ಹಾಲು ಕರೆವ ಯಂತ್ರ ಕೊಡಲು ಮೀನಮೇಷ

ಆರು ತಿಂಗಳ ಹಿಂದೆಯೇ ಬಮುಲ್​ ವ್ಯವಸ್ಥಾಪಕ ನಿರ್ದೇಶಕರ ಹೆಸರಿನಲ್ಲಿ ಡೇರಿಗಳ ಕಾರ್ಯದರ್ಶಿಗಳು ಉತ್ಪಾದಕರ ಹೆಸರಿನಲ್ಲಿ ಡಿಡಿ ತೆಗೆದು ಲಾಂತರ ಹಣ ಪಾವತಿಸಿದ್ದು, ಇಂದಿಗೂ ಹಾಲು ಕರೆಯುವ ಯಂತ್ರವನ್ನಾಗಲಿ, ರಬ್ಬರ್​ ಮ್ಯಾಟ್​ಗಳನ್ನಾಗಲೀ ವಿತರಿಸದಿರುವುದು ಅನುಮಾನ ಮೂಡಲು ಕಾರಣವಾಗಿದೆ.

ಮಾಗಡಿ ತಾಲೂಕಿನಾದ್ಯಂತ 300 ಹಾಲು ಉತ್ಪಾದಕ ಸಹಕಾರ ಸಂಗಳಿಂದ 10 ಸಾವಿರ ರಬ್ಬರ್​ ಮ್ಯಾಟ್​ ಹಾಗೂ 100 ಹಾಲು ಕರೆಯುವ ಯಂತ್ರಗಳ ಖರೀದಿಗೆ ರೈತರು ಆರು ತಿಂಗಳ ಹಿಂದೆಯೇ ಡಿಡಿ ಮೂಲಕ ಒಕ್ಕೂಟದ ನಿಯಮಾವಳಿಯಂತೆ ಹಣ ಪಾವತಿಸಲಾಗಿದೆ. ಒಂದು ಹಾಲು ಕರೆಯುವ ಯಂತ್ರಕ್ಕೆ 18 ಸಾವಿರದಂತೆ ಡಿಡಿ ಮೂಲಕ ಬಮುಲ್​ ಖಾತೆಗೆ ರೈತರು ಜಮೆ ಮಾಡಿದ್ದಾರೆ.

ಆದರೆ, ಹಣ ಪಡೆದ ಒಕ್ಕೂಟದ ಅಧಿಕಾರಿಗಳು ಕಣ್ಮುಚ್ಚಿ ಕುಳಿತಿದ್ದಾರೆ. ಹಾಲು ಉತ್ಪಾದಕ ಸಹಕಾರ ಸಂಗಳ ಮೂಲಕ ರೈತರು ಬಮುಲ್​ ಉಪವ್ಯವಸ್ಥಾಪಕರು ಹಾಗೂ ನಿರ್ದೇಶಕರಿಗೆ ಹತ್ತಾರು ಬಾರಿ ಮನವಿ ಮಾಡಿದ್ದಾರೆ. 3 ತಿಂಗಳ ಹಿಂದೆ ಕೇಳಿದಾಗ ವಾರದಲ್ಲಿ ವಿತರಿಸುತ್ತೇವೆಂದು ಭರವಸೆ ನೀಡಿದ್ದ ಅಧಿಕಾರಿಗಳು, ಇಂದಿಗೂ ಭರವಸೆ ಈಡೇರಿಸಿಲ್ಲ ಎಂಬ ಆರೋಪ ಕೇಳಿಬಂದಿದೆ.

ಹಾಲು ಉತ್ಪಾದಕರು ಬಮುಲ್​ನ ಅಧಿಕೃತ ಸಹಾಯವಾಣಿಗೆ ಕರೆ ಮಾಡಿ ಮಾಹಿತಿ ಕೇಳಿದರೂ ಸಮರ್ಪಕ ಉತ್ತರ ಸಿಗುತ್ತಿಲ್ಲ. ಕೇವಲ ಹಾರಿಕೆ ಉತ್ತರದ ಮೂಲಕ ರೈತರ ಹಾದಿ ತಪ್ಪಿಸಲಾಗುತ್ತಿದೆ. ಇದರಿಂದ ಸಹಾಯವಾಣಿಗೆ ಯಾವುದೇ ಕಿಮ್ಮತ್ತಿಲ್ಲ ಎಂದು ಹಿಡಿ ಶಾಪಹಾಕಿದ್ದಾರೆ.

