ಸಿಡಿಲಿಗೆ ಹೊತ್ತಿ ಉರಿದ ತೆಂಗಿನಮರ

ಸತತ ಮೂರು ಗಂಟೆಗಳ ಕಾಲ ಭಾರಿ ಮಳೆಯಾಗಿದ್ದು, ಈ ವೇಳೆ ಮಳೆ&ಗಾಳಿಗಿಂತಲೂ ಸಿಡಿಲು ಮತ್ತು ಗುಡುಗಿನ ಆರ್ಭಟವೇ ಹೆಚ್ಚಾಗಿತ್ತು. ಸಿದ್ದಾರ್ಥ ನಗರದ ತೋಟವೊಂದರಲ್ಲಿದ್ದ ತೆಂಗಿನಮರಕ್ಕೆ ನೇರವಾಗಿ ಸಿಡಿಲು ಬಡಿದಿದ್ದರಿಂದ, ಮರವು ಣಾರ್ಧದಲ್ಲಿ ಧಗಧಗನೆ ಹೊತ್ತಿ ಉರಿಯಲಾರಂಭಿಸಿತು. ಸಿಡಿಲಿನ ಭಯಾನಕ ಶಬ್ದ ಹಾಗೂ ಪ್ರಖರ ಬೆಳಕಿಗೆ ಗ್ರಾಮಸ್ಥರು ಒಂದು ಣ ಬೆಚ್ಚಿ ಬಿದ್ದರು.

ಕಳೆದ ಕೆಲವು ದಿನಗಳ ಹಿಂದೆಯೂ ಬಿಡದಿ ಭಾಗದಲ್ಲಿ ಬಿರುಗಾಳಿ ಸಹಿತ ಸುರಿದ ಮಳೆಯಿಂದಾಗಿ ಭಾರಿ ಅವಾಂತರಗಳು ಸೃಷ್ಟಿಯಾಗಿದ್ದವು. ರೈಲ್ವೆ ವಿದ್ಯುತ್​ ಲೈನ್​ ಮೇಲೆ ಮರ ಬಿದ್ದು ರೈಲು ಸಂಚಾರಕ್ಕೆ ಅಡಚಣೆಯಾಗಿತ್ತು. ಹಲವೆಡೆ ಬೃಹತ್​ ಕಬ್ಬಿಣದ ಜಾಹೀರಾತು ಫಲಕಗಳು ರಸ್ತೆ ಮೇಲೆ ಉರುಳಿ ಬಿದ್ದಿದ್ದವು. ಇನ್ನು ಕೆಲವು ಕಡೆ ಮನೆಗಳ ಮೇಲಿನ ಸಿಮೆಂಟ್​ ಶೀಟ್​ಗಳು ಬಿರುಗಾಳಿಗೆ ಹಾರಿ ಹೋಗಿದ್ದವು. ಸದ್ಯ ಸತತವಾಗಿ ಸುರಿಯುತ್ತಿರುವ ಆಲಿಕಲ್ಲು ಹಾಗೂ ಸಿಡಿಲು ಸಹಿತ ಮಳೆಯು ಬಿಡದಿ ಭಾಗದ ಜನರಲ್ಲಿ ಆತಂಕ ಮೂಡಿಸಿದೆ.