ಕಾಡಾನೆ ಹಾವಳಿ ನಿಯಂತ್ರಣಕ್ಕೆ ಶಾಶ್ವತ ಪರಿಹಾರ

ತಾಲೂಕಿನ ವಿರುಪಾಪುರ ಹೋಬಳಿಯ ಭಾಗದಲ್ಲಿ ಕಾಡಾನೆಗಳ ಉಪಟಳ ಹೆಚ್ಚಾದ ಹಿನ್ನೆಲೆಯಲ್ಲಿ ಇತ್ತೀಚಿಗೆ ಈ ಭಾಗದ ರೈತರು ಸಾತನೂರು ಮುಖ್ಯರಸ್ತೆಯನ್ನು ಬಂದ್​ ಮಾಡಿ ಪ್ರತಿಭಟನೆ ನಡೆಸಿದ ಹಿನ್ನೆಲೆಯಲ್ಲಿ ಶುಕ್ರವಾರ ತಾಲೂಕಿನ ಅಮ್ಮಳ್ಳಿದೊಡ್ಡಿ ಹಾಗೂ ಬಿ.ವಿ.ಹಳ್ಳಿ ಬಳಿ ಅರಣ್ಯ ಇಲಾಖಾ ಅಧಿಕಾರಿಗಳು ಆಯೋಜಿಸಿದ್ದ ರೈತರ ಸಭೆಯಲ್ಲಿ ಅಹವಾಲನ್ನು ಸ್ವೀಕರಿಸಿ ಮಾತನಾಡಿದ ಸಂರಣಾಧಿಕಾರಿಗಳು, ರಾಜ್ಯದಲ್ಲಿ 6500ಕ್ಕೂ ಹೆಚ್ಚು ಕಾಡಾನೆಗಳಿವೆ. ಅದರಲ್ಲೂ ವಿಶೇಷವಾಗಿ ಬನ್ನೇರುಟ್ಟ, ಕಾವೇರಿ ವನ್ಯಧಾಮ ಹಾಗೂ ಬೆಂಗಳೂರು ದಣ ಜಿಲ್ಲಾ ಭಾಗದಲ್ಲಿ ಸುಮಾರು 500 ರಿಂದ 700 ಆನೆಗಳಿವೆ. ಇವುಗಳಲ್ಲಿ 30ರಿಂದ 40 ಗಂಡು ಕಾಡಾನೆಗಳ ಉಪಟಳ ಈ ಭಾಗದಲ್ಲಿ ಹೆಚ್ಚಾಗಿದ್ದು, ರೈತರ ಬೆಳೆ ಅಲ್ಲದೇ ನೀರಾವರಿ, ಕೃಷಿ ಉಪಕರಣಗಳನ್ನು ನಾಶ ಪಡಿಸುತ್ತಿರುವ ನಿಜ. ಇವುಗಳ ನಿಯಂತ್ರಣಕ್ಕಾಗಿ ಈಗಾಗಲೇ ಬ್ಯಾರಿಕೇಡ್​ ಅಳವಡಿಕೆ, ಸೋಲಾರ್​ ಲೈನ್​ ನಿರ್ಮಾಣ, ಗಡಿಭಾಗದಲ್ಲಿ ಕಾಡಾನೆಗಳನ್ನು ಓಡಿಸಲು ಸುಮಾರು 4 ಕಿ.ಮೀ ಗೆ ಒಬ್ಬ ಸಿಬ್ಬಂದಿಯಂತೆ 90 ಸಿಬ್ಬಂದಿಯನ್ನು ನೇಮಿಸುವುದರ ಜತೆಗೆ ನಿರ್ವಹಣೆಗಾಗಿ ಡ್ರೋನ್​ ಬಳಸಿ ಅಗತ್ಯ ಕ್ರಮ ಕೈಗೊಳ್ಳಲಾಗುತ್ತಿದೆ ಎಂದು ಮಾಹಿತಿ ನೀಡಿದರು.

