ದಾಖಲೆ ಸಮೇತ ಚರ್ಚೆಗೆ ಬನ್ನಿ

ಶಾಸಕರ ಗೃಹ ಕಚೇರಿಯಲ್ಲಿ ಶನಿವಾರ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿದ ಅವರು, 600 ಕೋಟಿ ಹಗರಣ, ಬಿಡಿಸಿಸಿ ಬ್ಯಾಂಕ್​ ಹಗರಣ ಎಂದು ಎ.ಮಂಜು ಅವರು ಗಾಳಿಯಲ್ಲಿ ಗುಂಡು ಹೊಡೆಯುವುದನ್ನು ಬಿಡಲಿ. ಏ.25ರ ಶನಿವಾರ ಬೆಳಗ್ಗೆ 11 ಗಂಟೆಗೆ ಚಕ್ರಭಾವಿ ವಿಎಸ್ಸೆಸ್ಸೆನ್​ ಆವರಣದಲ್ಲಿ ನಾವು ಚರ್ಚೆಗೆ ವೇದಿಕೆ ಸಿದ್ಧಪಡಿಸುತ್ತೇವೆ. ಅಲ್ಲಿಗೆ ದಾಖಲೆಗಳೊಂದಿಗೆ ಬನ್ನಿ. ಒಂದು ವೇಳೆ ಸಮಯಕ್ಕೆ ಬರಲು ಸಾಧ್ಯವಾಗದಿದ್ದರೆ, ನೀವೇ ದಿನಾಂಕ ಮತ್ತು ಸಮಯ ನಿಗದಿಪಡಿಸಿ, ಬಾಲಕೃಷ್ಣ ಅವರನ್ನೇ ಚರ್ಚೆ ಕರೆತರಲು ಸಿದ್ಧರಿದ್ದೇವೆ ಎಂದು ಸವಾಲು ಹಾಕಿದರು.

2023ರ ಚುನಾವಣೆ ಸೋಲಿನ ಕುರಿತು ಪ್ರತಿಕ್ರಿಯಿಸಿದ ಕೃಷ್ಣಮೂರ್ತಿ, ನಾನು ಯಾವತ್ತೂ ತಾಯಿಗೆ ದ್ರೋಹ ಬಗೆಯಲ್ಲ. ಮಾಗಡಿ ರಾಜಕಾರಣದ ಸ್ಥಿತಿ ಸರಿ ಇಲ್ಲ ಎಂದು ನಾನೇ ಖುದ್ದಾಗಿ ಎಚ್​.ಡಿ.ಕುಮಾರಸ್ವಾಮಿ ಹಾಗೂ ಎ.ಮಂಜು ಅವರ ಬಳಿ ಚರ್ಚಿಸಿದ್ದೆ. ಆದರೆ ವರಿಷ್ಠರು ನಮ್ಮ ಮಾತು ಕೇಳಲಿಲ್ಲ. ಎ.ಮಂಜು ಅವರ ಸೋಲಿಗೆ ಅವರ ನಡವಳಿಕೆಯೇ ಕಾರಣ ಎಂದರು.