ಕಾರ್ಮಿಕ ಇಲಾಖೆ ಕಚೇರಿಗೆ ಲೋಕಾಯುಕ್ತ ಎಸ್ಪಿ ದಿಢೀರ್ ಬೇಟಿ

ರಾಮನಗರ: ಜಿಲ್ಲೆಯ ಲೋಕಾಯುಕ್ತ ಎಸ್​ ಪಿ ಸ್ನೇಹ ಪಿ.ವಿ ಅವರು ನಗರದ ಜಿಲ್ಲಾ ಕಾರ್ಮಿಕ ಅಧಿಕಾರಿ ಕಚೇರಿಗೆ ಮಂಗಳವಾರ ಮಧ್ಯಾಹ್ನ ದಿಢೀರ್​ ಬೇಟಿ ನೀಡಿ ದಾಖಲೆಗಳನ್ನು ಪರಿಶೀಲನೆ ನಡೆಸಿದರು.

ಬೇಟಿ ವೇಳೆ ಕಾರ್ಮಿಕ ಕಚೇರಿಗೆ ಸಂಬಂಧ ಪಟ್ಟ ಕರ್ತವ್ಯ ಹಂಚಿಕೆ ಕಡತ, ಹಾಜರಾತಿ ಪುಸ್ತಕ, ಚಲನ ವಹಿ, ನಗದು ಘೋಫಿಣ ವಹಿ, ವಿವಿಧ ಇಲಾಖೆ ಗಳಲ್ಲಿ ಕರ್ತವ್ಯ ನಿರ್ವಹಿಸುತ್ತಿರುವ ಹೊರಗುತ್ತಿಗೆ ನೌಕರರ /ಕಾರ್ಮಿಕರ ಮಾಹಿತಿ, ಮಾಹಿತಿ ಹಕ್ಕಿಗೆ ಸಂಬಂದಿಸಿದ ಮಾಹಿತಿ, ಗ್ಯಾಸ್​ ಏಜನ್ಸಿ ಮೇಲೆ ದಾಖಲಿಸಿರುವ ಪ್ರಕರಣ ಬಗ್ಗೆ, ಕಟ್ಟಡ ಕಾರ್ಮಿಕರ ವಿವಾಹ ನೋಂದಣಿಗೆ ಸಹಾಯಧನ ಬಗ್ಗೆ, ಪರಿಶೀಲನೆ ನಡೆಸಿದರು.

ಇದೇ ವೇಳೆ ಇಲಾಕೆವತಿಯಿಂದ ಆರಂಭಿಸಲಾಗಿರುವ ಬಾಲ ಕಾರ್ಮಿಕರ ಹೆಲ್ಪ್​ ಲೈನ್​ ಗೆ 1098, ಕಾರ್ಮಿಕರ ಹೆಲ್ಪ್​ ಲೈನ್​ 155214 ಸಂಖ್ಯೆಗೆ ಲೋಕಾಯುಕ್ತ ಎಸ್​ ಪಿ ಅವರೇ ಕರೆಮಾಡಿದರೆ ಕರೆಯು ಕನೆಕ್ಟ್​ ಆಗದೆ ಇರುವುದು ಕಂಡು ಬಂತು.

ಭಾರತ ರತ್ನ ಡಾ ಬಿ. ಆರ್​. ಅಂಬೇಡ್ಕರ್​ ಸಂಚಾರಿ ಕಾರ್ಮಿಕ ಸೇವಾ ಕೇಂದ್ರದ ವಾಹನ ಬಗ್ಗೆ ಹಾಗೂ ಅದಕ್ಕೆ ಸಂಬಂಧ ಪಟ್ಟ ಅಧಿಕಾರಿಗಳ ಕರ್ತವ್ಯದ ಬಗ್ಗೆ ವಿಚಾರಿಸಿದರು. ಈ ವೇಳೆ ಸಂಬಂಧ ಪಟ್ಟ ಅಧಿಕಾರಿಗಳಾದ ಶ್ರೀಕಾಂತ್​ ನಾಯ್ಕ, ಕಿರಣ್​ ಕುಮಾರ್​ (ಚಾಲಕ ) ರವರುಗಳು ಕರ್ಕರ್ತವ್ಯದ ಬಗ್ಗೆ ಸರಿಯಾದ ಮಾಹಿತಿ ನೀಡದೇ ಅನುಮಾನಕ್ಕೆ ಎಡೆ ಮಾಡಿಕೊಟ್ಟರು.

ಲೋಕಾಯುಕ್ತ ಎಸ್​.ಪಿ ರವರು ಕಾರ್ಮಿಕ ಅಧಿಕಾರಿಗಳಿಗೆ ಸರ್ಕಾರವು ಕಾರ್ಮಿಕರಿಗೆ ಕೈಗೊಂಡಿರುವ ಕಲ್ಯಾಣ ಕಾರ್ಯಕ್ರಮ ಗಳು ನಿಗದಿತ ಸಮಯಕ್ಕೆ ಕಾರ್ಮಿಕರಿಗೆ ತಲುಪುವಂತಹ ಕಾರ್ಯವಾಗ ಬೇಕು ಎಂದರು.

ಈ ವೇಳೆ ಲೋಕಾಯುಕ್ತ ಇನ್ಸ್​ಪೆಕ್ಟರ್​ ಸಂದೀಪ್​ ಕುಮಾರ್​ ಬಿ. ಎನ್​, ಮತ್ತು ಸಿಬ್ಬಂದಿಗಳು, ಮತ್ತು ಜಿಲ್ಲಾ ಕಾರ್ಮಿಕ ಅಧಿಕಾರಿ ನಾಗೇಂದ್ರ, ಕಾರ್ಮಿಕ ನೀರಿಕ್ಷಕ ಪ್ರದಿಪ್​ ಎಂ ಮುಂತಾದವರು ಇದ್ದರು.