19ರಿಂದ ಮಾಗಡಿ ತಿರುಮಲೆ ರಂಗನಾಥಸ್ವಾಮಿ ಜಾತ್ರಾಮಹೋತ್ಸವ

ಜಿಲ್ಲಾಧಿಕಾರಿಗಳ ಕಚೇರಿಯಲ್ಲಿ ಮಾಗಡಿ ತಾಲೂಕಿನ ತಿರುಮಲೆ ಶ್ರೀ ರಂಗನಾಥಸ್ವಾಮಿ ದೇವಸ್ಥಾನದ 2026&-27ನೇ ಸಾಲಿನ ಜಾತ್ರೆ ಮತ್ತು ಬ್ರಹ್ಮರಥೋತ್ಸವದ ಪೂರ್ವಭಾವಿ ಸಿದ್ಧತಾ ಸಭೆಯಲ್ಲಿ ಅಧ್ಯಕ್ಷತೆ ವಹಿಸಿ ಮಾತನಾಡಿದರು.

ಸೂಕ್ತ ಪೊಲೀಸ್​ ಬಂದೋಬಸ್ತ್​ ಹಾಗೂ ಏಪ್ರಿಲ್​ 1ರ ಬುಧವಾರ ಶ್ರೀ ಸ್ವಾಮಿಯವರ ಜಾತ್ರಾ ಬ್ರಹ್ಮರಥೋತ್ಸವ ನಡೆಯಲಿದ್ದು, ಹೆಚ್ಚುವರಿಯಾಗಿ ಆರಕ್ಷಕ ಸಿಬ್ಬಂದಿ (ಮೀಸಲು ಆರಕ್ಷಕ ಪಡೆ) ನಿಯೋಜಿಸಲು ಮತ್ತು ಪಾರ್ಕಿಂಗ್​ ಮತ್ತು ಬ್ಯಾರಿಕೇಟ್​ ವ್ಯವಸ್ಥೆ ಕಲ್ಪಿಸಬೇಕು ಎಂದರು.

ಶ್ರೀ ದೇವಸ್ಥಾನದ ಸುತ್ತ-ಮುತ್ತ ಬೀದಿ ದೀಪಗಳ ನಿರ್ವಹಣೆ ಮತ್ತು ವ್ಯವಸ್ಥೆ ಬಗ್ಗೆ ಜಾತ್ರಾ ಮೈದಾನದಲ್ಲಿ ಶುದ್ಧ ಕುಡಿಯುವ ನೀರಿನ ವ್ಯವಸ್ಥೆ, ಜಾತ್ರಾ ಮೈದಾನವನ್ನು ಪುರಸಭೆ ಕಸ ವಿಲೇವಾರಿ ಮಾಡಿಸಿಕೊಡುವಂತೆ ತಿಳಿಸಿದರು.

ವಿದ್ಯುತ್​ ವ್ಯವಸ್ಥೆಯನ್ನು ಬೆಸ್ಕಾಂ ಇಲಾಖೆಯವರು, ಅಗ್ನಿಶಾಮಕ ವ್ಯವಸ್ಥೆಯನ್ನು ಅಗ್ನಿಶಾಮಕ ಠಾಣೆಯವರು ಹಾಗೂ ಜಾತ್ರ/ಬ್ರಹ್ಮರಥೋತ್ಸವದ ಸಂದರ್ಭದಲ್ಲಿ ಶ್ರೀ ದೇವಸ್ಥಾನದ ಸುತ್ತ-ಮುತ್ತ ಮತ್ತು ಜಾತ್ರಾ ಮೈದಾನದಲ್ಲಿ ಮದ್ಯ ಮಾರಾಟ ನಿಷೇಧಿಸುವಂತೆ ಅಬಕಾರಿ ಇಲಾಖೆ ಅಧಿಕಾರಿಗಳಿಗೆ ಸೂಚಿಸಿದರು. ಮಾ.20ರಿಂದ 25ರವರೆಗೆ ದನಗಳ ಜಾತ್ರೆ ನಡೆಯಲಿದ್ದು, ಜಾತ್ರಾ ಸಂಬಂಧ ನಡೆಯುವ ಅರವಂಟಿಕೆಗಳಿಗೆ ಅನುಮತಿ ಮತ್ತು ಜಾಗೃತಿ ಮೂಡಿಸುವಂತೆ ಪುರಸಭೆ ಹಾಗೂ ಪಶು ಸಂಗೋಪನಾ ಇಲಾಖೆಗೆ ನಿರ್ದೇಶನ ನೀಡಿದರು.

ಬ್ರಹ್ಮರಥೋತ್ಸವ ದಿನದಂದು ಭಕ್ತರಿಗೆ ವಿಶೇಷ ದರ್ಶನ ಮತ್ತು ಧರ್ಮದರ್ಶನ ವ್ಯವಸ್ಥೆ ಕಲ್ಪಿಸಲು ಹೆಚ್ಚುವರಿಯಾಗಿ ಬ್ಯಾರಿಕೇಟ್​ ಮತ್ತು ಶಾಮಿಯಾನ ವ್ಯವಸ್ಥೆ, ವಿವಿಧ ಸೂಚನಾ ಫಲಕ, ಕರಪತ್ರ, ಬ್ಯಾನರ್​ಗಳನ್ನು ಸೂಕ್ತ ಸ್ಥಳಗಳಲ್ಲಿ ಅಳವಡಿಸಬೇಕು. ಜಾತ್ರಾ, ಬ್ರಹ್ಮರಥೋತ್ಸವದ ಸಂದರ್ಭದಲ್ಲಿ ತಿರುಪತಿ ಮಾದರಿಯ ವಿಶೇಷ ಬಟ್ಟೆಯ ಹುಂಡಿಗಳನ್ನು ಅಳವಡಿಸಬೇಕು ಹಾಗೂ ಜಾತ್ರಾ/ಬ್ರಹ್ಮರಥೋತ್ಸವದ ದಿನದಂದು ದೇಗುಲದ ಒಳಾಂಗಣದಲ್ಲಿ ಹೂವಿನ ಆಲಂಕಾರ ಮಾಡಿಸಲು ದೇವಸ್ಥಾನದವರಿಗೆ ತಿಳಿಸಬೇಕು ಎಂದು ಸಲಹೆ ನೀಡಿದರು.

ಮಾಗಡಿ ತಹಸೀಲ್ದಾರ್​ ಶರತ್​ಕುಮಾರ್​, ಧಾರ್ಮಿಕ ದತ್ತಿ ಇಲಾಖೆಯ ತಹಸೀಲ್ದಾರ್​ ರಮ್ಯಾ, ತಾಲೂಕು ಪಂಚಾಯತ್​ ಕಾರ್ಯನಿರ್ವಾಹಕ ಅಧಿಕಾರಿ ಜೈಪಾಲ್​, ದೇವಸ್ಥಾನದ ಕಾರ್ಯನಿರ್ವಾಹಕ ಅಧಿಕಾರಿ ಸುಮಿತ್ರಾ, ಉಸ್ತುವಾರಿ ಅಧಿಕಾರಿ ಎಚ್​.ಕೆ.ರಘು ಸೇರಿದಂತೆ ಜಿಲ್ಲಾಮಟ್ಟದ ಅಧಿಕಾರಿಗಳು, ದೇವಸ್ಥಾನದ ಅರ್ಚಕರು, ಸಿಬ್ಬಂದಿ, ವ್ಯವಸ್ಥಾಪನಾ ಸಮಿತಿ ಸದಸ್ಯರು ಹಾಗೂ ಇತರರು ಉಪಸ್ಥಿತರಿದ್ದರು.