ಬೊಂಬೆನಾಡು ಚನ್ನಪಟ್ಟಣದಲ್ಲಿ ಕಳೆಗಟ್ಟಿದ ಗಂಗೋತ್ಸವ

ಈಗಾಗಲೇ ಮಾಗಡಿಯಲ್ಲಿ ಕೆಂಪೇಗೌಡ ಉತ್ಸವ ಹಾಗೂ ರಾಮನಗರದಲ್ಲಿ ರಾಮೋತ್ಸವ ಯಶಸ್ವಿಯಾಗಿದ್ದು, ಈಗ ಚನ್ನಪಟ್ಟಣ ನಗರದ ಬಾಲಕರ ಸರ್ಕಾರಿ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ಆಯೋಜಿಸಿರುವ ಮೂರು ದಿನಗಳ ಬೊಂಬೆನಾಡ ಗಂಗೋತ್ಸವಕ್ಕೆ ಕೆಪಿಸಿಸಿ ಕಾರ್ಯದರ್ಶಿ ದುಂತೂರು ವಿಶ್ವನಾಥ್​ ಚಾಲನೆ ನೀಡಿದರು.

ಶುಕ್ರವಾರ ಬೆಳಗ್ಗೆ 6 ಗಂಟೆಗೆ ಯೋಗಾಸನ ಶಿಬಿರದ ಮೂಲಕ ಉತ್ಸವ ಪ್ರಾರಂಭಗೊಂಡಿದ್ದು, ಶಿಬಿರದಲ್ಲಿ ಮಕ್ಕಳು ಹಾಗೂ ಹಿರಿಯರು ಭಾಗವಹಿಸಿ ವಿವಿಧ ಆಸನ ಪ್ರದರ್ಶಿಸಿದರು. ಉತ್ಸವದ ಮೊದಲ ದಿನ ಯೋಗಶಿಬಿರವಲ್ಲದೆ ವಿಾನ ಮೇಳ, ವೇಷಭೂಷಣ ಸಹಿತ ರಂಗಗೀತೆಗಳ ಗಾಯನ, ವಾಯ್ಸ್​ ಆ್​ ಬೊಂಬೆನಾಡು, ವೇಷಭೂಷಣ ಸ್ಪರ್ಧೆ, ದಂಪತಿಗಳಿಗೆ ಭಾರತೀಯ ಸಂಪ್ರದಾಯದ ಉಡುಗೆ&ತೊಡುಗೆಯೊಡನೆ ಪ್ರದರ್ಶನ ಸ್ಪರ್ಧೆ ಹಾಗೂ ಚಲನಚಿತ್ರಗಿತೆಗಳ ಸಮೂಹ ನೃತ್ಯ ಏರ್ಪಡಿಸಲಾಗಿತ್ತು.

ಆಹಾರ ವ್ಯವಸ್ಥೆ: ಗಂಗೋತ್ಸವ ಕಾರ್ಯಕ್ರಮದಲ್ಲಿ ಭಾಗವಹಿಸುವ ಪ್ರತಿಯೊಬ್ಬರಿಗೂ ತಿಂಡಿ ಹಾಗೂ ಊಟದ ವ್ಯವಸ್ಥೆ ಮಾಡಲಾಗಿತ್ತು. ಮೈದಾನದಲ್ಲಿ ಒಂದು ಬದಿಯಲ್ಲಿ ಐದಾರು ಕೌಂಟರ್​ಗಳನ್ನು ತೆರೆದು, ಕಾರ್ಯಕ್ರಮದಲ್ಲಿ ಭಾಗವಹಿಸುವ ಸ್ಪರ್ಧಿಗಳು, ಕಲಾವಿದರು ಹಾಗೂ ಸಾರ್ವಜನಿಕರಿಗೆ ಊಟ ಹಾಗೂ ನೀರಿನ ವ್ಯವಸ್ಥೆ ಕಲ್ಪಿಸಲಾಗಿತ್ತು. ಮೊದಲ ದಿನ ತಿಂಡಿಗೆ ಪಲಾವ್​ ಹಾಗೂ ಊಟಕ್ಕೆ ಅನ್ನ ಸಾಂಬಾರ್​, ಬಜ್ಜಿ, ಉಪ್ಪಿನಕಾಯಿ, ಹಪ್ಪಳದ ವ್ಯವಸ್ಥೆ ಮಾಡಿಕೊಳ್ಳಲಾಗಿತ್ತು. ಬಾಲಕರ ಸರ್ಕಾರ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ಬಿಗಿಪೊಲೀಸ್​ ಬಂದೋಬಸ್ತ್​ ಮಾಡಲಾಗಿತ್ತು.

