ಶ್ರೀಗಂಧದ ಮರ ಕದ್ದ ಮೂವರ ಬಂಧನ

ತುಮಕೂರು ಜಿಲ್ಲೆಯ ತುರುವೇಕೆರೆ ತಾಲೂಕಿನ ಹೊಸಹಳ್ಳಿ ತೀರ್ಥ ಕುಮಾರ್​(32), ತಿಪಟೂರು ತಾಲೂಕಿನ ಬಿದರಗುಡಿ ಕಾವಲು ಗ್ರಾಮದ ಮೂರ್ತಿ(50), ಅಭಿಷೇಕ್​ (22) ಬಂಧಿತರು.

ಯಲ್ಲಾಪುರ ಗ್ರಾಮದ ಜಯರಾಮೇಗೌಡ ಅವರ ಜಮೀನಿನಲ್ಲಿನ 14 ವರ್ಷದ ಶ್ರೀಗಂಧದ ಮರಗಳನ್ನು ಖದೀಮರು ಜ.11ರಂದು ಬುಡ ಸಮೇತ ಕಟಾವು ಮಾಡಿ ಕಳ್ಳತನ ಮಾಡಿದ್ದರು. ಈ ಸಂಬಂಧ ಕುದೂರು ಪೊಲೀಸ್​ ಠಾಣೆಯಲ್ಲಿ ಜಯರಾಮೇಗೌಡ ಅವರು ದೂರು ದಾಖಲಿಸಿದ್ದರು.

ಕುದೂರು ಪೊಲೀಸ್​ ಇನ್​ಸ್ಪೆಕ್ಟರ್​ ಚಂದ್ರಶೇಖರ್​ ನೇತೃತ್ವದಲ್ಲಿ ಪಿಎಸ್​ಐಗಳಾದ ಸರ್ದಾರ್​ ಸಾಬ್​, ತಿಪ್ಪಯ್ಯ, ಸಿಬ್ಬಂದಿ ಸೂರ್ಯಕುಮಾರ್​, ಶಿವರಾಜು, ದರ್ಶನ್​, ಲವಕುಮಾರ್​, ಮಹಾದೇವ ಶೆಟ್ಟಿ, ಅಭಿಷೇಕ್​, ಜಿಲ್ಲಾ ತಾಂತ್ರಿಕ ವಿಭಾಗದ ಸಿಬ್ಬಂದಿ ಮಹದೇವ್​ ಅವರನ್ನು ಒಳಗೊಂಡ ತಂಡ ಆರೋಪಿಗಳನ್ನು ಬಂಧಿಸಿ, 12 ಕೆಜಿ ಶ್ರೀಗಂಧದ ತುಂಡುಗಳು, ಕೃತ್ಯಕ್ಕೆ ಬಳಸಿದ ಎರಡು ದ್ವಿಚಕ್ರ ವಾಹನ ಹಾಗೂ ಮರ ಕತ್ತರಿಸುವ ಉಪಕರಣಗಳನ್ನು ವಶ ಪಡಿಸಿಕೊಂಡಿದೆ.