ಆಯತಪ್ಪಿ ಕಂದಕ್ಕೆ ಬಿದ್ದು ಸಾವು

ರಾಮನಗರ ತಾಲೂಕು ಬಿಡದಿ ಹೋಬಳಿಯ ಬಿಲ್​ ಕೆಂಪನಹಳ್ಳಿ ನಿವಾಸಿ, ಬಿಎಂಟಿಸಿ ನಿವೃತ್ತ ಚಾಲಕ ರೇವಣ್ಣ (65) ಮೃತರು. ಅವ್ವೇರಹಳ್ಳಿ ದೇವಾಲಯಕ್ಕೆ ಸಹೋದರನೊಂದಿಗೆ ಬಂದಿದ್ದ ರೇವಣ್ಣ ಅವರು, ಭಾನುವಾರ ಬೆಳಗ್ಗೆ 8.30ರ ಸುಮಾರಿಗೆ ಭೀಮೇಶ್ವರ ದೇವಾಲಯದಿಂದ ಸ್ವಲ್ಪ ದೂರದಲ್ಲಿ ಕಡಿದಾದ ಮೆಟ್ಟಿಲು ಹತ್ತುವಾಗ ಪಕ್ಕದಲ್ಲಿ ಕುಳಿತುಕೊಳ್ಳಲು ಮುಂದಾಗಿದ್ದು, ಈ ವೇಳೆ ಆಯತಪ್ಪಿ ಬಂಡೆ ಮೇಲೆ ಉರುಳಿದ್ದಾರೆ. ಬೆಟ್ಟ ಕಡಿದಾದ ಇಳಿಜಾರಿದ್ದ ಕಾರಣ ರೇವಣ್ಣ ಅವರು ನೇರವಾಗಿ ಕಂದಕಕ್ಕೆ ಬಿದ್ದಿದ್ದು, ತಲೆಗೆ ತೀವ್ರ ಪೆಟ್ಟಾಗಿ ಸ್ಥಳದಲ್ಲೇ ಕೊನೆಯುಸಿರೆಳೆದಿದ್ದಾರೆ. ಇಕ್ಕಟ್ಟಾದ, ಗಿಡ&ಗಂಟಿ ಮಧ್ಯೆ ಸಿಕ್ಕಿಕೊಂಡಿದ್ದ ಮೃತ ದೇಹವನ್ನು ದೇವಾಲಯದ ಸ್ವಚ್ಛತಾ ಸಿಬ್ಬಂದಿ ನೆರವಿನೊಂದಿಗೆ ಅಗ್ನಿಶಾಮಕ ದಳ ಹಾಗೂ ಪೊಲೀಸರ ಜೋಲಿ ಕಟ್ಟಿಕೊಂಡು ಮೇಲೆತ್ತಿ, ಮರಣೋತ್ತರ ಪರೀೆಗೆ ಜಿಲ್ಲಾಸ್ಪತ್ರೆಗೆ ಸಾಗಿಸಿದರು. ರಾಮನಗರ ಗ್ರಾಮಾಂತರ ಪೊಲೀಸ್​ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.

ಸರ್ಕಲ್​ ಇನ್​ಸ್ಪೆಕ್ಟರ್​ ಮುರಳಿ, ಸಬ್​ಇನ್​ಸ್ಪೆಕ್ಟರ್​ ಸಿದ್ದರಾಜು, ಜಿಲ್ಲಾ ಅಗ್ನಿಶಾಮಕ ಅಧಿಕಾರಿ ಗಂಗರಾಜು ಸ್ಥಳಪರಿಶೀಲಿಸಿದರು. ಅಗಿಶಾಮಕ ದಳದ ಮುತ್ತಣ್ಣ ಲಮಾಣಿ, ವಿಜಯಕುಮಾರ್​, ಸಂತೋಷ್​ ಪಾಟೀಲ್​, ಬಸವನಗೌಡ ಪಾಟೀಲ್​ ಇದ್ದರು.