ಮನೆಗೋಡೆ ತೆರವು ವಿರೋಧಿಸಿದಕ್ಕೆ ಹಲ್ಲೆ

ಗ್ರಾಮದ ಶಿವರುದ್ರಮ್ಮ ಅವರ ಸೋದರ ಸಂಬಂಧಿಗಳಾದ ಭದ್ರಗಿರಿ, ಮರಿಬಸಯ್ಯ, ಮಂಜುನಾಥ್​ ಮತ್ತವರ ಮಕ್ಕಳಾದ ಹೇಮಂತ್​ಕುಮಾರ್​, ವಿಜಯಕುಮಾರ್​ ಸೇರಿ ಹಲವರು ಶುಕ್ರವಾರ ಗುಂಪುಕಟ್ಟಿಕೊಂಡು ಬಂದು ಅವಾಚ್ಯ ಶಬ್ದಗಳಿಂದ ನಿಂದಿಸಿ, ಕೊಲೆ ಬೆದರಿಕೆ ಹಾಕಿದ್ದಲ್ಲದೇ, ಶಿವರುದ್ರಮ್ಮ ಅವರನ್ನು ಬಾಯಿಯಿಂದ ಕಚ್ಚಿ ಗಂಭೀರ ಗಾಯಗೊಳಿಸಿದ್ದಾರೆ ಎನ್ನಲಾಗಿದ್ದು, ಈ ಬಗ್ಗೆ ಶಿವರುದ್ರಮ್ಮ ಗ್ರಾಮಾಂತರ ಪೊಲೀಸ್​ ಠಾಣೆಯಲ್ಲಿ ದೂರು ನೀಡಿದ್ದಾರೆ.

ಹತ್ತು ವರ್ಷಗಳಿಂದ ಪಿತ್ರಾರ್ಜಿತ ಜಾಗದಲ್ಲಿ ವಾಸವಿದ್ದೇನೆ. ಆಸ್ತಿ ವಿಚಾರದಲ್ಲಿ ಮನೆಯ ಗೋಡೆ ಕೆಡವಿದ್ದಾರೆ.

ಇದೇ ರೀತಿ ಹಲವು ವರ್ಷಗಳಿಂದ ನನಗೆ ಕಿರುಕುಳ ನೀಡುತ್ತಲೇ ಬರುತ್ತಿದ್ದಾರೆ. ಈ ಬಗ್ಗೆ ಗ್ರಾಪಂ, ಕಂದಾಯ ಇಲಾಖೆ ಅಧಿಕಾರಿಗಳಿಂದ ಸರ್ವೇ ಮಾಡಿಸಿ ನಿಮ್ಮ ಹದಬಸ್ತು ಗುರುತಿಸಿಕೊಳ್ಳಿ ಎಂದು ತಿಳಿಸಿದ್ದರೂ ಅವರು ಕೇಳದೆ ನಿರಂತರವಾಗಿ ದೌರ್ಜನ್ಯ ಎಸಗುತ್ತಿದ್ದಾರೆ ಎಂದು ದೂರಿನಲ್ಲಿ ವಿವರಿಸಿದ್ದಾರೆ.