ಕುದೂರು: ಕುದೂರು& ಶಿವಗಂಗೆ ಮುಖ್ಯರಸ್ತೆ ಡಾಂಬರೀಕರಣ ಆರಂಭಗೊಂಡಿದೆ. ಈ ರಸ್ತೆ ಡಾಂಬರೀಕರಣಕ್ಕೆ ಭೂಮಿಪೂಜೆ ನೆರವೇರಿಸಿ ನಾಲ್ಕೆದು ತಿಂಗಳೇ ಕಳೆದರೂ ಕಾಮಗಾರಿ ಆರಂಭವಾಗಿರಲಿಲ್ಲ. ಡಿ.12ರಂದು ವಿಜಯವಾಣಿ ಪತ್ರಿಕೆಯಲ್ಲಿ "ರಸ್ತೆಯೆಲ್ಲ ಧೂಳು ಕೇಳೋರಿಲ್ಲ ಗೋಳು' ಎಂಬ ಶೀರ್ಷಿಕೆಯಡಿ ವಿಶೇಷ ವರದಿ ಪ್ರಕಟಗೊಂಡ ಬಳಿಕ ಎಚ್ಚೆತ್ತುಕೊಂಡ ಲೋಕೋಪಯೋಗಿ ಇಲಾಖೆ ಅಧಿಕಾರಿಗಳು, 2 ದಿನಗಳಿಂದ ಶ್ರೀಗಿರಿಪುರ ರಸ್ತೆಯಿಂದ ಡಾಂಬರೀಕರಣ ಕಾಮಗಾರಿಗೆ ಚಾಲನೆ ನೀಡಿದ್ದಾರೆ. ಕುದೂರು&ಶಿವಗಂಗೆ ಮುಖ್ಯರಸ್ತೆಯ ಡಾಂಬರೀಕರಣ ಕಾಮಗಾರಿ ಕೈಗೊಳ್ಳದೆ ಜಲ್ಲಿ ಹಾಕಿ ಹಾಗೇ ಬಿಟ್ಟಿದ್ದರಿಂದ ವಾಹನ ಸವಾರರು, ಅಂಗಡಿ ವರ್ತಕರು, ರಸ್ತೆ ಅಂಚಿನ ಮನೆಯವರುಗಳು ಧೂಳಿನಿಂದ ನರಳುವಂತಾಗಿತ್ತು.
