ವಾಹನ ಡಿಕ್ಕಿ ಸಾರಂಗಕ್ಕೆ ಗಂಭೀರ ಗಾಯ

ಹೆದ್ದಾರಿ ದಾಟುತ್ತಿದ್ದ ಸಾರಂಗಕ್ಕೆ ವೇಗವಾಗಿ ಬಂದ ವಾಹನ ಡಿಕ್ಕಿ ಹೊಡೆದಿದೆ. ಅಪಘಾತದ ದೃಶ್ಯಕಂಡು ಸ್ಥಳದಲ್ಲಿ ಸಾರ್ವಜನಿಕರು ಜಮಾಯಿಸಿದ್ದರು. ಜನದಟ್ಟಣೆ ಕಂಡು ಭಯಗೊಂಡ ಸಾರಂಗ ಕುಂಟುತ್ತಲೇ ಸಮೀಪದ ಪೊದೆಯೊಳಗೆ ಓಡಿ ಹೋಯಿತು.

ವಲಯ ಅರಣ್ಯ ಅಧಿಕಾರಿ ಚೈತ್ರಾ ಸಿಬ್ಬಂದಿಯೊಂದಿಗೆ ಸ್ಥಳ ಪರಿಶೀಲಿಸಿದರು. ಸಾರಂಗಕ್ಕೆ ವಾಹನ ಡಿಕ್ಕಿಯಾಗಿರುವುದು ದೃಢಪಟ್ಟಿದೆ. ಜನರನ್ನು ಕಂಡು ಓಡಿ ಹೋಗಿದೆ. ಅರಣ್ಯ ಇಲಾಖೆಯ ತಂಡವು ಸಾರಂಗವನ್ನು ಪತ್ತೆಹಚ್ಚಲು ಕಾರ್ಯಾಚರಣೆ ಕೈಗೊಂಡಿದೆ. ಪತ್ತೆಹಚ್ಚಿ ಸೂಕ್ತ ಚಿಕಿತ್ಸೆ ನೀಡಲು ಕ್ರಮ ಕೈಗೊಳ್ಳಲಾಗುವುದು ಎಂದು ಚೈತ್ರಾ ತಿಳಿಸಿದರು.