ಒಂದೇ ರಾತ್ರೀಲಿ 11 ರೈತರ ಬೋರ್​ವೆಲ್​ ಕೇಬಲ್​ ಕಳವು

ಬೆಟ್ಟಹಳ್ಳಿ ಪಾಳ್ಯದ ಮರಿಸ್ವಾಮಿ, ಮಂಜುನಾಥ್​, ರಾಮಾಂಜನೇಯ, ಶ್ರೀನಿವಾಸ್​, ರವಿಕುಮಾರ್​, ರಾಮಣ್ಣ, ಸುನಂದಮ್ಮ, ರಾಜಣ್ಣ, ರಂಗಪ್ಪ, ಧನಂಜಯ, ಮಂಜುನಾಥ, ಚನ್ನಗಿರಿಯಪ್ಪರ ಅವರ ಜಮೀನಿನಲ್ಲಿ ಕೇಬಲ್​ ಕಳ್ಳತನವಾಗಿದ್ದು, ಈ ಪೈಕಿ ರೈತ ಮಂಜುನಾಥ ದೂರು ದಾಖಲಿಸಿದ್ದಾರೆ. ರಾತ್ರಿ ಸಮಯದಲ್ಲಿ ಜಮೀನುಗಳಲ್ಲಿ ಯಾರೂ ಇಲ್ಲದಿರುವುದನ್ನು ಗಮನಿಸಿಯೇ ಕಳ್ಳರು ಕೇಬಲ್​ ವೈರನ್ನು ಕದ್ದಿದ್ದಾರೆ ಎನ್ನಲಾಗಿದೆ.

ಹೋಬಳಿ ವ್ಯಾಪ್ತಿಯಲ್ಲಿ ಕಳ್ಳರ ಕಾಟ ಹೆಚ್ಚಾಗಿರುವುದು ರೈತರ ನಿದ್ದೆಗೆಡಿಸಿದೆ. ಇತ್ತೀಚೆಗಷ್ಟೇ ಈ ಗ್ರಾಮದಲ್ಲಿ ಬಾಳೆಗೊನೆ ಕದಿಯುತ್ತಿದ್ದ ಮೂವರನ್ನು ಗ್ರಾಮಸ್ಥರು ಹಿಡಿದು ಪೊಲೀಸರಿಗೆ ಒಪ್ಪಿಸಿದ್ದರು. ಊಗ ಕೇಬಲ್​ ಕಳವು ಪ್ರಕರಣಗಳು ವರದಿಯಾಗಿವೆ. ಪೊಲೀಸರು ಸ್ಥಳಕ್ಕೆ ಭೇಟಿ ನೀಡಿ ಪರಿಶೀಲಿಸಿದ್ದಾರೆ.