ಆರಂಭದಲ್ಲಿ ನಿರಸ!: ಗಂಗೋತ್ಸವ ಪ್ರಯುಕ್ತ ಶುಕ್ರವಾರ ಯೋಗಾಸನ ಶಿಬಿರ, ವಿಾನ ಮೇಳ, ರಂಗಗೀತೆಗಳ ಸ್ಪರ್ಧೆ ಸೇರಿ ಹಲವು ಕಾರ್ಯಕ್ರಮಗಳನ್ನು ಆಯೋಜನೆ ಮಾಡಲಾಗಿದ್ದರೂ ನಿರೀಸಿದಂತೆ ಸಾರ್ವಜನಿಕರು, ಪ್ರೇಕರು, ಇತ್ತ ಮುಖ ಮಾಡದ ಪರಿಣಾಮ ಬಹುನಿರೀತ ಉತ್ಸವಕ್ಕೆ ಮೊದಲ ದಿನವೇ ನಿರಸ ಪ್ರತಿಕ್ರಿಯೆ ವ್ಯಕ್ತವಾಗಿದ್ದು ಕಂಡುಬಂದಿತು. ವಿವಿಧ ಕಾರ್ಯಕ್ರಮಗಳು ನಡೆದರೂ ಪ್ರೇಕರು ಇಲ್ಲದೇ ಖಾಲಿ ಖುರ್ಚಿಗಳ ಮುಂದೆ ಕಲಾವಿದರು ಕಲಾ ಪ್ರದರ್ಶನ ಮಾಡಿದರು. ಆಶಾ ಕಾರ್ಯಕರ್ತರೇ ಪ್ರೇಕರಾಗಿ ಕುಳಿತ್ತಿದ್ದು, ಉತ್ಸವದಲ್ಲಿ ಆಶಾ ಕಾರ್ಯಕರ್ತರ ಕಲರವ ಎದ್ದು ಕಾಣುತ್ತಿತು.

ನಗರದ ಬಾಲಕರ ಸರ್ಕಾರಿ ಪದವಿ ಪೂರ್ವ ಕಾಲೇಜಿನ ಆವರಣದಲ್ಲಿ ಮೂರು ದಿನಗಳ ಕಾಲ ನಡೆಯುವ ಬೊಂಬೆನಾಡ ಗಂಗೋತ್ಸವದ ಅಂಗವಾಗಿ ಬಾಲಕರ ಪದವಿಪೂರ್ವ ಕಾಲೇಜು ಮೈದಾನದಲ್ಲಿ ಬೃಹತ್​ ವೇದಿಕೆ ನಿರ್ಮಿಸಲಾಗಿದೆ. ಗಂಗೋತ್ಸವಕ್ಕೆ ಮೆರಗು ನೀಡುವ ಸಲುವಾಗಿ ನಗರದ ಬೆಂ. ಮೈಸೂರು ಹೆದ್ದಾರಿಯುದ್ದಕ್ಕೂ ಹಾಗೂ ಅಂಚೆ ಕಚೇರಿ ಸೇರಿ ವಿವಿಧ ರಸ್ತೆಗಳನ್ನು ವಿದ್ಯುತ್​ ದೀಪಾಲಂಕಾರದಿಂದ ಅಲಂಕರಿಸಲಾಗಿದೆ. ಗಣ್ಯರ ಸ್ವಾಗತಕ್ಕೆ ಪದ ಮುಖಂಡರು ಹಾಗೂ ಕಾರ್ಯಕರ್ತರು ಕಟ್ಟಿರುವ ಬ್ಯಾನರ್​ಗಳು ರಸ್ತೆಯುದ್ದಕ್ಕೂ ರಾರಾಜಿಸುತ್ತಿವೆ. ನಗರಸಭೆಯಿಂದ ನಗರದ ಹೆದ್ದಾರಿ ಸೇರಿದಂತೆ ಎಲ್ಲ ರಸ್ತೆಯಲ್ಲಿ ಸ್ವಚ್ಛತೆಗೆ ಕ್ರಮಕೈಗೊಂಡರೆ ಇತ್ತ ಟ್ರಾಫಿಕ್​ ಸಮಸ್ಯೆ ಉಂಟಾಗದಂತೆ ನಗರದ ಅಂಚೆಕಚೇರಿ ರಸ್ತೆಯಲ್ಲಿನ ುಟ್​ಪಾತ್​ಅಂಗಡಿಗಳನ್ನು ಮುಚ್ಚಿಸಲಾಗಿತ್ತು.

