ಮಳೆಗೆ ಹೆದ್ದಾರಿಗುರುಳಿದ ಮರ

ಬಿರುಗಾಳಿ ಸಹಿತ ಮಳೆಗೆ ಬೆಂಗಳೂರು&ಮೈಸೂರು ಎಕ್ಸ್​ಪ್ರೆಸ್​ ವೇ ಸಂಚಾರ ಅಸ್ತವ್ಯಸ್ತವಾಗಿದೆ. ಪ್ರತಿಷ್ಠಿತ ಸತ್ವ ಅಪಾರ್ಟ್​ ಮೆಂಟ್​ ಹಿಂಬಂದಿ ಜಾಹೀರಾತಿನ ದೊಡ್ಡ ಕಬ್ಬಿಣದ ಫಲಕ ರಸ್ತೆ ಮೇಲೆ ಬಿದ್ದ ಪರಿಣಾಮ ಸಂಚಾರಕ್ಕೆ ಅಡಚಣೆಯಾಗಿದೆ. ರಸ್ತೆ ಮೇಲೆ ಬೋರ್ಡ್​ ಬಿದ್ದ ಪರಿಣಾಮ ಲಕ್ಷಿ$್ಮ ಸಾಗರ ಗೇಟ್​ನಿಂದ ವಾಜರಹಳ್ಳಿಗೆ ಹೋಗುವ ಜನರು ಸುತ್ತಿ ಬಳಸಿ ಬರುವ ಪರಿಸ್ಥಿತಿ ನಿರ್ಮಾಣ ವಾಗಿತ್ತು.

ಕಾಡುಮನೆ ಕ್ರಾಸ್​ನಿಂದ ಬಿಡದಿ ಕೈಗಾರಿಕಾ ಪ್ರದೇಶಕ್ಕೆ ಸಂಚಾರ ಮಾಡುವ ರಸ್ತೆಯಲ್ಲಿ ಮರ ಬಿದ್ದ ಪರಿಣಾಮ ಸಂಚಾರಕ್ಕೆ ಅಡಚಣೆಯಾಗಿದೆ. ಈಗಲ್​ಟನ್​ ರೆಸಾರ್ಟ್​ ಪಕ್ಕದ ಸಾಯಿಬಾಬಾ ಮಂದಿರದ ಬಳಿ ರಸ್ತೆಗೆ ಮರ ಬಿದ್ದ ಪರಿಣಾಮ ಕೈಗಾರಿಕಾ ಪ್ರದೇಶದದ ವಾಹನಗಳ ಸಂಚಾರಕ್ಕೆ ಅಡಚಣೆಯಾಗಿದೆ.

ಬೆಂಗಳೂರು&ಮೈಸೂರು ಮಾರ್ಗವಾಗಿ ಸಂಚರಿಸುವ ರೈಲ್ವೆ ಹಳಿ ಮೇಲೆ 1000 ಮೆಗಾವಾಟ್​ ಸಾಮರ್ಥ್ಯದ ಕಂಬಗಳು ಹಳಿಯ ಮೇಲೆ ಬಿದ್ದ ಪರಿಣಾಮ ರೈಲುಗಳ ಸಂಚಾರದಲ್ಲಿಯೂ ವ್ಯತ್ಯಯ ಉಂಟಾಗಿತ್ತು. ಇನ್ನೂ ರೈಲ್ವೆ ಇಲಾಖೆ ಸಿಬ್ಬಂದಿ ಲೈನ್​ ದುರಸ್ತಿ ಮಾಡುವಲ್ಲಿ ಮಗ್ನರಾಗಿದ್ದಾರೆ. ಸುಮಾರು 2 ಗಂಟೆಯಿಂದ ಮೈಸೂರಿನಿಂದ ಬೆಂಗಳೂರಿಗೆ ಬೆಂಗಳೂರುನಿಂದ ಮೈಸೂರು ಕಡೆ ಸಂಚರಿಸುವ ಎಲ್ಲ ರೈಲುಗಳನ್ನು ಮಧ್ಯದಲ್ಲಿ ನಿಲ್ಲಿಸಲಾಗಿದೆ ದಿನನಿತ್ಯ ರೈಲಿನಲ್ಲಿ ಸಂಚರಿಸುವ ಪ್ರಯಾಣಿಕರ ಕಷ್ಟಗಳ ಹೇಳುತೀರದಾಗಿದೆ. ಬೆಂಗಳೂರು&ಮೈಸೂರು ರಾಷ್ಟ್ರೀಯ ಹೆದ್ದಾರಿಯ ಶೇಷಗಿರಿಹಳ್ಳಿ ಬಳಿ ಇರುವ ಟೋಲ್​ ಗೇಟ್​ ಮಳೆ ನೀರು ತುಂಬಿಕೊಂಡಿದ್ದು, ವಾಹನ ಸವಾರರು ಟೋಲ್​ ದಾಟಲು ಪರಿತಪಿಸಬೇಕಾದ ಪರಿಸ್ಥಿತಿ ನಿರ್ಮಾಣವಾಗಿದೆ.