ಪೊಲೀಸರ ಸೋಗಿನಲ್ಲಿ ಬಂದು ವೃದ್ಧೆಯ ಚಿನ್ನದ ಸರ ಕಳವು

ನಾರಾಯಣಿ ಪಾಳ್ಯದಲ್ಲಿರುವ ಅಂಗನವಾಡಿಯಲ್ಲಿ ಸಹಾಯಕಿಯಾಗಿ ಕೆಲಸ ನಿರ್ವಹಿಸುತ್ತಿದ್ದ ಜಯಮ್ಮ ಎಂದಿನಂತೆ ಬುಧವಾರ ಬೆಳಗ್ಗೆ ಮನೆಯಿಂದ ಅಂಗನವಾಡಿಗೆ ನಡೆದುಕೊಂಡು ಹೋಗುತ್ತಿದ್ದಾಗ ಸೂರಪ್ಪನಹಳ್ಳಿ ಬಸ್​ ನಿಲ್ದಾಣದ ಬಳಿ ನೆಲಮಂಗಲ ಕಡೆಯಿಂದ ಬೈಕ್​ನಲ್ಲಿ ಬಂದ ಇಬ್ಬರು ವೃದ್ಧೆಯನ್ನು ನಿಲ್ಲಿಸಿ, ನಾವು ಪೊಲೀಸರು ಎಂದು ಹೇಳಿ ಸರ ಹಾಕಿಕೊಂಡು ನಡೆದುಕೊಂಡು ಹೋದರೆ ಕಳ್ಳರು ಬಂದು ನಿಮ್ಮ ಸರವನ್ನು ಕಿತ್ತುಕೊಂಡು ಹೋಗುತ್ತಾರೆ. ಹಾಗಾಗಿ ಅದನ್ನು ತೆಗೆದು ಬ್ಯಾಗಿನಲ್ಲಿಟ್ಟುಕೊಳ್ಳುವಂತೆ ಸೂಚಿಸಿದ್ದಾರೆ.

ಬಳಿಕ ಅವರೇ ಸರವನ್ನು ತೆಗೆದುಕೊಂಡು ನ್ಯೂಸ್​ ಪೇಪರ್​ನಲ್ಲಿ ಸುತ್ತಿ ಬ್ಯಾಗಿನಲ್ಲಿಟ್ಟುಕೊಂಡು ಹೋಗುವಂತೆ ತಿಳಿಸಿ ಹೋಗಿದ್ದಾರೆ. ಅವರು ಹೋದ ನಂತರ ಜಯಮ್ಮ ಪೇಪರ್​ ತೆಗೆದು ನೋಡಿದಾಗ ಸಣ್ಣ ಸಣ್ಣ ಕಲ್ಲುಗಳಿರುವುದನ್ನು ನೋಡಿ ಮೋಸ ಹೋಗಿರುವುದು ಗೊತ್ತಾಗಿದೆ. ಕುದೂರು ಠಾಣೆಯಲ್ಲಿ ದೂರು ದಾಖಲಾಗಿದೆ.