ಬಹಿರಂಗ ಚರ್ಚೆಗೆ ಪೊಲೀಸ್​ ದಿಗ್ಬಂಧನ

ಹಾಲಿ ಶಾಸಕ ಬಾಲಕೃಷ್ಣ, ಮಾಜಿ ಶಾಸಕ ಎ.ಮಂಜುನಾಥ್​ ನಡುವೆ ಬಹಿರಂಗ ಚರ್ಚೆಗೆ ಚಕ್ರಬಾವಿ ವಿಎಸ್ಸೆಸ್ಸೆನ್​ನಲ್ಲಿ ವೇದಿಕೆ ಸಿದ್ಧವಾಗಿತ್ತು. ಚರ್ಚೆಗೆ ಬರಲು ಇಬ್ಬರೂ ನಾಯಕರು ಒಪ್ಪಿದ್ದರು. ಸಂಭಾವ್ಯ ಅನಾಹುತಗಳ ಅರಿವಿದ್ದ ತಾಲೂಕು ಆಡಳಿತ ಹಾಗೂ ಪೊಲೀಸ್​ ಇಲಾಖೆ ವಿಎಸ್ಸೆಸ್ಸೆನ್​ ಕಟ್ಟಡದ ಸುತ್ತಲೂ 144 ಸೆಕ್ಷನ್​ ಜಾರಿಗೊಳಿಸಿತ್ತು. ಗ್ರಾಮದಲ್ಲಿ 150ಕ್ಕೂ ಹೆಚ್ಚು ಪೊಲೀಸರನ್ನು ನಿಯೋಜಿಸಿ, ಬಿಗಿಬಂದೋಬಸ್ತ್​ ಮಾಡಿತ್ತು. ಆದರೂ ಶನಿವಾರ ಬೆಳಗ್ಗೆ 11ಕ್ಕೆ ವೇದಿಕೆಗೆ ಆಗಮಿಸಲು ಶಾಸಕ ಬಾಲಕೃಷ್ಣ ಸ್ನೇಹಿತರ ಕಾರಿನಲ್ಲಿ ತೆರಳುವ ವೇಳೆ ಹಲಸಬೆಲೆ ಗೇಟ್​ ಬಳಿ ಬ್ಯಾರಿಕೇಡ್​ ಅಳವಡಿಸಿ ಡಿವೈಎಸ್​ಪಿ ರವಿ ಶಾಸಕರ ಕಾರನ್ನು ತಡೆದರು. ಈ ವೇಳೆ ಪೊಲೀಸರೊಂದಿಗೆ ಶಾಸಕರು ವಾಕ್​ ಸಮರ ನಡೆಯಿತಾದರೂ ಗ್ರಾಮದಲ್ಲಿ ನಿಷೇಧಾೆ ಜಾರಿಯಿದ್ದು, ಯಾವುದೇ ಚರ್ಚೆ ಹಾಗೂ ಸಭೆ ಮಾಡುವಂತಿಲ್ಲ ಎಂದು ಶಾಸಕರಿಗೆ ಸೂಚನೆ ನೀಡಿದರು.

ನಮ್ಮ ಬಗ್ಗೆ ಅಪಪ್ರಚಾರ ಮಾಡುತ್ತಿರುವ ಮಾಜಿ ಶಾಸಕರ ವಿರುದ್ಧ ಕ್ರಮ ಆಗಬೇಕು. ಪ್ರತಿನಿತ್ಯ ಆರೋಪ ಮಾಡಿ, ವೈಯಕ್ತಿಕ ನಿಂದನೆ ಮಾಡುವುದು ನಿಲ್ಲಬೇಕು. ಈ ಬಗ್ಗೆ ಸೂಕ್ತ ಕ್ರಮಕೈಗೊಳ್ಳಬೇಕು. ಇಲ್ಲವೇ ಚರ್ಚೆಗೆ ಅವಕಾಶ ಕೊಡಬೇಕು ಎಂದು ಪೊಲೀಸರಿಗೆ ಬಾಲಕೃಷ್ಣ ಮನವಿ ಮಾಡಿದರಲ್ಲದೇ ತಿಂಗಳೊಳಗೆ ಕ್ರಮಕೈಗೊಳ್ಳದಿದ್ದರೆ ಠಾಣೆ ಮುಂದೆ ಧರಣಿ ಕೂರುವುದಾಗಿ ಎಚ್ಚರಿಕೆ ನೀಡಿದರು. ಆರೋಪಕ್ಕೆ ಸಂಬಂಧಿಸಿದಂತೆ ಮಾಜಿ ಶಾಸಕರಿಗೆ ನೋಟಿಸ್​ ನೀಡುವುದಾಗಿ ಡಿವೈಎಸ್ಪಿ ರವಿ ಭರವಸೆ ನೀಡಿದ ಬಳಿಕ, ಶಾಸಕರು ಸ್ಥಳದಿಂದ ಮರಳಿಹೋದರು.

