ಹಸಿರು ರಾಮನಗರಕ್ಕೆ ಪಣ

ಅರ್ಕಾವತಿ ಬಡಾವಣೆಯ ದ್ಯಾವರಸೇಗೌಡನದೊಡ್ಡಿ ರಸ್ತೆಯ ಬಯೋಗ್ಯಾಸ್ ಘಟಕದ ಬಳಿ ಶುಕ್ರವಾರ ಸಸಿ ನೆಡುವ ಮೂಲಕ ‘ಒಂದು ವಾರ ಸಸಿ ನೆಡುವ ಅಭಿಯಾನಕ್ಕೆ ಚಾಲನೆ ನೀಡಿ ಮಾತನಾಡಿದರು.

ಪರಿಸರ ಸಂರಕ್ಷಣೆ ಆದ್ಯ ಕರ್ತವ್ಯವಾಗಿದ್ದು, ಪ್ರತಿಯೊಬ್ಬರೂ ಕಾಳಜಿ ವಹಿಸಬೇಕು. ಹೆಚ್ಚು ಸಸಿಗಳನ್ನು ಬೆಳೆಸುವ ಮೂಲಕ ಪರಿಸರ ಉಳಿಸಿ ಬೆಳೆಸಬೇಕು ಎಂದರು.

ನಗರಸಭೆಯ 2026-27ನೇ ಸಾಲಿನ ಆಯ-ವ್ಯಯದಲ್ಲಿ ಪರಿಸರ ಸಂರಕ್ಷಣೆ ಒತ್ತು ನೀಡಿ ನಗರದಲ್ಲಿ 5 ಸಾವಿರ ಸಸಿಗಳನ್ನು ನೆಟ್ಟು ಪೋಷಿಸುವ ವಾಗ್ದಾನ ನೀಡಲಾಗಿತ್ತು. ಹಾಗಾಗಿ ಹಸಿರು ರಾಮನಗರ ಘೋಷವಾಕ್ಯದೊಡನೆ ಸಸಿ ನೆಡಲು ಸಂಕಲ್ಪ ಮಾಡಲಾಗಿದೆ. ಒಂದುವಾರ ನಗರದೆಲ್ಲೇಡೆ ಅಭಿಯಾಣ ನಡೆಯಲಿದೆ ಎಂದು ತಿಳಿಸಿದರು.

ನಗರಸಭೆ ಪೌರಾಯುಕ್ತ ಡಾ.ಜಯಣ್ಣ ಮಾತನಾಡಿ, ಸುಮಾರು 5 ಸಾವಿರ ಗಿಡಗಳನ್ನು ರಾಮನಗರದ ವಿವಿಧ ಬಡಾವಣೆಗಳಲ್ಲಿ ನೆಡಲು ಉದ್ದೇಶಿಸಿ ಅಭಿಯಾನ ನಡೆಸಲಾಗುತ್ತಿದೆ. ಸಾರ್ವಜನಿಕರು ಹೆಚ್ಚು ಹಚ್ಚು ಪರಿಸರ ಸಂರಕ್ಷಣೆ ಕಡೆ ಗಮನ ಹರಿಸಬೇಕು. ಪರಿಸರವನ್ನು ನಾವು ಸಂರಕ್ಷಿಸದರೆ ಪರಿಸರ ನಮ್ಮನ್ನು ರಕ್ಷಣೆ ಮಾಡುತ್ತದೆ ಎಂಬುದನ್ನು ಮನಗಾಣಬೇಕು ಎಂದರು.

ನಗರಸಭೆ ಉಪಾಧ್ಯಕ್ಷೆ ಗಿರಿಜಮ್ಮ ಗುರುವೇಗೌಡ, ಸದಸ್ಯರಾದ ವಿಜಯಕುಮಾರಿ, ಪಾರ್ವತಮ್ಮ, ಪವಿತ್ರಾ, ನಾಗಮ್ಮ, ಅಭಿಯಂತರರಾದ ವಿಶ್ವನಾಥ್, ಸುಬ್ರಹ್ಮಣಿ, ನಿರ್ಮಲಾ, ಕಂದಾಯ ನಿರೀಕ್ಷಕ ಆರ್.ನಾಗರಾಜ್ ಹಾಗೂ ಇತರರು ಇದ್ದರು.