ಬೇನಾಮಿ ಆಸ್ತಿ ಮಾರಿಕೊಳ್ಳಲು ಭೂಸ್ವಾಧಿನ Benami Property

ರಾಜ್ಯ ರೈತ ಸಂದ ಉಪಾಧ್ಯ ಮಲ್ಲಯ್ಯ ಮಾತನಾಡಿ, ಬೇನಾಮಿ ಆಸ್ತಿ ಮಾರಿಕೊಳ್ಳಲು ರಾಜಕಾರಣಿಗಳು ಭೂಸ್ವಾಧಿನ ಮಾಡಿಕೊಳ್ಳುತ್ತಿದ್ದು, ಹಿರಿಯರು ನಮಗಾಗಿ ಬಿಟ್ಟು ಹೋಗಿರುವ ತುಂಡು ಭೂಮಿಯನ್ನು ಉಳಿಸಿಕೊಳ್ಳುವ ಅನಿವಾರ್ಯ ಇದೆ. ಸರ್ಕಾರ ಹೀಗೆಯೇ ಒಂದಲ್ಲ ಒಂದು ಕಡೆ ಫಲವತ್ತಾದ ಭೂಮಿಯನ್ನು ಸ್ವಾಧಿನಪಡಿಸಿಕೊಳ್ಳುತ್ತ ಹೋದರೆ ರೈತರು ಎಲ್ಲಿಗೆ ಹೋಗಬೇಕು? ರಸ್ತೆಗಳನ್ನು ಮುಚ್ಚಲೂ ಸರ್ಕಾರದ ಬಳಿ ಹಣ ಇಲ್ಲ. ಹೀಗಿರುವಾಗ ಯಾವ ರೀತಿ ಉಪನಗರ ಅಭಿವೃದ್ಧಿ ಮಾಡುತ್ತಾರೆ? ಬಂಡೆಗಳ ಮೇಲಿನ ಭೂಮಿಯನ್ನು ಕೊರೆದು ಸುರಂಗ ರಸ್ತೆ ಮಾಡುತ್ತಾರೆ? ಎಂದು ಪ್ರಶ್ನಿಸಿದರು.

ರೈತ ಸಂದ ಸಂಚಾಲಕ ಚೀಲೂರು ಮುನಿರಾಜು ಮಾತನಾಡಿ, ಹಾರೋಹಳ್ಳಿ ಕೈಗಾರಿಕಾ ಪ್ರದೇಶದಲ್ಲಿ 3ನೇ ಹಂತದ ಕೈಗಾರಿಕಾ ವಲಯ ಮಾಡಿ ವರ್ಷಗಳು ಕಳೆದರೂ ಅಭಿವೃದ್ಧಿ ಕಂಡಿಲ್ಲ, ಮೊದಲು ಅಲ್ಲಿಗೆ ಕಾರ್ಖಾನೆಗಳು ಬರುವಂತೆ ನೋಡಿಕೊಳ್ಳಲಿ ಎಂದು ಆಗ್ರಹಿಸಿ, ರೈತರ ಹೋರಾಟಕ್ಕೆ ಎಲ್ಲರೂ ಕೈ ಜೋಡಿಸಿ ಧ್ವನಿಯಾಗಬೇಕೆಂದು ಕರೆ ನೀಡಿದರು.

ರೈತ ಹೋರಾಟ ಹಿತರಣಾ ಸಂದ ಪದಾಧಿಕಾರಿಗಳಾದ ಪ್ರಕಾಶ್​, ಶ್ರೀನಿವಾಸ್​ ರೆಡ್ಡಿ, ಮಂಡಲಹಳ್ಳಿ ನಾಗರಾಜು, ಹೊಸೂರು ಹರೀಶ್​, ರವೀಂದ್ರ ನಾಥ ರೆಡ್ಡಿ, ಕೃಷ್ಣ, ರಾಧಾಕೃಷ್ಣ, ನಾಗೇಶ್​ ಕುಮಾರ್​, ಮಂಜುನಾಥ್​, ಹೇಮಂತ್​, ಶ್ರೀಧರ್​ ಉಪಸ್ಥಿತರಿದ್ದರು.