ಆರು ಮಂದಿ ಜೂಜುಕೋರರ ಬಂಧನ

ನೆಲಮಂಗಲ ತಾಲೂಕಿನ ಮಹದೇವಪುರ ಗ್ರಾಮದ ಅಮರಯ್ಯ, ಕೆಂಪತಿಮ್ಮೇಗೌಡ, ಭೂಸಂದ್ರ ಗ್ರಾಮದ ಭೈಲೇಗೌಡ, ಗುಡೇಮಾರನಹಳ್ಳಿಯ ಮಹೇಶ, ಅಂಬೇಡ್ಕರ್​ ನಗರದ ಪ್ರವಿಣ್​, ಕೂಡ್ಲೂರು ಗ್ರಾಮದ ರಮೇಶ್​ ಬಂಧಿತರು. ಸೋಲೂರು ಹೋಬಳಿಯ ಕೂಡ್ಲೂರು ಗ್ರಾಮದ ಬಳಿಯ ಮಾವಿನ ತೋಟವೊಂದರಲ್ಲಿ ಜೂಜಾಡುತ್ತಿದ್ದ ಖಚಿತ ಮಾಹಿತಿ ಆಧರಿಸಿ ಸಬ್​ಇನ್​ಸ್ಪೆಕ್ಟರ್​ ಭೀಮೇಶಯ್ಯ ಮತ್ತು ಸಿಬ್ಬಂದಿ ಸೂರ್ಯಕುಮಾರ್​, ನಾಗರಾಜು, ಸತೀಶ್​, ಶಿವರಾಜು, ಅಭಿಷೇಕ್​, ಮಾರುತೇಶ್​ ಕುಂಬಾರ, ವಿನಯ್​, ಶರಣ ಬಸು ದಾಳಿ ನಡೆಸಿದ್ದರು. ಪ್ರಕರಣ ಸಂಬಂಧ ಕುದೂರು ಠಾಣೆಯಲ್ಲಿ ದೂರು ದಾಖಲಾಗಿದೆ.