ಮಾಡಬಾಳ್​ ಹೋಬಳಿ ಕೆರೆಗಳಿಗೆ ಕಾವೇರಿ ನೀರು

ಬಿಎಂಆರ್​ಡಿಎ ನೂತನ ಅಧ್ಯಕ್ಷ ತಟವಾಳ್​ ಪ್ರಕಾಶ್​, ನಿರ್ದೇಶಕರಾದ ದೀಪಕ್​, ಕೃಷ್ಣಪ್ಪ, ಚಂದ್ರಶೇಖರ್​ ಅವರಿಂದ ಅಭಿವಂದನೆ ಸ್ವೀಕರಿಸಿ ಮಾತನಾಡಿದ ಅವರು, ಎತ್ತಿನಹೊಳೆಯಿಂದ ತಿಪ್ಪಸಂದ್ರ&ಕುದೂರು ಹೋಬಳಿ ವ್ಯಾಪ್ತಿಯ ಕೆರೆಗಳಿಗೆ ನೀರು ತುಂಬಿಸುವ ಯೋಜನೆ ಟೆಂಡರ್​ ಹಂತದಲ್ಲಿದೆ. ಕುದೂರಿನಲ್ಲಿ ಕೆಪಿಎಸ್​ಸಿ ಶಾಲೆ ಉದ್ಘಾಟನೆ, ಕೆಎಸ್​ಆರ್​ಟಿಸಿ ಬಸ್​ ನಿಲ್ದಾಣ, ಬಸ್​ ಡಿಪೋ ನಿರ್ಮಾಣ, ಸ್ಟೇಡಿಯಂ ಅಭಿವೃದ್ಧಿಗೆ ಮಾರ್ಚ್​ನಲ್ಲಿ ಮುಖ್ಯಮಂತ್ರಿ ಸಿದ್ದರಾಮಯ್ಯ ಅವರು ಭೂಮಿಪೂಜೆ ನೆರವೇರಿಸಲಿದ್ದಾರೆ ಎಂದರು.

ಮಂಚನಬೆಲೆ ಜಲಾಶಯದಿಂದ ಮಾಗಡಿ ಪಟ್ಟಣಕ್ಕೆ ಸರಬರಾಜು ಮಾಡುತ್ತಿರುವ ಕುಡಿಯುವ ನೀರಿಗೆ ತೊಂದರೆಯಾಗದ ನಿಟ್ಟಿನಲ್ಲಿ ಮಂಚನಬೆಲೆ, ವೀರೇಗೌಡನದೊಡ್ಡಿ, ಹೊಸಪೇಟೆಗಳ ಬಳಿ 3 ಕಡೆ ಪಂಪ್​ ಮೋಟಾರ್​ ಆಳವಡಿಸಲಾಗುತ್ತಿದೆ. ಅವಶ್ಯಕತೆ ಇರುವೆಡೆ ಕೊಳವೆ ಬಾವಿ ಕೊರೆಸಲು ಕ್ರಮಕೈಗೊಳ್ಳಲಾಗಿದೆ. ಕುಡಿಯುವ ನೀರನ್ನು ಸಮರ್ಪಕವಾಗಿ ಸರಬರಾಜು ಮಾಡಲು ಪಟ್ಟಣವಾಸಿಗಳು ಬಾಕಿ ಉಳಿಸಿಕೊಂಡಿರುವ 3 ಕೋಟಿ ರೂ. ನೀರಿನ ತೆರಿಗೆಯನ್ನು ಈ ಕೂಡಲೇ ಪಾವತಿಸಬೇಕು ಎಂದು ಮನವಿ ಮಾಡಿದರು.

ಮಂಚನಬೆಲೆ ಜಲಾಶಯದ ಪಂಪ್​ಹೌಸ್​ನ ಬೆಡ್​ ಹಾಳಾಗಿದ್ದು, ಈ ಕಾಮಗಾರಿ ಪ್ರಗತಿಯಲ್ಲಿದೆ 20 ದಿನಗಳ ಒಳಗೆ ಪೂರ್ಣಗೊಳ್ಳಲಿದೆ. ಮಂಚನಬೆಲೆ ಜಲಾಶಯದ ಪಂಪ್​ಹೌಸ್​ಗೆ ಸರಬರಾಜಾಗುತ್ತಿದ್ದ ವಿದ್ಯುತ್​ನಲ್ಲಿ ವ್ಯತ್ಯಯವಾಗುತ್ತಿತ್ತು. ಅದನ್ನು ಸರಿಪಡಿಸಲೂ ಸಹ ಕ್ರಮಕೈಗೊಳ್ಳಲಾಗಿದೆ. ಜನರೇಟರ್​ ರಿಪೇರಿ ಇದ್ದರೆ ಮಾಡಿಸಲಾಗುವುದು ಎಂದು ಶಾಸಕರು ತಿಳಿಸಿದರು.

ಮಾಗಡಿ&ರಾಮನಗರ&ಕನಕಪುರ ರಸ್ತೆಗೆ 400 ಕೋಟಿ ರೂ.

ಮಾಗಡಿಯ ಹೊಸಪೇಟೆ ವೃತ್ತದಿಂದ ರಾಮನಗರ ಮೂಲಕ ಕನಕಪುರದವರೆಗೆ 4 ನಾಲ್ಕನೇ ಹಂತದ ಕೆಶಿಫ್​ ರಸ್ತೆಯ ಅಭಿವೃದ್ಧಿಗೆ 400 ಕೋಟಿ ರೂ. ಅನುದಾನ ಬಿಡುಗಡೆಯಾಗಿದೆ. ಡಿಪಿಆರ್​ ಸಹ ಪೂರ್ಣಗೊಂಡಿದ್ದು, ಶೀರ್ರದಲ್ಲೇ ಟೆಂಡರ್​ ಆಹ್ವಾನಿಸಲಾಗುವುದು. ವೀರೇಗೌಡನ ದೊಡ್ಡಿ, ಲ್ಮಪುರ ಗ್ರಾಮದ ಹೊರ ಭಾಗದಲ್ಲಿ ರಸ್ತೆ ಹಾದುಹೋಗುತ್ತಿತ್ತು. ಇದನ್ನು ತಪ್ಪಿಸಿ ಗ್ರಾಮದಲ್ಲೇ ಹಾದುಹೋಗುವಂತೆ ಮಾಡಲಾಗಿದೆ. ಇದರಿಂದ ರಾಮನಗರಕ್ಕೆ 20 ನಿಮಿಷದಲ್ಲಿ ತೆರಳಬಹುದು. ಮಂಚನಬೆಲೆ ಗ್ರಾಮದಿಂದ ವೀರೇಗೌಡನ ದೊಡ್ಡಿ ಗ್ರಾಮದವರೆಗಿನ ರಸ್ತೆಯನ್ನು 8 ಕೋಟಿ ರೂ. ವೆಚ್ಚದಲ್ಲಿ ವಿಸ್ತರಣೆ ಮಾಡಲಾಗುವುದು. ನಾಯ್ಕನಪಾಳ್ಯದ ದಳವಾಯಿ ಕೆರೆಯನ್ನು ಅಭಿವೃದ್ಧಿಪಡಿಸಿ ಪ್ರವಾಸಿ ತಾಣವನ್ನಾಗಿಸಲಾಗುವುದು ಎಂದು ಬಾಲಕೃಷ್ಣ ಹೇಳಿದರು.