊಸದೊಡ್ಡಿ ಗ್ರಾಮದ ಶಿವರಾಜು, ಕೃಷ್ಣಮೂರ್ತಿ ಹಾಗೂ ಕರಿಯಪ್ಪನದೊಡ್ಡಿ ಗ್ರಾಮದ ಶಿವನಪ್ಪ ಬಂಧಿತರು.

ಏನಿದು ಪ್ರಕರಣ? ಕೋಡಿಹಳ್ಳಿ ಹೋಬಳಿ ಆಲನಾಥ ಹೊರವಲಯದಲ್ಲಿ ದುರುಳರು ನಾಡಬಾಂಬ್​ ಇಟ್ಟಿದ್ದರು. ಇದೇ ಸ್ಥಳದಲ್ಲಿ ಮೇಯುತ್ತಿದ್ದ ಹಸು ನಾಡಬಾಂಬ್​ಗೆ ಬಾಕಿ ಹಾಕಿದ ಪರಿಣಾಮ ಬಾಂಬ್​ ಸ್ಫೋಟಗೊಂಡು, ಹಸುವಿನ ಬಾಯಿ ಸಂಪೂರ್ಣ ಛಿದ್ರಗೊಂಡಿತ್ತು. ಈ ಬಗ್ಗೆ ಹಸುವಿನ ಮಾಲೀಕ ಕಾಡು ಶಿವನೇಗೌಡ ಎಂಬುವವರು ಕೋಡಿಹಳ್ಳಿ ಪೋಲಿಸರಿಗೆ ದೂರು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡಿದ್ದ ಸಬ್​ಇನ್​ಸ್ಪೆಕ್ಟರ್​ ಪ್ರದಿಪ್​ಕುಮಾರ್​ ಹಾಗೂ ಸಿಬ್ಬಂದಿ ಸ್ಥಳ ಪರಿಶೀಲಿಸಿ, ಆರೋಪಿಗಳ ಪತ್ತೆಗೆ ಬಲೆ ಬೀಸಿದ್ದರು.

ತಾಲೂಕಿನ ಹೊಸದುರ್ಗ ಗ್ರಾಮದ ಬಳಿ ಕಾಡು ಹಂದಿ ಬೇಟೆಗಾಗಿ ಇಟ್ಟಿದ್ದ ನಾಡ ಬಾಂಬ್​ ತಿಂದು ಹಸುಬಾಯಿ ಛಿದ್ರವಾಗಿತ್ತು, ಇದಲ್ಲದೇ ಏಳಗಳ್ಳಿ, ಹಾರೋಬೆಲೆ ಸೇರಿದಂತೆ ಹಲವಾರು ಸ್ಥಳಗಳಲ್ಲಿ ಇಂತಹ ಪ್ರಕರಣಗಳು ನಡೆಯುತ್ತಲೇ ಇವೆ. ನಾಡಬಾಂಬ್​ ತಯಾರಕರು ಯಾರು?, ಎಲ್ಲಿಂದ, ಇಲ್ಲಿಗೆ ಹೇಗೆಬರುತ್ತವೆ ? ಎಂಬುದರ ಬಗ್ಗೆ ತನಿಖೆ ನಡೆಸಿ, ಇದಕ್ಕೆ ಕಡಿವಾಣ ಹಾಕಬೇಕಿದೆ ಎಂದು ಪ್ರಾಣಿಪ್ರಿಯರು ಒತ್ತಾಯಿಸಿದ್ದಾರೆ.

ಬಂಧಿತರು ಮನೆಯಲ್ಲಿ ಇನ್ನೂ ಎರಡು ಜೀವಂತ ಬಾಂಬ್​ಗಳನ್ನು ಸಂಗ್ರಹಿಸಿಟ್ಟಿರುವುದಾಗಿ ತೀವ್ರ ವಿಚಾರಣೆ ಒಳಪಡಿಸಿದ ವೇಳೆ ತಪ್ಪೊಪ್ಪಿಕೊಂಡಿದ್ದು, ಸದ್ಯ ಅವುಗಳನ್ನು ಪೊಲೀಸರು ವಶಕ್ಕೆ ಪಡೆದಿದ್ದಾರೆ.