ಸೌದೆ ಒಲೆ ಮೇಲೆ ಬಿಡದಿ ತಟ್ಟೆ ಇಡ್ಲಿ

ಪ್ರಮುಖ ಮುಖ್ಯಾಂಶಗಳು

• ಎಲ್ಪಿಜಿ ಕೊರತೆಯಿಂದ ಕಟ್ಟಿಗೆ ಉರಿಸುತ್ತಿರುವ ವ್ಯಾಪಾರಸ್ಥರು
• ಹೊಟೇಲ್​ ವ್ಯಾಪಾರ ಮಂಕು

ಬಿಡದಿ

ಇಡ್ಲಿ ಅಂದರೆ ಸಾಕು ನೆನಪಾಗೋದೇ ಬಿಡದಿತಟ್ಟೆ ಇಡ್ಲಿ ಹೋಟೆಲ್​ಗಳು. ಇಲ್ಲಿನ ಇಡ್ಲಿಗಳಿಗೆ ಮಾರು ಹೋಗದವರೇ ಇಲ್ಲ. ಆದರೆ ಇದೀಗ ತಟ್ಟೆಇಡ್ಲಿ ಹೋಟೆಲ್​ಗಳಿಗೆ ಮಧ್ಯಪ್ರಾಚ್ಯದ ಯುದ್ಧದ ಬಿಸಿ ತಟ್ಟಿದ್ದು, ಎಲ್ಪಿಜಿ ಕೊರತೆಯಿಂದವ್ಯಾಪಾರಸ್ಥರು ಸೌದೆ ಒಲೆಗಳತ್ತ ಮುಖಮಾಡಿದ್ದಾರೆ.

ಹೌದು...! ಬಿಡದಿ ಅಂದರೆ ತಟ್ಟೆ ಇಡ್ಲಿಗೆಹೆಸರುವಾಸಿ. ದಶಕಗಳಿಂದ ತಟ್ಟೆ ಇಡ್ಲಿ ಹೋಟೆಲ್​ಗಳನ್ನು ಹಲವು ಮಂದಿ ನಡೆಸಿಕೊಂಡು ಬರುತ್ತಿದ್ದಾರೆ.ಆದರೀಗ ಹೋಟೆಲ್​ಗಳ ಮೇಲೆ ಗ್ಯಾಸ್​ ಸಿಲಿಂಡರ್​ಗಳ ಕರಿ ನೆರಳು ಆವರಿಸಿದೆ. ಕಮರ್ಷಿಯಲ್​ ಸಿಲಿಂಡರ್​ಗಳು ಸಿಗದೆ ಹೋಟೆಲ್​ ಮಾಲೀಕರು ಕಂಗಲಾಗಿದ್ದು, ಸೌದೆಒಲೆಗಳನ್ನು ಹಚ್ಚುತ್ತಿದ್ದಾರೆ.

ಸಿಲಿಂಡರ್​ ಖಾಲಿ ಖಾಲಿ:

ಇಡೀ ಹೋಟೆಲ್​ ಉದ್ಯಮವೇ ಗ್ಯಾಸ್​ ಸಿಲಿಂಡರ್​ಗಳ ಮೇಲೆ ನಡೆಯುತ್ತಿದೆ. ಇಂತಹಸಂದರ್ಭದಲ್ಲಿ ಗ್ಯಾಸ್​ ಸಿಲಿಂಡರ್​ಗಳು ಸಿಗದಿರುವ ಕಾರಣದಿಂದಾಗಿ ಹೋಟೆಲ್​ಗಳು ಬಾಗಿಲು ಹಾಕುವ ಹಂತಕ್ಕೆಬಂದು ನಿಂತಿವೆ. ಇಲ್ಲಿನ ಹೋಟೆಲ್​ಗಳಿಗೆ ಕಮರ್ಷಿಯಲ್​ ಸಿಲಿಂಡರ್​ಗಳು ಪೂರೈಕೆ ಆಗುತ್ತಿಲ್ಲ. ಈಹಿಂದೆ ಬೇಡ ಬೇಡ ಎಂದರೂ ಕಮರ್ಷಿಯಲ್​ ಸಿಲಿಂಡರ್​ಗಳನ್ನು ಕೊಡುತ್ತಿದ್ದರು. ಇಂದು ಸಿಲಿಂಡರ್​ ಬೇಕು ಎಂದರೂ ಸಿಗುತ್ತಿಲ್ಲ ಎನ್ನುತ್ತಿದ್ದಾರೆಹೋಟೆಲ್​ ಮಾಲೀಕರು.

