ವಾಹನಗಳ ಬ್ಯಾಟರಿ, ಟೂಲ್​ ಬಾಕ್ಸ್​ ಕದ್ದವರ ಬಂಧನ

ಬೆಂಗಳೂರಿನ ಮೊಮ್ಮಿನಪುರ ನಿವಾಸಿಗಳಾದ ಸಲ್ಮಾನ್​, ಹಳೇ ಗುಡ್ಡದಹಳ್ಳಿಯ ಯಾಸಿನ್​ ಬಂಧಿತರು.

ಪಟ್ಟಣದ ಜ್ಯೋತಿನಗರದಲ್ಲಿ ನ.9ರಂದು ಭಾಗ್ಯಲಕ್ಷ್ಮೀ ಭಾರತ್​ ಗ್ಯಾಸ್​ ಏಜೆನ್ಸಿ ಕಚೇರಿ ಪಕ್ಕದಲ್ಲಿ ನಿಂತಿದ್ದ ಟಾಟಾ ಏಸ್​ ಮತ್ತು ಆಟೋಗಳಲ್ಲಿನ 4 ಬ್ಯಾಟರಿ, ಟೂಲ್​ ಬಾಕ್ಸ್​, ಸೈಲ್​ಗಳು ಹಾಗೂ 3 ಜಾಕ್​ ರಾಡುಗಳ ಕಳ್ಳತನವಾಗಿದ್ದವು. ಈ ಸಂಬಂಧ ವಾಹನಗಳ ಮಾಲೀಕರು ಮಾಗಡಿ ಠಾಣೆಗೆ ದೂರು ನೀಡಿದ್ದರು. ಪ್ರಕರಣ ದಾಖಲಿಸಿಕೊಂಡಿದ್ದ ಪೊಲೀಸರು ಆರೋಪಿಗಳ ಪತ್ತೆಗೆ ವಿಶೇಷ ತಂಡ ರಚಿಸಿದ್ದರು.

ಆರೋಪಿಗಳು ಶೋಕಿ ಜೀವನಕ್ಕಾಗಿ ಸ್ಕ್ರ್ಯಾಪ್ ವ್ಯಾಪಾರದ ನೆಪದಲ್ಲಿ ಬಂದು ಅಲ್ಲಲ್ಲಿ ನಿಂತಿರುವ ಆಟೋಗಳಲ್ಲಿನ ಬ್ಯಾಟರಿ, ಟೂಲ್​ ಬಾಕ್ಸ್​, ಜಾಕ್​ ರಾಡ್​ ಸೇರಿ ಹಲವು ವಸ್ತುಗಳನ್ನು ಕದಿಯುತ್ತಿದ್ದರು ಎಂದು ಪೊಲೀಸರು ತಿಳಿಸಿದ್ದಾರೆ.

ಇನ್​ಸ್ಪೆಕ್ಟರ್​ ಜಿ.ವೈ.ಗಿರಿರಾಜ್​, ಎಎಸೈ ಕೃಷ್ಣಪ್ಪ.ಬಿ.ವಿ, ಸಿಬ್ಬಂದಿ ಬೀರಪ್ಪ, ವೀರಭದ್ರಪ್ಪ, ಮಂಜುನಾಥ, ಪ್ರಮೋದ, ಮುನೀಂದ್ರ ಕಾರ್ಯಾಚರಣೆಯಲ್ಲಿದ್ದರು.