ಅನುದಾನ ಹಂಚಿಕೆಯಲ್ಲಿ ತಾರತಮ್ಯ

ಇಲ್ಲಿನ ಪುರಸಭೆ ಸಭಾಂಗಣದಲ್ಲಿ ಅಧ್ಯೆ ಭಾನುಪ್ರಿಯ ಸಂಪತ್​ ಕುಮಾರ್​ ಅಧ್ಯತೆಯಲ್ಲಿ ಹಮ್ಮಿಕೊಂಡಿದ್ದ ಸರ್ವಸದಸ್ಯರ ಸಾಮಾನ್ಯ ಸಭೆಯ ಆರಂಭದಲ್ಲೇ ಸದಸ್ಯರು ಅನುದಾನ ಹಂಚಿಕೆಯ ತಾರತಮ್ಯದ ಬಗ್ಗೆ ಆಕ್ಷೇಪ ವ್ಯಕ್ತಪಡಿಸಿದರು. ಸದಸ್ಯ ಸೋಮಶೇಖರ್​ ಮಾತನಾಡಿ, ಆಡಳಿತ ಪದ ಸದಸ್ಯರ ವಾರ್ಡ್​ಗಳಿಗೆ 1 ಕೋಟಿಗೂ ಹೆಚ್ಚು ಅನುದಾನ ನೀಡಲಾಗಿದೆ. ಆದರೆ ಇತರರ ವಾರ್ಡ್​ಗಳಿಗೆ ಕೇವಲ 20&30 ಲ ರೂ. ಮಾತ್ರ ಕೊಡಲಾಗಿದೆ. ಆಮೂಲಕ ಪುರಸಭೆ ನಿಧಿ ಹಂಚಿಕೆಯಲ್ಲಿ ಮಲತಾಯಿಧೋರಣೆ ಅನುಸರಿಸಲಾಗಿದೆ ಎಂದು ಆಕ್ರೋಶವ್ಯಕ್ತಪಡಿಸಿದರು.

ಕಾಂಗ್ರೆಸ್​ ಸದಸ್ಯ ಸಿ.ಉಮೇಶ್​ ಸಭೆಯಲ್ಲಿ ಎದ್ದುನಿಂತು, ಪುರಸಭೆ 23 ವಾರ್ಡುಗಳಿಗೆ ಬಿಡುಗಡೆಯಾಗಿರುವ ಒಟ್ಟು ಅನುದಾನದ ಪಟ್ಟಿಯನ್ನು ಓದುತ್ತಿರುವ ವೇಳೆ 12ನೇ ವಾರ್ಡ್​ ಸದಸ್ಯ ರಾಕೇಶ್​ ಕುಮಾರ್​ ಆೇಪಿಸಿದರು. ತಮ್ಮ ವಾರ್ಡಿಗೆ 1.65 ಕೋಟಿ ರೂ. ಅನುದಾನ ಬಿಡುಗಡೆಯಾಗಿರುವ ಬಗ್ಗೆ ಮಾಹಿತಿಯಿಲ್ಲ. ಕಾಮಗಾರಿ ಟೆಂಡರ್​ ಪಡೆದಿರುವ ಗುತ್ತಿಗೆದಾರ ಯಾರೆಂದು ಗೊತ್ತಿಲ್ಲ ಎಂದರು. ಇದಕ್ಕೆ 15ನೇ ವಾರ್ಡಿನ ಸದಸ್ಯೆ ಬಿಂದಿಯಾ ಧ್ವನಿಗೂಡಿಸಿ, ನನ್ನ ವಾರ್ಡಿಗೆ 1 ಕೋಟಿ ರೂ. ಬಿಡುಗಡೆಯಾಗಿರುವ ವಿಚಾರವೇ ತಿಳಿದಿಲ್ಲ ಎಂದು ಆಕ್ರೋಶ ವ್ಯಕ್ತಪಡಿಸಿದರು.

