ನಾವಿಕನಿಲ್ಲದ ದೋಣಿ ಕನಕಪುರ ನಗರಸಭೆ

ಹೌದು... ನಗರಸಭೆಯ ಜನಪ್ರತಿನಿಧಿಗಳ ಆಡಳಿತ ಪೂರ್ಣಗೊಂಡು 6 ತಿಂಗಳು ಗತಿಸಿದೆ. ಪೌರಾಯುಕ್ತರೂ ಇತ್ತೀಚೆಗೆ ವರ್ಗಾವಣೆಗೊಂಡಿದ್ದಾರೆ. ಚುನಾವಣೆ ನಡೆದು ಪುನ@ ಜನಪ್ರತಿನಿಧಿಗಳ ಆಡಳಿತ ಬರುವವರೆಗೆ ನಗರಸಭೆಯ ಆಡಳಿತ ಅಧಿಕಾರಿಯಾಗಿರುವ ಜಿಲ್ಲಾಧಿಕಾರಿಗಳು ಇತ್ತ ಸುಳಿಯುತ್ತಲೇ ಇಲ್ಲ. ಪರಿಣಾಮ ಸಾರ್ವಜನಿಕರ ಸಮಸ್ಯೆಗಳನ್ನು ಬಗೆಹರಿಸಲು ಜವಾಬ್ದಾರಿ ತೆಗೆದುಕೊಳ್ಳುವವರೇ ಇಲ್ಲದಂತಾಗಿದೆ. ಸರ್ಕಾರಿ ಸೌಲಭ್ಯಗಳನ್ನು ಎಲ್ಲಿ ಕೇಳಬೇಕು? ಯಾರ ಬಳಿ ಸಮಸ್ಯೆ ಹೇಳಿಕೊಳ್ಳಬೇಕು ಎಂಬ ಜಿಜ್ಞಾಸೆ ನಗರವಾಸಿಗಳಲ್ಲಿದೆ.

ನಗರಸಭೆ ಪೌರಾಯುಕ್ತರಾಗಿದ್ದ ಶ್ರೀನಿವಾಸ್​ ಅವರು ಇತ್ತೀಚೆಗೆ ಚಿಕ್ಕಬಳ್ಳಾಪುರಕ್ಕೆ ವರ್ಗ ಮಾಡಿಸಿಕೊಂಡಿದ್ದಾರೆ. ಇತ್ತ ನೂತನ ಪೌರಾಯುಕ್ತರನ್ನು ನಿಯೋಜಿಸುವ ಪ್ರಕ್ರಿಯೆಯೂ ನಡೆದಿಲ್ಲ, ಪೌರಾಯುಕ್ತರಲ್ಲದಿದ್ದರೆ ನಗರಸಭೆಗೆ ಪ್ರಭಾರ ಅಧಿಕಾರಿಯನ್ನೂ ಜಿಲ್ಲಾಧಿಕಾರಿಗಳು ನೇಮಿಸಿಲ್ಲ. ಸ್ವತ@ ನಗರಸಭೆ ಅಡಳಿತಾಧಿಕಾರಿಯಾಗಿ ಜವಾಬ್ದಾರಿ ಹೊತ್ತಿರುವ ಜಿಲ್ಲಾಧಿಕಾರಿಗಳೂ ಇತ್ತ ತಿರುಗಿ ನೋಡುತ್ತಿಲ್ಲ. ಪರಿಣಾಮ ನಗರಸಭೆಯ ಸದಸ್ಯದ ಪರಿಸ್ಥಿತಿ ನಾವಿಕನಿಲ್ಲದ ದೋಣಿಯಂತಾಗಿದೆ.

