ಈ ಉತ್ಪನ್ನದ ಮತ್ತೊಂದು ವಿಶೇಷವೆಂದರೆ ಆಹಾರ ತ್ಯಾಜ್ಯದ ಸಮರ್ಪಕ ಬಳಕೆ. ನವಣೆ ಹಿಟ್ಟಿನೊಂದಿಗೆ, ತೆಂಗಿನ ಎಣ್ಣೆ ತೆಗೆದ ನಂತರ ಸಿಗುವ ಉಪಉತ್ಪನ್ನವಾದ ಕೊಬ್ಬರಿಯ ಹಿಂಡಿ ಪುಡಿಯನ್ನು ಮೌಲ್ಯವರ್ಧನೆಗಾಗಿ ಬಳಸಲಾಗುತ್ತದೆ. ತೆಂಗಿನಲ್ಲಿನ ಅಧಿಕ ಪ್ರೋಟಿನ್, ನಾರಿನಂಶ ಮತ್ತು ಖನಿಜಾಂಶಗಳು ಈ ಮಫಿನ್ನಲ್ಲೇ ಉಳಿಸಿಕೊಳ್ಳುವುದರ ಜತೆಗೆ ಆಹಾರ ತ್ಯಾಜ್ಯ ನಿರ್ವಹಣೆಗೂ ಸಹಕಾರಿಯಾಗಿದೆ. ಪೋಷಕಾಂಶಗಳ ಲೆಕ್ಕಾಚಾರದಲ್ಲಿ 50ಗ್ರಾಂ ತೂಕದ ಒಂದು ನವಣೆ ಮಫಿನ್ನಿಂದ ಸುಮಾರು 4.2ಗ್ರಾಂ ಪ್ರೋಟಿನ್, 14ಗ್ರಾಂ ಕೊಬ್ಬು, 0.4ಗ್ರಾಂ ನಾರಿನಂಶ, 25ಗ್ರಾಂ ಕಾಬೋರ್ಹೈಡ್ರೇಟ್ ಹಾಗೂ 238 ಕ್ಯಾಲರಿ ದೊರೆಯುವ ಜತೆಗೆ ಕ್ಯಾಲ್ಸಿಯಂ ಮತ್ತು ಕಬ್ಬಿಣಾಂಶಗಳು ಸಮೃದ್ಧವಾಗಿವೆ. ಮೈದಾ ಮಫಿನ್ಗೆ ಹೋಲಿಸಿದರೆ ನವಣೆ ಮಫಿನ್ನಲ್ಲಿ ರುಚಿ, ಪರಿಮಳ, ಬಣ್ಣ ಉತ್ತಮವಾಗಿದ್ದು, ಗ್ರಾಹಕರ ಅಭಿಪ್ರಾಯ ಸಂಗ್ರಹದಲ್ಲಿ ಶೇ.84 ಜನರು ಇದನ್ನು ಮೆಚ್ಚಿಕೊಂಡಿದ್ದಾರೆ.
