ಆರೇ ದಿನದಲ್ಲಿ ಗಣತಿ ಪೂರ್ಣಗೊಳಿಸಿದ ಶಿಕ್ಷಕಿ

ತಾಲೂಕಿನ ಹರೀಸಂದ್ರದ ಸರ್ಕಾರಿ ಪ್ರೌಢಶಾಲೆ ಶಿಕ್ಷಕಿ ಡಿ. ಭಾರತಿ ರಾಮನಗರ ನಗರಸಭೆ ವ್ಯಾಪ್ತಿಯ ಬ್ಲಾಕ್​ ಗಣತಿಯನ್ನು ಕೇವಲ ಆರೇ ದಿನದಲ್ಲಿ ಪೂರ್ಣಗೊಳಿಸಿದ್ದಾರೆ. ಭಾರತಿ ಅವರಿಗೆ ನಗರದ 17ನೇ ವಾರ್ಡ್​ನ ಬಾಲಗೇರಿಯ 70ನೇ ಬ್ಲಾಕ್​ನ ಗಣತಿಯ ಹೊಣೆ ವಹಿಸಲಾಗಿತ್ತು. 170 ಕಟ್ಟಡಗಳು ಹಾಗೂ 220 ಮನೆಗಳಿದ್ದ ಬ್ಲಾಕ್​ನ ಗಣತಿಗೆ ಮೇ 15ರವರೆಗೆ ಒಂದು ತಿಂಗಳು ಅವಕಾಶವಿದ್ದರೂ, ಆರೇ ದಿನದಲ್ಲಿ ಮುಗಿಸುವ ಮೂಲಕ ಗಮನ ಸೆಳೆದಿದ್ದಾರೆ.

ಬಾಲಗೇರಿಯ 70ನೇ ಬ್ಲಾಕ್​ಗಳಿಗೆ ಸಂಬಂಧಿಸಿದಂತೆ ಮೊದಲ ದಿನವೇ ರಸ್ತೆ ಮತ್ತು ಮನೆಗಳನ್ನು ಗುರುತಿಸಿಕೊಂಡು ನೆ ತಯಾರಿಸಿಕೊಂಡಿದ್ದೆ. ನಿತ್ಯ ಬೆಳಗ್ಗೆ 6 ಕ್ಕೆ ಕೆಲಸ ಶುರು ಮಾಡಿ ಆ್ಯಪ್​ನಲ್ಲಿ ಅಪ್ಲೋಡ್​ ಮಾಡುತ್ತಿದ್ದೆ ಎಂದು ಭಾರತಿ ಮಾಹಿತಿ ಹಂಚಿಕೊಂಡರು.

ಗಣತಿಗಾಗಿ ಬೆಳಗ್ಗೆಯೇ ಮನೆಗಳಿಗೆ ಹೋದಾಗ ಕುಟುಂಬದ ಸದಸ್ಯರೆಲ್ಲರೂ ಸಿಗುತ್ತಿದ್ದರು. ಮಧ್ಯಾಹ್ನ 12 ರವರೆಗೆ ಗಣತಿ ಮುಗಿಸಿ ಊಟಕ್ಕೆ ವಿರಾಮ ತೆಗೆದುಕೊಳ್ಳುತ್ತಿದ್ದೆ. ನಂತರ ಮಧ್ಯಾಹ್ನ 2 ರಿಂದ ರಾತ್ರಿ 8ರವರೆಗೆ ಗಣತಿ ಮಾಡುತ್ತಿದ್ದೆ. ಈ ಅವಧಿಯಲ್ಲಿ ಬೀಗ ಹಾಕಿರುತ್ತಿದ್ದ ಮನೆಯವರು ಯಾವಾಗ ಸಿಗುತ್ತಾರೆ ಎಂಬುದನ್ನು ತಿಳಿದುಕೊಂಡು, ಅವರಿದ್ದಾಗಲೇ ಬಂದು ವಿವರ ಕಲೆ ಹಾಕುತ್ತಿದ್ದೆ ಎಂದು ಹೇಳಿದರು.

ನಗರಸಭೆಯ ವ್ಯಾಪ್ತಿಯ ಒಟ್ಟು 155 ಬ್ಲಾಕ್​ಗಳ ಪೈಕಿ 70ರಲ್ಲಿ ಮೊದಲಿಗೆ ಗಣತಿ ಕಾರ್ಯ ಮುಗಿದಿದೆ. ತ್ವರಿತವಾಗಿ ಗಣತಿ ಕೆಲಸ ಮುಗಿಸಿರುವ ಭಾರತಿ ಅವರ ಕಾರ್ಯವೈಖರಿಗೆ ನಗರಸಭೆ ಮೆಚ್ಚುಗೆ ವ್ಯಕ್ತಪಡಿಸಿದೆ. ಪೌರಾಯುಕ್ತ ಡಾ.ಜಯಣ್ಣ ಸನ್ಮಾನ ಮಾಡುವ ಮೂಲಕ ಶಿಕ್ಷಕಿಯ ಕಾರ್ಯವೈಖರಿಯನ್ನು ಶ್ಲಾಸಿದ್ದಾರೆ ಎಂದು 70ನೇ ಬ್ಲಾಕ್​ ಮೇಲ್ವಿಚಾರಕರಾದ ನಗರಸಭೆಯ ಕಂದಾಯ ನಿರೀಕ್ಷಕ ಆರ್​. ನಾಗರಾಜು ಮಾಹಿತಿ ನೀಡಿದರು.