ರಾಜ್ಯದ ಎಲ್ಲೆಡೆಯಂತೆ ಕನಕಪುರಕ್ಕೂ ಮೀಸಲಾತಿ ರ್ನಿಣಯವಾಗದೆ ನಗರಸಭೆಗೆ ಚುನಾವಣೆ ನಡೆಯುವ ಮುನ್ಸೂಚನೆ ಇಲ್ಲ. ಜನಪ್ರತಿನಿಧಿಗಳ ಆಡಳಿತವಿಲ್ಲದೆ ಅಧಿಕಾರಿಗಳ ಆಡಳಿತ ಜಾರಿಯಲ್ಲಿದ್ದು, ಜನರ ಆಶೋತ್ತರಗಳಿಗೆ ಸ್ಪಂದನೆ ಇಲ್ಲದಂತಾಗಿದೆ. ಮೇಲಧಿಕಾರಿಗಳು ಇಲ್ಲದೆ ಈಗಿನ ಅಧಿಕಾರಿಗಳು ದರ್ಬಾರ್​ ನಡೆಸುತ್ತಿದ್ದಾರೆ. ಇ&ಖಾತೆಯೋ, ಇನ್ನೇನೋ ಸೇವೆಗಳಿಗಾಗಿ ನಗರಸಭೆಗೆ ಹೋದರೆ ಕೆಲಸಗಳು ಆಗುತ್ತಿಲ್ಲ. ಹೊಸ ಅಧಿಕಾರಿ ಬರದಿದ್ದರೆ ಪ್ರಭಾರ ಅಧಿಕಾರಿಯನ್ನಾದರೂ ನೇಮಿಸಬೇಕಿತ್ತು, ಅದೂ ಮಾಡದಿದ್ದರೆ ಸರ್ಕಾರಿ ಸೌಲಭ್ಯ ಪಡೆಯುವುದಾದರೂ ಹೇಗೆ ಎಂಬ ಪ್ರಶ್ನೆ ಮೂಡಿದೆ.

ನಗರದ ಸ್ವಚ್ಛತೆ ಕಾಪಾಡಲು 120 ಮಂದಿ ಪೌರಕಾರ್ಮಿಕರು ಕರ್ತವ್ಯ ನಿರ್ವಹಿಸುತ್ತಿದ್ದಾರೆ. ಪೌರಕಾರ್ಮಿಕರಿಗೆಂದೇ ಪ್ರತಿನಿತ್ಯ ಬೆಳಗಿನ ಉಪಾಹಾರಕ್ಕಾಗಿ ಜಾರಿಗೊಳಿಸಿದ ಉಪಾಹಾರ ಯೋಜನೆಗೆ ಸರ್ಕಾರ ಕೋಟ್ಯಂತರ ರೂ. ಖರ್ಚು ಮಾಡುತ್ತದೆ. ಆದರೆ ಅಡುಗೆ ಗುತ್ತಿಗೆದಾರರಿಗೆ 5 ಲಕ್ಷ ರೂ. ಬಾಕಿ ನಗರಸಭೆಯಿಂದ ಬರಬೇಕಿದ್ದು, ಬಾಕಿ ಹಣ ನೀಡುವವರೆಗೂ ಕಾರ್ಮಿಕರಿಗೆ ಉಪಾಹಾರ ಸರಬರಾಜು ಸಾಧ್ಯವಿಲ್ಲ ಎಂದು ಗುತ್ತಿಗೆದಾರರು ಸ್ಥಗಿತಗೊಳಿಸಿದ್ದಾರೆ ಎನ್ನಲಾಗಿದ್ದು, ಇಡೀ ನಗರವನ್ನು ಸ್ವಚ್ಛವಾಗಿಡುವ ನಮಗೆ ಬೆಳಗಿನ ಉಪಾಹಾರ ಇಲ್ಲದೆ ಪರದಾಡುತ್ತಿದ್ದೇವೆ ಎಂದು ನೊಂದ ಪೌರಕಾರ್ಮಿಕರು "ವಿಜಯವಾಣಿ'ಯೊಂದಿಗೆ ಅಳಲು ತೋಡಿಕೊಳ್ಳುತ್ತಿದ್ದಾರೆ. ನಗರಸಭೆಯಲ್ಲಿ ಖಾಯಂ ಹಾಗೂ ಗುತ್ತಿಗೆ ಕಾರ್ಮಿಕರ ವಿಚಾರದಲ್ಲಿ ಅಧಿಕಾರಿಗಳ ಹೊಂದಾಣಿಕೆ ಇಲ್ಲದಿರುವುದೇ ಕಾರ್ಮಿಕರ ಸೌಲಭ್ಯಕ್ಕೆ ಕುತ್ತು ಬಂದಿದೆ ಎಂಬ ಆರೋಪ ಇದೆ.