ಕೆಲ ತಿಂಡಿಗಳಿಗೆ ಬ್ರೇಕ್​

ಈ ಹಿಂದೆ ಹೋಟೆಲ್​ಗಳಲ್ಲಿ ಇಡ್ಲಿ ಜತೆಗೆ ವಡೆ, ಚಿತ್ರನ್ನ,ಪಲಾವ್​, ಪುಳಿಯೋಗರೆ, ರೈಸ್​ಬಾತ್​, ಪೂರಿ, ದೋಸೆ ಸೇರಿ ಹಲವು ತಿಂಡಿಗಳನ್ನು ತಯಾರಿಸುತ್ತಿದ್ದರು. ಆದರೆ ಇದೀಗ ಸಿಲಿಂಡರ್​ಗಳು ಸಿಗದಿರುವ ಕಾರಣ ಹಲವು ತಿಂಡಿಗಳಿಗೆಬ್ರೇಕ್​ ಹಾಕಲಾಗಿದೆ. ಇಡ್ಲಿ, ವಡೆ, ಚಿತ್ರಾನ್ನವನ್ನಷ್ಟೇತಯಾರು ಮಾಡುತ್ತಿದ್ದಾರೆ.

ಸಿಲಿಂಡರ್​ಗಳು ಸಿಗುತ್ತಿದ್ದ ಸಮಯದಲ್ಲಿಎಲ್ಲ ರೀತಿಯ ತಿಂಡಿ ಪದಾರ್ಥಗಳನ್ನು ತಯಾರಿಸುತ್ತಿದ್ದರು. ಇದೀಗ ಮಧ್ಯಪ್ರಾಚ್ಯದಲ್ಲಿ ನಡೆಯುತ್ತಿರುವಯುದ್ಧದ ಹಿನ್ನೆಲೆಯಲ್ಲಿ ಕಮರ್ಷಿಯಲ್​ ಸಿಲಿಂಡರ್​ಗಳ ಪೂರೈಕೆಯಲ್ಲಿ ದೊಡ್ಡ ವ್ಯತ್ಯಯ ಉಂಟಾಗಿದೆ. ಈ ಹಿನ್ನೆಲೆಯಲ್ಲಿ ಸೌದೆಗಳನ್ನೇಕಾಣದ ಹಲವು ಹೋಟೆಲ್​ಗಳು ಇಂದು ಒಲೆ ಹಾಕಿಕೊಂಡು ಬೆಂಕಿಹತ್ತಿಸಿಕೊಂಡು ಅಡುಗೆ ತಯಾರಿಸುತ್ತಿದ್ದಾರೆ.

ವ್ಯಾಪಾರ ಕುಸಿತ

ಈ ಹಿಂದೆ ಪ್ರತಿಯೊಂದು ಹೋಟೆಲ್​ಗಳಲ್ಲಿ ಹಲವು ಬಗೆಯ ತಿಂಡಿಗಳನ್ನುತಯಾರಿಸುತ್ತಿದ್ದರು. ಹಾಗಾಗಿ ಹೋಟೆಲ್​ಗೆ ಬರುವ ಗ್ರಾಹಕರು ಕೇಳಿದ ತಿಂಡಿಗಳು ಸಿಗುತ್ತಿದ್ದವು. ಆದರೆ ಇದೀಗ ಸಿಲಿಂಡರ್​ ಪೂರೈಕೆಯಲ್ಲಿ ವ್ಯತ್ಯಯ ಉಂಟಾಗಿರುವಕಾರಣದಿಂದಾಗಿ ಹೋಟೆಲ್​ ಮಾಲೀಕರು ಹಲವು ತಿಂಡಿ, ಪದಾರ್ಥಗಳಿಗೆ ಕೋಕ್​ ನೀಡಿದ್ದಾರೆ. ಪರಿಣಾಮ ಹೋಟೆಲ್​ಗೆ ಬರುವ ಗ್ರಾಹಕರು ತಮಗಿಷ್ಟದತಿಂಡಿಗಳು ಸಿಗದೆ ವಾಪಸ್ಸಾಗುತ್ತಿದ್ದಾರೆ. ಇದರಿಂದಾಗಿ ಹೋಟೆಲ್​ ವ್ಯಾಪಾರದ ಮೇಲೆ ಬಹುದೊಡ್ಡ ಪೆಟ್ಟು ಬಿದ್ದಿದೆ.

