ನಗರದ ಅಂದ ಕಸಿದ ಫಲಕಗಳು

ಹೌದು.. ನಗರಸಭೆ ತನ್ನ ಆದಾಯ ಮೂಲವಾಗಿ ರಾಮನಗರದ ರೋಟರಿ ವೃತ್ತದಿಂದ ಅರ್ಚಕರಹಳ್ಳಿವರೆಗೆ ಕಳೆದ ಹಲವಾರು ವರ್ಷಗಳ ಹಿಂದೆಯೇ 65ಕ್ಕೂ ಹೆಚ್ಚಿನ ವಿದ್ಯುತ್​ ಬೀದಿದೀಪ, ಕಬ್ಬಿಣದ ಕಂಬಗಳಲ್ಲಿ ಎರಡೂ ಕಡೆ ಜಾಹೀರಾತು ಕಾಣುವಂತೆ ಜಾಹೀರಾತು ಫಲಕ ಅಳವಡಿಸಲಾಗಿತ್ತು. ಆದರೆ, ಈಗ ಆ ಫಲಕಗಳು ಶಿಥಿಲಾವಸ್ಥೆಗೆ ತಲುಪಿದ್ದು, ನಗರದ ಸೌಂದರ್ಯ ಮತ್ತು ನಗರಸಭೆ ಎರಡಕ್ಕೂ ಭಾರವಾಗಿದೆ.

ಬದಲಾಗುವುದೇ ನಗರಸಭೆ: ಈಗ ಡಿಜಿಟಲ್​ ಯುಗ. ಬೆಂಗಳೂರು&ಮೈಸೂರು ರಸ್ತೆ ವಡೇರಹಳ್ಳಿಯಿಂದ ಅರ್ಚಕರಹಳ್ಳಿವರೆಗೆ 150ಕ್ಕೂ ಹೆಚ್ಚು ವಿದ್ಯುತ್​ ಬೀದಿದೀಪ ಕಂಬಗಳಿವೆ. ಈ ಕಂಬಗಳ ಮಧ್ಯೆ ಡಿಜಿಟಲ್​ ಜಾಹೀರಾತು ಫಲಕ ಅಳವಡಿಸಿದರೆ ನಗರಸಭೆಗೆ ಹೆಚ್ಚು ಆದಾಯ ಬರುವ ಜತೆಗೆ, ನಗರದ ಸೌಂದರ್ಯ ಹೆಚ್ಚಲಿದೆ. ಡಿಜಿಟಲ್​ ತಂತ್ರಜ್ಞಾನಕ್ಕೆ ಒತ್ತು ನೀಡಿದಂತೆಯೂ ಆಗಲಿದೆ. ಇದರ ಜತೆಗೆ ಪರಿಸರಕ್ಕೆ ಮಾರಕವಾಗಿ ಪರಿಣಮಿಸುತ್ತಿರುವ ್ಲೆಕ್ಸ್​ ಅಬ್ಬರಕ್ಕೂ ಕಡಿವಾಣ ಹಾಕಬಹುದಾಗಿದೆ.

ನಗರಸಭೆ ವ್ಯಾಪ್ತಿಯಲ್ಲಿ ಪ್ರಮುಖವಾಗಿ ಹಳೇ ಬಸ್​ ನಿಲ್ದಾಣ, ಐಜೂರು ಸರ್ಕಲ್​, ಕೆಂಪೇಗೌಡ ಸರ್ಕಲ್​, ರಾಯರದೊಡ್ಡಿ, ಮಂಜುನಾಥನಗರ, ರೈಲ್ವೆ ಸ್ಟೇಷನ್​ ಸರ್ಕಲ್​, ಕಾಮಣ್ಣನಗುಡಿ ಸರ್ಕಲ್​, ವಾಟರ್​ ಟ್ಯಾಂಕ್​ ಸರ್ಕಲ್​, ಪಿಡಬ್ಲೂಡಿ ಸರ್ಕಲ್​, ವಿಜಯನಗರ ಸರ್ಕಲ್​ ಹೀಗೆ ಹತ್ತು ಹಲವು ಸ್ಥಳಗಳಲ್ಲಿ ಡಿಜಿಟಲ್​ ಬೋರ್ಡ್​ ಅಳವಡಿಸಿದರೆ ಅಸಮರ್ಪಕವಾಗಿ ಎಲ್ಲೆಂದರಲ್ಲಿ ್ಲೆಕ್ಸ್​ ಕಟ್ಟುವುದು ತಪು$್ಪತ್ತದೆ. ಜತೆಗೆ ನಗರಸಭೆಯ ಸುಂದರ ನಗರದ ಕನಸಿಗೂ ಡಿಜಿಟಲ್​ ಬೋರ್ಡ್​ ಅಳವಡಿಕೆ ಪರಿಸರ ಪೂರಕವಾಗುತ್ತದೆ ಎನ್ನುತ್ತಾರೆ ಗಾಂಧೀನಗರದ ಹನುಮಂತಪ್ಪ.

