ಪಟ್ಟಣ ಪಂಚಾಯಿತಿಯಾಗಿದ್ದ ಹಾರೋಹಳ್ಳಿಯನ್ನು ಪುರಸಭೆಯಾಗಿ ಮೇಲ್ದರ್ಜೆಗೆ ಏರಿಸಿ ಸರ್ಕಾರ ಆದೇಶ ಹೊರಡಿಸಿದೆ. ಇದರಿಂದಾಗಿ ಹಾರೋಹಳ್ಳಿ ಪಟ್ಟಣ ವ್ಯಾಪ್ತಿಯೂ ವಿಸ್ತಾರಗೊಳ್ಳುತ್ತಿದೆ. ಪುರಸಭೆಯಾಗಿ ಮೇಲ್ದರ್ಜೆಗೇರಿದ ಪರಿಣಾಮ ಕಗ್ಗಲಹಳ್ಳಿ ಗ್ರಾಪಂ ವ್ಯಾಪ್ತಿಯ ಮುಡೇನಹಳ್ಳಿ, ಕೆಬ್ಬೆದೊಡ್ಡಿ, ಗಬ್ಬಾಡಿ ಕಾವಲ್, ಹೊಸಗಬ್ಬಾಡಿ, ಹಳೆಗಬ್ಬಾಡಿ, ಪರುವಯ್ಯನಪಾಳ್ಯ, ಬಡೇಸಾಬರದೊಡ್ಡಿ, ಹೊಸಕೋಟೆ, ಪಿರಮಿಡ್ ವ್ಯಾಲಿ, ಟಿ.ಹೊಸಹಳ್ಳಿ ಗ್ರಾ.ಪಂ ವ್ಯಾಪ್ತಿಯ ನರಸಿಂಹಯ್ಯನದೊಡ್ಡಿ, ನರಸಿಂಹಯ್ಯನದೊಡ್ಡಿ, ಕೊಳ್ಳಿಗನಹಳ್ಳಿ ಗ್ರಾ.ಪಂ ವ್ಯಾಪ್ತಿಯ ಮೇಡಮಾರನಹಳ್ಳಿ, ರಾಮೇಗೌಡನದೊಡ್ಡಿ, ರಾಮಸಾಗರ, ಸಂಬಯ್ಯನದೊಡ್ಡಿ, ದಾಸೇಗೌಡನದೊಡ್ಡಿ, ದ್ಯಾವಸಂದ್ರ ಗ್ರಾ.ಪಂ ವ್ಯಾಪ್ತಿಯ ಭೀಮಸಂದ್ರ, ಅಂಚಿಬಾರೆ, ಚುಳುಕನಕೆರೆ ಕಾವಲ್, ದ್ಯಾವಸಂದ್ರ ಗ್ರಾಮಗಳು ಪುರಸಭೆಗೆ ಸೇರ್ಪಡೆಗೊಂಡಿವೆ.