ಮಾಜಿ ಶಾಸಕ ಎ.ಮಂಜುನಾಥ್​ ಕಲ್ಯಾಗೇಟ್​ ಗಣಪತಿ ದೇವಾಲಯಕ್ಕೆ ತೆರಳಿ ಪೂಜೆ ಸಲ್ಲಿಸಿ, ಬೆಂಬಲಿಗರೊಂದಿಗೆ ಜೆಡಿಎಸ್​ ಭವನಕ್ಕೆ ಬಂದು, ಅಲ್ಲಿಂದ ಚಕ್ರಬಾವಿಯಲ್ಲಿನ ಚರ್ಚೆಗೆ ತೆರಳಲು ಮುಂದಾದಾಗ ಪೊಲೀಸ್​ ಇನ್​ಸ್ಪೆಕ್ಟರ್​ ಶ್ರೀನಿವಾಸ್​ ಹಾಗೂ ಸಿಬ್ಬಂದಿ ಅಡ್ಡಗಟ್ಟಿದರು. ಈ ವೇಳೆ ಮಾಜಿ ಶಾಸಕ ಹಾಗೂ ಬೆಂಬಲಿಗರು ಮತ್ತು ಪೊಲೀಸರ ನಡುವೆ ತಳ್ಳಾಟ, ನೂಕಾಟ ನಡೆಯಿತು. ಕೊನೆಗೆ ಮಾಜಿ ಶಾಸಕರು ಹಾಗೂ ಅವರ ಬೆಂಬಲಿಗರನ್ನು ಪೊಲೀಸರು ಜೆಡಿಎಸ್​ ಕಚೇರಿ ಒಳಗೆ ತಳ್ಳಿ, ಬೀಗ ಹಾಕಿ, ದಿಗ್ಬಂಧನ ಹೇರಿದರು.

ಪಟ್ಟಣದ ಕಾಂಗ್ರೆಸ್​ ಕಚೇರಿಯಲ್ಲಿ ಎಚ್​.ಸಿ.ಬಾಲಕೃಷ್ಣ ಮಾತನಾಡಿ, ಎ.ಮಂಜುನಾಥ್​ ನನ್ನ ವಿರುದ್ಧ<600 ಕೋಟಿ ಹಗರಣದ ಆರೋಪ ಮಾಡಿದ್ದಾರೆ. ಈ ಆಧಾರದ ಮೇಲೆ ಅವರ ವಿರುದ್ಧನ್ಯಾಯಾಲಯದಲ್ಲಿ ಒಂದು ರೂ. ಮಾನನನಷ್ಟ ಮೊಕದ್ದಮೆ ಹೂಡುತ್ತೇನೆ. ನನ್ನ ಸಹೋದರ ಬಿಡಿಸಿಸಿಸಿ ಬ್ಯಾಂಕ್​ ಅಧ್ಯಕ್ಷ ಎಚ್​.ಎನ್​.ಅಶೋಕ್​ ವಿರುದ್ಧ 18 ಕೋಟಿ ರೂ. ಲೂಟಿಯ ಆರೋಪ ಮಾಡಿದ್ದಾರೆ.ಈ ಬಗ್ಗೆ ಎಚ್​.ಎನ್​.ಅಶೋಕ್​ ಸಹ ಮಾಜಿ ಶಾಸಕರ ವಿರುದ್ಧಮಾನನಷ್ಟ ಮೊಕದಮೆ ಹೂಡಲಿದ್ದಾರೆ. ಈ ಬಗ್ಗೆ ಪೊಲೀಸ್​ ಠಾಣೆಯಲ್ಲಿ ದೂರು ಸಲ್ಲಿಸಲಾಗಿದೆ ಎಂದರು.

