ನಾಡಿನ ಪ್ರಬುದ್ಧ ರಾಜಕಾರಣಿ ಶಾಂತವೇರಿ ಗೋಪಾಲಗೌಡ

ಸಿಂ.ಲಿಂ. ನಾಗರಾಜು ಪ್ರತಿಷ್ಠಾನದಿಂದ ನಗರದ ಸಾರ್ವಜನಿಕ ವಿದ್ಯಾಸಂಸ್ಥೆ ಆವರಣದಲ್ಲಿ ಶನಿವಾರ ಆಯೋಜಿಸಿದ್ದ ಶಾಂತವೇರಿ ಗೋಪಾಲಗೌಡ ಜನ್ಮದಿನ ಹಾಗೂ ‘ಮೇದರದೊಡ್ಡಿ ಹನುಮಂತರವರ ನೆಲದಲ್ಲಿಯೂ ನಕ್ಷತ್ರಗಳಿವೆ’ ಕವನ ಸಂಕಲನ ಲೋಕಾರ್ಪಣೆ ಕಾರ್ಯಕ್ರಮದಲ್ಲಿ ಮಾತನಾಡಿದರು.

ಕರ್ನಾಟಕದಲ್ಲಿ ಆದರ್ಶ ರಾಜಕಾರಣಕ್ಕೆ ಹೆಸರುವಾಸಿಯಾದ ಗೌಡರು, ಸಾಹಿತ್ಯ ಪ್ರಿಯರು. ಹಲವಾರು ಸಾಹಿತಿಗಳು ಅವರ ಒಡನಾಟದಲ್ಲಿದ್ದರು. ಸಾಹಿತ್ಯದ ಬಗ್ಗೆ ನಿರರ್ಗಳವಾಗಿ ಮಾತನಾಡುತ್ತಿದ್ದ ಏಕೈಕ ರಾಜಕಾರಣಿ. ಅವರ ವ್ಯಕ್ತಿತ್ವ ಮತ್ತು ಚಿಂತನೆಗಳಿಂದ ರಾಷ್ಟ್ರಕವಿ ಕುವೆಂಪು, ಡಾ.ಪೂರ್ಣಚಂದ್ರ ತೇಜಸ್ವಿ, ಲಂಕೇಶ್ ಸೇರಿದಂತೆ ಆ ಕಾಲದ ಅನೇಕ ಸಾಹಿತಿಗಳು ಪ್ರಭಾವಿತರಾಗಿ, ಅವರೊಡನೆ ಆತ್ಮೀಯ ಒಡನಾಟ ಹೊಂದಿದ್ದರು. ಶಾಂತವೇರಿ ಗೋಪಾಲಗೌಡರಂತೆಯೇ ರಾಜಕೀಯದಲ್ಲಿದ್ದು, ಶುದ್ಧ ಹಸ್ತದವರಾಗಿದ್ದವರಲ್ಲಿ ಈ ನೆಲದ ಸಿಂ.ಲಿಂ.ನಾಗರಾಜು ಸಹ ಪ್ರಮುಖರು. ಮೌಲ್ಯಾಧಾರಿತ ರಾಜಕಾರಣಕ್ಕೆ ಮಾದರಿಯಾಗಿದ್ದ ಸಿಂಲಿಂ ಹೆಸರಿನ ಪ್ರತಿಷ್ಠಾನ ಹಮ್ಮಿಕೊಂಡಿರುವ ಈ ಕಾರ್ಯಕ್ರಮ ಅರ್ಥಪೂರ್ಣ ಎಂದರು.

ಟ್ರಸ್ಟ್ ಅಧ್ಯಕ್ಷ ಶಂಭೂಗೌಡ ನಾಗವಾರ, ಸಂಚಾಲಕ ಎಸ್.ಎನ್.ಆದರ್ಶಕುಮಾರ್, ಬಿಸಿಯೂಟ ನೌಕರರ ಸಂಘದ ಜಿಲ್ಲಾಧ್ಯಕ್ಷೆ ನಿರ್ಮಲಾ, ಕಲಾವಿದೆ ಮಮತಾ ಯೋಗಾನಂದ್, ಪತ್ರಕರ್ತರಾದ ರಾಜೇಶ್ ರಾಂಪುರ, ಕುಂಬಾಪುರ ಬಾಬು, ಕವನ ಸಂಕಲನದ ಕರ್ತೃ ಮೇದರದೊಡ್ಡಿ ಹನುಮಂತ, ಯೋಗೇಶ್ ದ್ಯಾವಪಟ್ಟಣ, ಟ್ರಸ್ಟ್ ಕಾರ್ಯಕಾರಿ ಮಂಡಳಿ ಸದಸ್ಯರಾದ ರಜನಿ ಆದರ್ಶ ಕುಮಾರ್, ಹೇಮಂತ್ ಗೌಡ, ಪಿ.ಸುರೇಶ್, ವೈ.ಎಂ.ಸತೀಸ್, ಕುಮಾರ್, ಇತರರಿದ್ದರು.