ಬೊಂಬೆನಾಡ ಗಂಗೋತ್ಸದ ಪ್ರಯುಕ್ತ ಆಯೋಜಿಸಿದ್ದ ವಿಮಾನ ಮೇಳದಲ್ಲಿ ತಾಲೂಕಿನ ವಿವಿಧ ಶಾಲೆಗಳ ವಿದ್ಯಾರ್ಥಿಗಳು ಭಾಗವಹಿಸಿದ್ದರು.ವಿಮಾನ ಮೇಳದಲ್ಲಿ ವಿದ್ಯಾರ್ಥಿಗಳು ತಾವೇ ತಯಾರಿಸಿದ ನೂರಾರು ಬಗೆಯ ವೈಮಾನಿಕ ಮಾದರಿಗಳನ್ನು ಪ್ರದರ್ಶಿಸಿದರಲ್ಲದೇ, ಮಾದರಿಗಳ ಕುರಿತು ಜನರಿಗೆ ಮಾಹಿತಿ ನೀಡಿದರು. ವೇಷಭೂಷಣ ಸಹಿತ ರಂಗಗೀತೆಗಳ ಗಾಯನ, ವಾಯ್ಸ್​ ಆಫ್ ಬೊಂಬೆನಾಡು, ವೇಷಭೂಷಣ ಸ್ಪರ್ಧೆ, ಚಲನಚಿತ್ರಗಿತೆಗಳ ಸಮೂಹ ನೃತ್ಯ ಪ್ರದರ್ಶನದಲ್ಲಿ ಆಸಕ್ತಿಯಿಂದ ಭಾಗವಹಿಸಿದ ಮಕ್ಕಳು ಕಲೆಯನ್ನು ಪ್ರದರ್ಶಿಸಿದರು. ಇನ್ನು ಗಂಗೋತ್ಸವದ ಹಿನ್ನೆಲೆಯಲ್ಲಿ ವಿವಿಧ ಇಲಾಖೆಗಳ ಮಾಹಿತಿ ಕೇಂದ್ರಗಳನ್ನು ತೆರಯಲಾಗಿತ್ತು.

ಗಂಗೋತ್ಸವ ಹಿನ್ನೆಲೆಯಲ್ಲಿ ಶನಿವಾರ ಬೆಳಗ್ಗೆ ನಗರದ ಮಂಗಳವಾರಪೇಟೆಯಿಂದ ನೀರು ಹಾಗೂ ಪರಿಸರ ಜಾಗೃತಿಗಾಗಿ ಮ್ಯಾರಥಾನ್​ ಹಮ್ಮಿಕೊಳ್ಳಲಾಗಿದೆ. ತದನಂತರ, ಸ್ಥಳದಲ್ಲೆ ಚಿತ್ರ ಬಿಡಿಸುವ ಸ್ಪರ್ಧೆ ಸೇರಿದಂತೆ ಗ್ರಾಮದೇವತೆಗಳ ಮೆರವಣಿಗೆ ಜರುಗಲಿವೆ.