ಇನ್ನು ಸರ್ಕಾರದಿಂದ ಗ್ಯಾಂಟ್​ ಬಾರದ ಕಾರಣ ಮೂರು ತಿಂಗಳಿಂದ ಅಧಿಕಾರಿಗಳು, ಸಿಬ್ಬಂದಿ, ಪೌರಕಾರ್ಮಿಕರಿಗೆ ವೇತನವೇ ಬಿಡುಗಡೆಯಾಗಿಲ್ಲ ಎಂಬ ಮಾಹಿತಿ ಇದೆ. ಉಪಮುಖ್ಯಮಂತ್ರಿಗಳೇ ಆಗಿರುವ ೇತ್ರದ ಶಾಸಕ ಡಿ.ಕೆ.ಶಿವಕುಮಾರ್​ ಅವರಿಗೆ ಸ್ವಕ್ಷೇತ್ರದ ನಗರಸಭೆಯ ದುಸ್ಥಿತಿ ಬಗ್ಗೆ ಮಾಹಿತಿ ಇಲ್ಲವೇ? ಎಂದು ಸಾರ್ವಜನಿಕರು ಪ್ರಶ್ನಿಸುತ್ತಿದ್ದಾರೆ.

"

ನಗರದ ಸ್ವಚ್ಛತೆ, ನೈರ್ಮಲ್ಯ ಕಾಪಾಡುವ ಕಾರ್ಮಿಕರ ಬದುಕು ಚರಂಡಿಯಂತೆ ಗಬ್ಬು ನಾರುವಂತಾಗಿದೆ. ಸದಾ ಹವಾನಿಯಂತ್ರಿತ ಕೊಠಡಿಯಲ್ಲಿ ಕುಳಿತು ಆಡಳಿತ ನಡೆಸುತ್ತಿವ ಅಧಿಕಾರಿಗಳಿಗೆ ನಗರಸಭೆಯ ಆಡಳಿತ ಮತ್ತು ಪೌರಕಾರ್ಮಿಕರ ಕಷ್ಟಕಾರ್ಪಣ್ಯ ಕಾಣಿಸದಿರುವುದು ದುರಂತ.

— > ನೀಲಿ ರಮೇಶ್​ ಬಹುಜನ ಜಾಗೃತಿ ವೇದಿಕೆ ಜಿಲ್ಲಾಧ್ಯಕ್ಷ

"

ನಗರಸಭೆಯಲ್ಲಿ ಪೌರಕಾರ್ಮಿಕರ ವೇತನ, ಬೆಳಗಿನ ಉಪಾಹಾರ ಸ್ಥಗಿತದಿಂದ ಕಾರ್ಮಿಕರು ಹಸಿವಿನಿಂದ ನರಳುವಂತಾಗಿದೆ. ಅಧಿಕಾರಿಗಳ ಬೇಜವಾಬ್ದಾರಿ, ರ್ನಿಲಕ್ಷ$್ಯ, ಲಂಚಗುಳಿತನದಿಂದ ಶ್ರಮಿಕರ ಸವಲತ್ತುಗಳು ಮರೀಚಿಕೆಯಾಗುತ್ತಿದೆ.

— > ಹೆಸರು ಹೇಳಲು ಇಚ್ಛಿಸದ ಪೌರಕಾರ್ಮಿಕ