ಸಿಂಪಲ್​ ವೇವ್​ ಇವಿ ದ್ವಿಚಕ್ರ ವಾಹನ ಬಿಡುಗಡೆ

ಬೆಂಗಳೂರು: ಸಿಂಪಲ್​ ಎನರ್ಜಿ ಕಂಪನಿಯು ಹೊರತಂದಿರುವ "ಸಿಂಪಲ್​ ವೇವ್​' ಮಾದರಿಯ ಎಲೆಕ್ಟ್ರಿಕಲ್​ (ಇವಿ) ದ್ವಿಚಕ್ರ ವಾಹನ ಬಿಡುಗಡೆಗೊಂಡಿತು. 

ದೇವನಹಳ್ಳಿ ಸಮೀಪ ಖಾಸಗಿ ಹೋಟೆಲ್​ನಲ್ಲಿ ಬುಧವಾರ ಹಮ್ಮಿಕೊಂಡಿದ್ದ ಕಾರ್ಯಕ್ರಮದಲ್ಲಿ ಕಂಪನಿಯ ಸಂಸ್ಥಾಪಕ ಹಾಗೂ ಸಿಇಒ ಸುಹಾಸ್​ ರಾಜಕುಮಾರ್​, ಸಹ ಸಂಸ್ಥಾಪಕ ಶ್ರೇಷ್ಠ ಮಿಶ್ರಾ, ಸಿಎಫ್​ಒ ಅಂಕಿತ್​ ಗುಪ್ತಾ, ಉದ್ಯಮಿ ಡಾ.ಆರೋಕ್ಯಸ್ವಾಮಿ ವೇಲುಮಣಿ ದ್ವಿಚಕ್ರ ವಾಹನ ಬಿಡುಗಡೆಗೊಳಿಸಿದರು. 

ಸಿಂಪಲ್​ ವೇವ್​ ