6 ಮಂದಿ ವಿರುದ್ಧ ಎ್​ಐಆರ್​

ಗಾರ್ಮೆಂಟ್ಸ್​ನಲ್ಲಿ ಫೆ.20ರಂದು ಟ್ರಾನ್ಸ್​ಪೋರ್ಟ್​ವೊಂದರ ಮೂಲಕ 3072.77ಮೀ ಮತ್ತು 131 ಯಾರ್ಡ್ಸ್​ ಫ್ಯಾಬ್ರಿಕ್​ ಬಟ್ಟೆಯನ್ನು ದೊಡ್ಡಬಳ್ಳಾಪುರಕ್ಕೆ ಕಳುಹಿಸಿಕೊಡಲಾಗಿತ್ತು. ಆದರೆ ಫ್ಯಾಬ್ರಿಕ್​ ವಿಭಾಗದ ಸಹಾಯಕ ವ್ಯವಸ್ಥಾಪಕನ ಸೂಚನೆ ಮೇರೆಗೆ ಜಗದೀಶ್​ ಎಂಬಾತ ಬೆಂಗಳೂರಿನ ಯಲಚೇನಹಳ್ಳಿಯ ದಿಲೀಪ್​ಗೆ ಮಾರಾಟ ಮಾಡಿದ್ದಾರೆ. ಮೇ 6ರಂದು ಟ್ರಾನ್ಸ್​ಪೋರ್ಟ್​ ಮೂಲಕ 6968 ಮೀಟರ್​ ಬಟ್ಟೆಯನ್ನು ದೊಡ್ಡಬಳ್ಳಾಪುರಕ್ಕೆ ಕಳುಹಿಸಿಕೊಡಲಾಗಿತ್ತು, ಆದರೆ ಫ್ಯಾಬ್ರಿಕ್​ ವಿಭಾಗದ ಸಹಾಯಕ ವ್ಯವಸ್ಥಾಪಕರ ಸೂಚನೆ ಮೇರೆಗೆ ವಾಹನದ ಚಾಲಕ ಸಿದ್ದರಾಜು ಅವರು ಬೆಂಗಳೂರಿನ ಯಲಚೇನಹಳ್ಳಿ ಸಪ್ಲೇಯರ್​ಗೆ ಮಾರಾಟ ಮಾಡಿದ್ದರು.

ಮತ್ತೆ ಏಪ್ರಿಲ್​ 9ರಂದು ಟ್ರಾನ್ಸ್​ಪೋರ್ಟ್​ವೊಂದರ ಮೂಲಕ 44 ರೀಲ್ಸ್​ಗಳ 4205 ಮೀಟರ್​ ಬಟ್ಟೆಯನ್ನು ಕನಕಪುರದಿಂದ ದೊಡ್ಡಬಳ್ಳಾಪುರಕ್ಕೆ ಕಳುಹಿಸಿಕೊಡಲಾಗಿತ್ತು, ಆದರೆ ಸದರಿ ವಾಹನದ ಚಾಲಕ ಸಿದ್ದರಾಜು ಬೆಂಗಳೂರಿನ ಯಲಚೇನಹಳ್ಳಿಯಲ್ಲಿರುವ ದಿಲೀಪ್​ ಅವರಿಗೆ ಮಾರಾಟ ಮಾಡಿದ್ದರು.

ಗಾರ್ಮೆಂಟ್ಸ್​ನಿಂದ ಕಳುಹಿಸಿಕೊಟ್ಟಿದ್ದ ಬಟ್ಟೆ ದೊಡ್ಡಬಳ್ಳಾಪುರಕ್ಕೆ ತಲುಪಿಲ್ಲ ಎಂದು ಮಾಹಿತಿ ತಿಳಿದು ಗಾರ್ಮೆಂಟ್ಸ್​ ಅಧಿಕಾರಿಗಳು ಫ್ಯಾಬ್ರಿಕ್​ ವಿಭಾಗದ ಸಹಾಯಕ ವ್ಯವಸ್ಥಾಪಕ ಹಾಗೂ ಚಾಲಕರನ್ನು ವಿಚಾರಣೆ ನಡೆಸಿದಾಗ ಬಟ್ಟೆ ಗಾರ್ಮೆಂಟ್ಸ್​ನಿಂದ ದೊಡ್ಡಬಳ್ಳಾಪುರಕ್ಕೆ ತಲುಪಿಸದೆ ಅನಧಿಕೃತವಾಗಿ ಮಾರಾಟ ಮಾಡಿಕೊಂಡಿರುವುದು ಬೆಳಕಿಗೆ ಬಂದಿದೆ.

ಫ್ಯಾಬ್ರಿಕ್​ ವಿಭಾಗದ ಸಹಾಯಕ ವ್ಯವಸ್ಥಾಪಕ ಪ್ರಶಾಂತ್​ ಕುಮಾರ್​, ವರುಣ್​, ಪೃಥ್ವಿ, ಖಾದಿರ್​ ಅಹಮದ್​ ಹಾಗೂ ಗೂಡ್ಸ್​ ವಾಹನದ ಚಾಲಕನ ವಿರುದ್ಧ ಎಫ್​ಐಆರ್​ ದಾಖಲಾಗಿದೆ.