ಈ ಹಿಂದೆ ಕಮರ್ಷಿಯಲ್​ ಸಿಲಿಂಡರ್​ ಪೂರೈಕೆಯಲ್ಲಿ ಯಾವುದೇ ತೊಂದರೆಆಗಿರಲಿಲ್ಲ. ಆದರೆ ಇದೀಗ ಯುದ್ಧದ ಸಮಯದಲ್ಲಿ ನಮಗೆ ಸಿಲಿಂಡರ್​ಗಳ ಕೊರತೆ ಎದುರಾಗಿದೆ. ಹಾಗಾಗಿದೋಸೆ, ಪೂರಿ ಸೇರಿ ಇನ್ನಿತರ ತಿಂಡಿ, ಪದಾರ್ಥಗಳನ್ನು ತಯಾರು ಮಾಡುವುದನ್ನೇನಿಲ್ಲಿಸಿದ್ದೇವೆ. ಬಿಡದಿ ತಟ್ಟೆ ಇಡ್ಲಿ ಸೇರಿ ಕೆಲ ಪದಾರ್ಥಗಳನ್ನು ಮಾತ್ರ ಸೌದೆ ಒಲೆಗಳಲ್ಲಿ ತಯಾರಿಸುತ್ತಿದ್ದೇವೆ.

> ನಂದನ್​

ಗುರು ತಟ್ಟೆ ಇಡ್ಲಿ ಹೋಟೆಲ್​ ಮಾಲೀಕರು, ಬಿಡದಿ

ಯುದ್ಧ ಕೇವಲ ಅಮೆರಿಕ ಹಾಗೂ ಇರಾನ್​&ಇಸ್ರೇಲ್​ ನಡುವೆ ಅಂದುಕೊಂಡಿದ್ದ ನಮಗೆಇದೀಗ ಗ್ಯಾಸ್​ ಸಿಲಿಂಡರ್​ ಸಿಗದ ಹಿನ್ನೆಲೆಯಲ್ಲಿ ಯುದ್ಧದ ಬಿಸಿ ನಮ್ಮ ಹೋಟೆಲ್​ ಉದ್ಯಮಕ್ಕೂ ತಟ್ಟಿದೆ. ಕಾಳ ಸಂತೆಯಲ್ಲಿಕಮರ್ಷಿಯಲ್​ ಸಿಲಿಂಡರ್​ಗಳು ಸಿಗುತ್ತವೆ. ಅಷ್ಟು ಹಣ ಕೊಟ್ಟು ಬಳಸಲು ಸಾಧ್ಯವಿಲ್ಲ. ಹಾಗಾಗಿ ನಾವುಇಡ್ಲಿ, ವಡೆ, ರೈಸ್​ ಬಾತ್​ ಮಾತ್ರ ಮಾಡುತ್ತಿದ್ದೇವೆ. ಆದರೆಗ್ರಾಹಕರು ಬೇರೆ ಬೇರೆ ತಿಂಡಿಗಳನ್ನು ಕೇಳುತ್ತಾರೆ. ನಾವು ಅವುಗಳನ್ನು ತಯಾರಿಸಲು ಸಾಧ್ಯವಾಗುತ್ತಿಲ್ಲ.

> ಶಶಿಕುಮಾರ್​

ಶಶಿ ತಟ್ಟೆ ಇಡ್ಲಿ ಹೋಟೆಲ್​ ಮಾಲೀಕರು