ಈ ಸಭೆಯಲ್ಲಿ ವ್ಯಕ್ತವಾದ ರೈತರ ಅಭಿಪ್ರಾಯ, ಒತ್ತಾಯ, ಬೇಡಿಕೆಗಳ ಪಟ್ಟಿ ಮಾಡಿ ಹಿರಿಯ ಅಧಿಕಾರಿಗಳ ಗಮನಕ್ಕೆ ತಂದು, ಶಾಶ್ವತ ಪರಿಹಾರ ದೊರಕಿಸಿಕೊಡಲು ಪ್ರಾಮಾಣಿಕ ಪ್ರಯತ್ನ ಮಾಡುತ್ತೇನೆ ಎಂದು ಮುಖ್ಯ ಅರಣ್ಯ ಸಂರಣಾಧಿಕಾರಿ ಭರವಸೆ ನೀಡಿದರು.

ಸಭೆಯಲ್ಲಿ ಡಿಸಿಎ್​ ರಾಮಕೃಷ್ಣಪ್ಪ, ಡಿವೈಎಸ್​ಪಿ ಗಿರಿ, ಸಿಪಿಐಗಳಾದ ಪ್ರಕಾಶ್​, ರವಿಕಿರಣ್​ ಮತ್ತು ಅರಣ್ಯ ಇಲಾಖಾ ಅಧಿಕಾರಿಗಳು ಹಾಗೂ ರೈತ ಮುಖಂಡರಾದ ಕೆ.ಮಲ್ಲಯ್ಯ, ಸಿ.ಪುಟ್ಟಸ್ವಾಮಿ, ಅಮ್ಮಳ್ಳಿದೊಡ್ಡಿ ರು, ಶಿವಮಲ್ಲಯ್ಯ, ಕೃಷ್ಣಪ್ಪ, ರಮೇಶ್​, ಶ್ರೀನಿವಾಸ್​, ಲಿಂಗರಾಜೇಗೌಡ ಸೇರಿದಂತೆ ನೂರಾರು ರೈತರು, ಮಹಿಳೆಯರು ಭಾಗವಹಿಸಿದ್ದರು.

ಕಾಡಾನೆಗಳ ಉಪಟಳದಿಂದ ಕಂಗಾಲಾದ ರೈತನೊಬ್ಬ ಕಾಡಾನೆಗಳ ಹಾವಳಿಗೆ ಶಾಶ್ವತ ಕಡಿವಾಣ ಹಾಕಬೇಕು. ಬೆಳೆಕಳೆದುಕೊಂಡ ರೈತರಿಗೆ ಸೂಕ್ತ ಪರಿಹಾರ ಕೊಡಬೇಕು ಎಂದು ಒತ್ತಾಯಿಸಿ

ಸಭೆ ಆರಂಭವಾಗುತ್ತಿದಂತೆಯೇ ಅಧಿಕಾರಿಗಳ ಮುಂದೆಯೇ ವಿಷ ಕುಡಿಯಲೆತ್ನಿಸಿದರು. ತಣ ಗಮನಿಸಿದ ಅಧಿಕಾರಿಗಳು ವಿಷವನ್ನು ಕಿತ್ತೆಸೆದು, ರೈತನನ್ನು ರಸಿದರು. ಇದೇ ವೇಳೆ ಕಾಡಾನೆಗಳ ನಿರಂತರ ದಾಳಿಯಿಂದ ರೈತರಿಗೆ ಆಗುತ್ತಿರುವ ನಷ್ಟ ಮತ್ತು ತೊಂದರೆಯನ್ನು ಅಧಿಕಾರಿಗಳ ಮುಂದೆ ಹಲವರು ಎಳೆಎಳೆಯಾಗಿ ತೆರೆದಿಟ್ಟರು. ಬೆಳೆನಷ್ಟಕ್ಕೆ ನೀವು ಕೊಡುವ ಪರಿಹಾರ ಯಾವುದಕ್ಕೂ ಸಾಲದಾಗಿದೆ. ಆಗಿರುವ ನಷ್ಟಕ್ಕೆ ಶೇ.75ರಷ್ಟು ಸೂಕ್ತ ಪರಿಹಾರ ಕೊಡಿಸಬೇಕು ಎಂದು ರೈತ ಮಹಿಳೆಯರು ಒತ್ತಾಯಿಸಿದರು.