ಕುಡಿದ ಮತ್ತಿನಲ್ಲಿ ಯುವಕನ ಕೊಲೆ

ತಾಲೂಕಿನ ದೊಡ್ಡಮಳೂರು ಗ್ರಾಮದ ಆಟೋ ಚಾಲಕ ಭರತ್​(28) ಮೃತ. ಮಂಗಳವಾರಪೇಟೆ ನಿವಾಸಿ ಅಭಿಷೇಕ್​ ಹಾಗೂ ಕೋಟೆ ನಿವಾಸಿ ಮಧು ಬಂಧಿತರು.

ಶುಕ್ರವಾರ ರಾತ್ರಿ ನಗರದ ಬಾರ್​ ಒಂದರ ಬಳಿ ಭರತ್​, ಆತನ ಸ್ನೇಹಿತರು ಹಾಗೂ ಅಭಿಷೇಕ್​ ಮತ್ತು ಮಧು ನಡುವೆ ಗಲಾಟೆ ನಡೆದಿದೆ. ಗಲಾಟೆ ತಿಳಿಗೊಂಡ ಬಳಿಕ ಭರತ್​ ತನ್ನ ಸ್ನೇಹಿತರೊಂದಿಗೆ ಹೋಟೆಲ್​ಗೆ ಊಟಕ್ಕೆ ತೆರಳಿದ್ದಾರೆ. ಈ ವೇಳೆ ಹೋಟೆಲ್​ಗೆ ಬಂದ ಅಭಿಷೇಕ್​ ಹಾಗೂ ಮಧು ಏಕಾಏಕಿ ಚಾಕುವಿನಿಂದ ಹಲ್ಲೆ ನಡೆಸಿದ್ದಾರೆ. ಇದರಿಂದ ಗಂಭೀರ ಗಾಯಗೊಂಡಿದ್ದ ಭರತ್​ ಸ್ಥಳದಲ್ಲೆ ಮೃತಪಟ್ಟಿದ್ದಾನೆ. ಚನ್ನಪಟ್ಟಣ ಪೂರ್ವ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ. ಸಾರ್ವಜನಿಕ ಆಸ್ಪತ್ರೆಯಲ್ಲಿ ಮರಣೋತ್ತರ ಪರೀೆ ನಡೆಸಿ ಮೃತದೇಹವನ್ನು ವಾರಸುದಾರರಿಗೆ ಒಪ್ಪಿಸಲಾಗಿದೆ.