ರಾಜ್ಯದ ಆಡಳಿತಾರೂಢ ಕಾಂಗ್ರೆಸ್​ ಸರ್ಕಾರ ಇ&ಖಾತಾ ಆಂದೋಲನ ಅಭಿಯಾನ ಜಾರಿಗೊಳಿಸಿದ ಹಿನ್ನೆಲೆಯಲ್ಲಿ ಪುರಸಭೆಗೆ ಹೆಚ್ಚಿನ ತೆರಿಗೆ ಸಂಗ್ರಹವಾಗಿದೆ. ಶಾಸಕ ಎಚ್​.ಸಿ.ಬಾಲಕೃಷ್ಣ ಅವರ ಸೂಚನೆಯಂತೆ ಹಣವನ್ನು ಪಟ್ಟಣದ ಅಭಿವೃದ್ಧಿಗೆ ವಿನಿಯೋಗಿಸಲಾಗಿದೆ. ಎಲ್ಲ ಕಾಮಗಾರಿಯನ್ನು ಇ&ಟೆಂಡರ್​ ಮೂಲಕ ಗುತ್ತಿಗೆ ನೀಡಿರುವುದರಿಂದ ಯಾರೂ ಮೋಸ ಮಾಡಲು ಸಾಧ್ಯವಿಲ್ಲ ಎಂದು ಕಾಂಗ್ರೆಸ್​ ಸದಸ್ಯ ಸಿ.ಉಮೇಶ್​ ಸಭೆಗೆ ಮಾಹಿತಿ ನೀಡಿದರು.

ಹಿಂದಿನ ಸಭೆಯಲ್ಲಿ ಅಧ್ಯರ ಅಪ್ಪಣೆ ಮೇರೆಗೆ ಚರ್ಚಿಸಿದ ಕಾಮಗಾರಿಗಳನ್ನು ತರಾತುರಿಯಲ್ಲಿ ಕೆಲಸ ಮುಗಿಸಿ ಬಿಲ್​ ಮಾಡಿಕೊಂಡಿರುವುದು ಏಕೆ ಎಂದು ಜೆಡಿಎಸ್​ ಸದಸ್ಯ ರಾಕೇಶ್​ ಪ್ರಶ್ನಿಸಿದರು. ವರ್ಷದ ಅವಧಿಯಲ್ಲಿ 25 ಕೋಟಿ ರೂ. ಟೆಂಡರ್​ ನಡೆದಿದೆ. ಪುರಸಭೆ ಬಜೆಟ್​ಅನ್ನು ಗಾಳಿಗೆ ತೂರಿ ಎಷ್ಟು ಬೇಕಾದರೂ ಮಾಡಬಹುದೆ ? ಎಂದು ಮತ್ತೋರ್ವ ಜೆಡಿಎಸ್​ ಸದಸ್ಯ ಎಚ್​. ನಾಗರಾಜು ಪ್ರಶ್ನೆ ಮಾಡಿದರು.

ಮಂಚನಾಯ್ಕನಹಳ್ಳಿ ಗ್ರಾಪಂ ವ್ಯಾಪ್ತಿ ಹಾಗೂ ಬನ್ನಿಕುಪ್ಪೆ(ಬಿ) ಗ್ರಾಪಂ ವ್ಯಾಪ್ತಿಯ ವಾಜರಹಳ್ಳಿಯನ್ನು ಬಿಡದಿ ಪುರಸಭೆ ವ್ಯಾಪ್ತಿಗೆ ಸೇರಿಸಿ ನಗರಸಭೆಯಾಗಿ ಮೇಲ್ದರ್ಜೆಗೇರಿಸುವ ಪ್ರಸ್ತಾವನೆಗೆ ಸಾಮಾನ್ಯ ಸಭೆಯಲ್ಲಿ ರ್ನಿಣಯಿಸಲಾಯಿತು.

ಸದಸ್ಯರಾದ ಬಿಂದಿಯಾ ಮಂಜು, ಮನು ಲೋಕೇಶ್​, ಸರಸ್ವತಮ್ಮ, ಯಲ್ಲಮ್ಮ, ಲಲಿತಾ ನರಸಿಂಹಯ್ಯ, ಮಹಿಮಾಕುಮಾರ್​ ಹಾಗೂ ಅಧಿಕಾರಿಗಳು ಇದ್ದರು.