ದೇಶಕ್ಕೆ ಸ್ವಾತಂತ್ರ$್ಯ ಬಂದು ಶತಮಾನದ ಸಮೀಪದಲ್ಲಿದ್ದರೂ, ಸಮಾಜದಲ್ಲಿ ಇಂದಿಗೂ ಅಸ್ಪಶ್ಯತೆ ತಾಂಡವಾಡುತ್ತಿರುವುದು ನಾಗರಿಕ ಸಮಾಜ ತಲೆತಗ್ಗಿಸುವಂತಿದೆ. 7 ಹಳ್ಳಿಗಳ ದೇವತೆಯಾಗಿರುವ ಈ ದೇವಸ್ಥಾನ ಮುಜರಾಯಿ ಇಲಾಖೆಗೆ ಸೇರಿದ್ದರೂ ನಮಗೆ ನ್ಯಾಯ ಸಿಗುತ್ತಿಲ್ಲ. ಕಳೆದ ಕೆಲ ವರ್ಷಗಳಿಂದ ಈ ತಾಲೂಕು ಕಚೇರಿಗೆ ಕನಿಷ್ಠ 20 ಬಾರಿಯಾದರೂ ಅಲೆದಾಡಿದ್ದೇವೆ. ಆದರೆ, ತಹಸೀಲ್ದಾರ್ ಅವರು ನಮಗೆ ನಿರಂತರವಾಗಿ ಸುಳ್ಳು ಹೇಳಿ ವಂಚಿಸುತ್ತಿದ್ದಾರೆ ಎಂದು ದಲಿತ ಮುಖಂಡ ನರಸಿಂಹಮೂರ್ತಿ ಆರೋಪಿಸಿದರು.
ಪ್ರತಿಭಟನೆಯಲ್ಲಿ ದಲಿತ ಸೇನೆ ತಾಲೂಕು ಅಧ್ಯಕ್ಷ ನಾಗರಾಜು, ಹನುಮಂತರಾಯಪ್ಪ, ಸಮಾಜ ಕಲ್ಯಾಣ ಇಲಾಖೆ ಅಧಿಕಾರಿ ಉಮಾದೇವಿ, ಪ್ರಧಾನ ಅರ್ಚಕ ಸ್ವಾಮಿ, ಮಮತಾ, ಬೈಲಯ್ಯ, ನಾರಾಯಣ್, ರಂಜಿತ, ಪವಿತ್ರಾ, ನಯನಾ, ದಿನೇಶ್, ಸಹದೇವಯ್ಯ, ನೇತ್ರಾವತಿ, ದೊಡ್ಡಿ ಲಕ್ಷ$್ಮಣ್ ಇದ್ದರು.
