ವಿಳಾಸ ಕೇಳುವ ನೆಪದಲ್ಲಿ ಆಭರಣ ಕದ್ದವನ ಸೆರೆ

ಬಿಡದಿ ಪೊಲೀಸ್​ ಠಾಣೆ ವ್ಯಾಪ್ತಿಯ ಹನುಮಂತನಗರದ ಆಂಜನೇಯಸ್ವಾಮಿ ದೇವಾಲಯದ ಸಮೀಪವಿರುವ ಮುನಿರಾಜು ಅವರು ಕೆಲಸದ ನಿಮಿತ್ತ ಹೊರಹೋಗಿದ್ದರು. ಪತ್ನಿ ಮುನಿರತ್ನ ಪಕ್ಕದ ಅಂಗಡಿಗೆ ಹೋಗಿದ್ದರು. ಈ ವೇಳೆ ಮನೆಗೆ ಬೀಗ ಹಾಕಿರಲಿಲ್ಲ. ಈ ವೇಳೆ ಆರೋಪಿ, ಮನೆಗೆ ನುಗ್ಗಿ ಬೀರುವಿನ ಲಾಕರ್​ ಒಡೆದು ಚಿನ್ನಾಭರಣಗಳೊಂದಿಗೆ ಪರಾರಿಯಾಗುತ್ತಿದ್ದ. ಮುನಿರತ್ನ ಅವರು ಅಂಗಡಿಯಿಂದ ವಾಪಸ್​ ಬಂದಾಗ ಆರೋಪಿ ಮನೆಯಿಂದ ಹೊರಬರುತ್ತಿರುವುದು ಕಂಡುಬಂದಿದೆ.

ಆತನನ್ನು ವಿಚಾರಿಸಿದಾಗ ಇದು ಕುಮಾರ್​ ಅವರ ಮನೆಯಾ? ಎಂದು ವಿಳಾಸ ಕೇಳುವ ನೆಪವೊಡ್ಡಿ ಅಲ್ಲಿಂದ ಪರಾರಿಯಾಗಿದ್ದ. ಮನೆ ಒಳಗೆ ಹೋಗಿ ನೋಡಿದಾಗ ಕಳ್ಳತನವಾಗಿರುವುದು ಬೆಳಕಿಗೆ ಬಂದಿತ್ತು. ಈ ಸಂಬಂಧ ಫೆ.7ರಂದು ಬಿಡದಿ ಠಾಣೆಯಲ್ಲಿ ದೂರು ದಾಖಲಾಗಿತ್ತು. ಬಂಧಿತನಿಂದ 13 ಲಕ್ಷ ಮೌಲ್ಯದ 95ಗ್ರಾಂ ಚಿನ್ನಾಭರಣ ವಶಪಡಿಸಿಕೊಳ್ಳಲಾಗಿದೆ.