ಬಿಡಿಸಿಸಿ ಬ್ಯಾಂಕ್​ ಅಧ್ಯಕ್ಷ ಎಚ್​.ಎನ್​.ಆಶೋಕ್​ ಮಾತನಾಡಿ, ನಕಲಿ ಚಿನ್ನ ಅಡಮಾನ ವಿಚಾರವಾಗಿ ಚಿನ್ನ ಪರೀಕ್ಷಕ ಅವರ ಪತ್ನಿ ಹಾಗೂ ಕೆಲ ಸಿಬ್ಬಂದಿವಿರುದ್ಧ ದೂರು ನೀಡಿ ತನಿಖೆ ನಡೆಸಿ 3 ಮಂದಿ ತಪ್ಪಿತಸ್ಥರ ವಿರುದ್ದ ಎಫ್​ಐಆರ್​ ಹಾಕಿಸಲಾಗಿದೆ. ಪ್ರಕರಣ ತನಿಖಾ ಹಂತದಲ್ಲಿದೆ. ದುರುಪಯೋಗವಾಗಿದ್ದ < 4.38 ಕೋಟಿಯನ್ನು ಬಡ್ಡಿ ಸಮೇತ ಬ್ಯಾಂಕ್​ಗೆ ಮರಳಿಸಲು ಕ್ರಮವಹಿಸಲಾಗಿದೆ. <9 ಕೋಟಿ, <18 ಕೋಟಿ ದುರುಪಯೋಗವಾಗಿದೆ ಎಂದು ಮಾಜಿ ಶಾಸಕರು ಆರೋಪಿಸಿದ್ದಾರೆ. ಇದರಿಂದ ಗ್ರಾಹಕರಲ್ಲಿ ಪ್ರಚೋದನೆ ನೀಡಿದಂತಾಗಿ ಉದ್ವಿಗ್ನ ವಾತಾವರಣ ಸೃಷ್ಟಿಸಿ, ರಾಜಕೀಯವಾಗಿ ನನಗೆ ಕೆಟ್ಟ ಹೆಸರು ತರಲು ಯತ್ನಿಸಿದ್ದಾರೆ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ಬ್ಲಾಕ್​ ಕಾಂಗ್ರೆಸ್​ ಅಧ್ಯಕ್ಷ ಕೆ.ಕೃಷ್ಣಮೂರ್ತಿ, ಟಿ.ಜಿ.ವೆಂಕಟೇಶ್​, ಬಿಎಂಆರ್​ಡಿಎ ಅಧ್ಯಕ್ಷ ಪ್ರಕಾಶ್​, ನಿರ್ದೇಶಕ ಚಂದ್ರಶೇಖರ್​, ಬಮುಲ್​ ಮಾಜಿ ಅಧ್ಯಕ್ಷ ನರಸಿಂಹಮೂರ್ತಿ, ಟಿಎಪಿಸಿಎಂಎಸ್​ ಅಧ್ಯಕ್ಷ ಶಿವಪ್ರಸಾದ್​, ದೀಪು ಉದ್ದೀಶ್​, ಕಲ್ಕೆರೆ ಶಿವಣ್ಣ, ಬ್ಯಾಲಕೆರೆ ಚಿಕ್ಕರಾಜು, ಪುರಸಭೆ ಮಾಜಿ ಸದಸ್ಯರಾದ ರೂಪೇಶ್​, ರೆಹಮತ್​, ಶಿವಕುಮಾರ್​, ಅಶ್ವತ್ಥ್​, ಜೆಡಿಎಸ್​ ಮುಖಂಡರಾದ ಕೆಂಪೇಗೌಡ, ಸಾಗರ್​, ಡಿ.ಜಿ.ಕುಮಾರ್​, ನಯಾಜ್​, ಬಿಎಸ್​.ಸುಹೇಲ್​, ರಂಗಣ್ಣಿ, ವಿಜಯ್​ ಕುಮಾರ್​, ಮಂಜುನಾಥ್​ ಇತರರು ಇದ್ದರು.