ಬೆಂಗಳೂರು ಹಾಲು ಒಕ್ಕೂಟದ ಅಧ್ಯಕ್ಷ ಡಿ.ಕೆ. ಸುರೇಶ್​ ಅವರು ಅಧಿಕಾರ ವಹಿಸಿಕೊಂಡ ನಂತರ ಬಮುಲ್​ನಲ್ಲಿ ಸಾಕಷ್ಟು ಸುಧಾರಣೆಗಳನ್ನು ಕೈಗೊಳ್ಳುತ್ತಾ ಬಂದಿದ್ದಾರೆ. ಆದರೆ, ಅಧಿಕಾರಿಗಳ ಬೇಜವಾಬ್ದಾರಿತನದಿಂದಾಗಿ ಅಧ್ಯಕ್ಷರಿಗೆ ಕೆಟ್ಟ ಹೆಸರು ಬರುವಂತಾಗಿದೆ. ಆದ್ದರಿಂದ, ಡಿ.ಕೆ. ಸುರೇಶ್​ ಕೂಡಲೇ ಮಾಗಡಿ ತಾಲೂಕಿನ ರೈತರ ಸಮಸ್ಯೆ ಬಗೆಹರಿಸಬೇಕು, ಯಾವ ಅಧಿಕಾರಿಗಳ ರ್ನಿಲಕ್ಷ$್ಯದಿಂದ ವಿಳಂಬವಾಗಿದೆ ಎಂಬುದನ್ನು ಪತ್ತೆಹಚ್ಚಿ ಶ್ರೀ ಅರ್ಹ ಹಾಲು ಉತ್ಪಾದಕರಿಗೆ ಮ್ಯಾಟ್​ ಹಾಗೂ ಹಾಲು ಕರೆಯುವ ಯಂತ್ರಗಳನ್ನು ತಲುಪಿಸುವ ವ್ಯವಸ್ಥೆ ಮಾಡಬೇಕು ಎಂದು ತಾಲೂಕಿನ ಹೈನುಗಾರರು ಒತ್ತಾಯಿಸಿದ್ದಾರೆ.

ಹೈನುಗಾರರನ್ನು ಸತಾಯಿಸಿದರೆ, ಮುಂಬರುವ ದಿನಗಳಲ್ಲಿ ಎಲ್ಲ ಹಾಲು ಉತ್ಪಾದಕ ಸಹಕಾರ ಸಂಗಳಿಗೆ ಬೀಗ ಹಾಕಿ, ಬೆಂಗಳೂರಿನ "ರ ಭವನ'ದ ಮುಂದೆ ಬೃಹತ್​ ಪ್ರತಿಭಟನೆ ಹಮ್ಮಿಕೊಳ್ಳಲಾಗುವುದು. ಹಾಲಿನ ಸರಬರಾಜನ್ನು ಸ್ಥಗಿತಗೊಳಿಸಿದರೆ ಉಂಟಾಗುವ ನಷ್ಟಕ್ಕೆ ಬಮುಲ್​ ಆಡಳಿತ ಮಂಡಳಿಯೇ ನೇರ ಹೊಣೆಯಾಗಬೇಕಾಗುತ್ತದೆ ಎಂದು ಹಾಲು ಉತ್ಪಾದಕರು ಎಚ್ಚರಿಸಿದ್ದಾರೆ.

"

ಸಾಲ ಮಾಡಿ ಮ್ಯಾಟ್​ ಮತ್ತು ಯಂತ್ರಕ್ಕೆ ಹಣ ಕಟ್ಟಿ 6 ತಿಂಗಳಾಯಿತು. ನಮ್ಮಲ್ಲಿ 6 ಹಸುಗಳಿವೆ. ಪ್ರತಿದಿನ 50 ಲೀಟರ್​ ಹಾಲು ಕರೆಯಬೇಕು. ಒಬ್ಬರೇ ಇದನ್ನು ಮಾಡಲು ಹೇಗೆ ಸಾಧ್ಯ? ಕೆಲಸಕ್ಕೆ ಯಾರೂ ಬರುವುದಿಲ್ಲ ಎಂಬ ಕಾರಣಕ್ಕೆ ಕಷ್ಟಪಟ್ಟು ಹಣ ಹೊಂದಿಸಿ ಯಂತ್ರಕ್ಕೆ ಕಟ್ಟಿದ್ದೆವು. ಈಗ ಹಣವೂ ಇಲ್ಲ, ಯಂತ್ರವೂ ಇಲ್ಲ.

— > ವಿ.ಎಸ್​. ಶಿವಕುಮಾರ್​, ವೀರೇಗೌಡನ ದೊಡ್ಡಿ ಹಾಲು ಉತ್ಪಾದಕ