ನಗರ ಪ್ರದೇಶದಲ್ಲಿ 2 ಸಾವಿರಕ್ಕೂ ಅಧಿಕ ನಾಯಿಗಳಿವೆ ಎಂದು ಅಂದಾಜಿಸಲಾಗಿದೆ. ಈ ನಾಯಿಗಳಿಗೆ ಸಂತಾನಶಕ್ತಿ ಹರಣ ಚಿಕಿತ್ಸೆ ನೀಡಿ, ಸುರತವಾಗಿ ಅದೇ ಸ್ಥಳದಲ್ಲಿ ಬಿಡಲು ನಗರಸಭೆಯಿಂದ ಹಲವಾರು ಬಾರಿ ಟೆಂಡರ್ ಕರೆದರೂ ಯಾರೂ ಟೆಂಡರ್ನಲ್ಲಿ ಭಾಗವಹಿಸಿರಲಿಲ್ಲ. ಕೊನೆಗೂ ಎಬಿಸಿ ( ಅನಿಮಲ್ ರ್ಬತ್ ಕಂಟ್ರೋಲ್) ಟೆಂಡರ್ ಪ್ರಕ್ರಿಯೆ ಮುಗಿದಿದ್ದು, ಪಬ್ಲಿಕ್ ವಾಯ್ಸ್ ಎಂಬ ಏಜೆನ್ಸಿ ಈ ಟೆಂಡರ್ ಪಡೆದುಕೊಂಡಿದೆ. ಪ್ರತಿನಾಯಿಯ ಸಂತಾನಶಕ್ತಿ ಹರಣ ಚಿಕಿತ್ಸೆಗೆ 1,670 ರೂ. ನಿಗದಿಯಾಗಿದ್ದು, ಇದರಲ್ಲಿ ಸಂತಾನಶಕ್ತಿ ಹರಣ, ವ್ಯಾಕ್ಸಿನೇಷನ್, ಜಿಪಿಎಸ್ ಅಳವಡಿಕೆ, ಚಿಕಿತ್ಸೆ ವೇಳೆ ಉಟೋಪಚಾರ ಸೇರಿದೆ. ಇದರೊಂದಿಗೆ, ಯಾವ ಜಾಗದಲ್ಲಿ ನಾಯಿಯನ್ನು ಸೆರೆ ಹಿಡಿಯುತ್ತಾರೋ ಅದೇ ಸ್ಥಳಕ್ಕೆ ಪುನ@ ಬಿಡುವ ನಿಯಮವೂ ಸಹ ಇದೆ. ಈ ಎಲ್ಲ ಕಾರ್ಯಗಳಿಗೆ ಸೂಕ್ತ ಜಾಗದ ಕೊರತೆ ಸದ್ಯ ಕಾಡುತ್ತಿದೆ.