ರಸ್ತೆ ಮಧ್ಯೆ ಎರಡೂ ಕಡೆ ವಿದ್ಯುತ್​ ದೀಪ ಉರಿಯುವಂತೆ ಕೇಬಲ್​ ವೈರ್​ ಅಳವಡಿಸಲಾಗಿದೆ. ಆದರೆ, ಆ ವೈರ್​ಗಳು ಸಮರ್ಪಕವಾಗಿ ಜೋಡಣೆಯಾಗಿಲ್ಲ. ಒಂದೊಂದು ಕಡೆ ವೈರ್​ಗಳು ನೆಲಕ್ಕೆ ಬಾಗುತ್ತಿವೆ. ಜತೆಗೆ ಕಬ್ಬಿಣದ ಜಾಲರಿ ಅಳವಡಿಸಿರುವುದರಿಂದ ವೈಯರ್​ಗಳು ಜಾಲರಿಗೆ ತಾಗಿದರೆ ಅಪಾಯ ಗ್ಯಾರಂಟಿ ಇಂತಹ ಸಂದರ್ಭದಲ್ಲಿ ನಗರಸಭೆ ಮೊದಲು ಅಸ್ತವ್ಯಸ್ತ ವೈಯರ್​ ಸರಿಪಡಿಸಿ ಹಳೇ ವೈಯರ್​ಗಳನ್ನು ತೆಗೆದುಹಾಕಬೇಕು ಎನ್ನುತ್ತಾರೆ ಸಾರ್ವಜನಿಕರು.

"

ನಗರದಲ್ಲಿ ಹಾದು ಹೋಗುವ ಬೆಂಗಳೂರು&ಮೈಸೂರು ರಸ್ತೆಯ ಮಧ್ಯೆ ಇರುವ ವಿದ್ಯುತ್​ ಕಂಬಗಳಲ್ಲಿ ಮತ್ತು ನಗರದ ಆಯ್ದ ಪ್ರಮುಖ ಪ್ರದೇಶಗಳಲ್ಲಿ ಡಿಜಿಟಲ್​ ಜಾಹೀರಾತು ಫಲಕ ಅಳವಡಿಕೆ ಮಾಡಲು ಚಿಂತನೆ ನಡೆಸಿದೆ.

— > ಕೆ. ಶೇಷಾದ್ರಿ, ಅಧ್ಯಕ್ಷರು, ನಗರಸಭೆ, ರಾಮನಗರ.

"

ಬೆಂಗಳೂರು & ಮೈಸೂರು ರಸ್ತೆಯಲ್ಲಿ ಅಳವಡಿಸಿರುವ ವಿದ್ಯುತ್​ ಕಂಬಗಳಲ್ಲಿ ಎಲ್​ಇಡಿ ಬಲ್ಬ್​ ಅಳವಡಿಸಲಾಗಿದೆ. ಜತೆಗೆ ವಿದ್ಯುತ್​ ವೈಯರ್​ ಸಮರ್ಪಕವಾಗಿ ಜೋಡಣೆ ಮಾಡಲಾಗುತ್ತಿದೆ. ಕಂಬಗಳಿಗೆ ಬಣ್ಣ ಬಳಿದು ಸೌಂದರ್ಯಕ್ಕೆ ಒತ್ತು ನೀಡಲಾಗುತ್ತಿದೆ. ಹಳೇ ಜಾಹೀರಾತು ಫಲಕ ತೆಗೆಯಲು ನಗರಸಭೆ ಕ್ರಮ ವಹಿಸುತ್ತದೆ.

— > ಡಾ. ಜಯಣ್ಣ, ಆಯುಕ್ತರು, ನಗರಸಭೆ, ರಾಮನಗರ.