ವೇಗದ ಬಸ್​ಗೆ ಪ್ರಯಾಣಿಕನಿಂದ ಕಲ್ಲು

ಬಿಡದಿಗೆ ತೆರಳಲು ಪ್ರಯಾಣಿಕ ಬೆಂಗಳೂರಿನಲ್ಲಿ ಬಿಎಂಟಿಸಿ ಬಸ್​ ಹತ್ತಿದ್ದ. ಆದರೆ, ಬಿಡದಿಗೆ ಬರುವ ವೇಳೆ ಚಾಲಕ ವೇಗ ಹಾಗೂ ಅಜಾಗರೂಕತೆಯಿಂದ ಬಸ್​ ಚಾಲನೆ ಮಾಡಿದ ಪರಿಣಾಮ ಪ್ರಯಾಣಿಕ ಬಸ್​ ಒಳಗೆ ಬಿದ್ದು, ಮೂಗಿಗೆ ಪೆಟ್ಟು ಮಾಡಿಕೊಂಡಿದ್ದ. ಇದರಿಂದ ಕುಪಿತಗೊಂಡ ಪ್ರಯಾಣಿಕ ಬಸ್​ ಬಿಡದಿ ನಿಲ್ದಾಣಕ್ಕೆ ಬರುತ್ತಿದಂತೆ ಕೆಳಗೆ ಇಳಿದು, ಅಲ್ಲೆ ಇದ್ದ ಕಲ್ಲು ಎತ್ತಿ ಬಸ್​ನ ಮುಂಬದಿ ಗಾಜಿಗೆ ಹೊಡೆದಿದ್ದಾನೆ. ಅಲ್ಲದೇ ಬಸ್​ ಚಾಲಕ ಹಾಗೂ ನಿರ್ವಾಹಕನ ಮೇಲೂ ಗಲಾಟೆ ಮಾಡಿದ್ದಾನೆ.

ಅರ್ಧ ತಾಸಿಗೂ ಹೆಚ್ಚು ರಂಪಾಟ ಮಾಡಿದ ವ್ಯಕ್ತಿಯನ್ನು ಸ್ಥಳಿಯರು ಸಮಾಧಾನ ಪಡಿಸಿ ಕಳುಹಿಸಿದ್ದಾರೆ. ಬಸ್​ನ ಮುಂಭಾಗದ ಗಾಜಿಗೆ ಕಲ್ಲು ಹೊಡೆದ ಕಾರಣ ಗಾಜು ಹಾನಿಯಾಗಿದೆ. ಟನೆಗೆ ಸಂಬಂಧಿಸಿದಂತೆ ಯಾವುದೇ ಪ್ರಕರಣ ದಾಖಲಾಗಿಲ್ಲ.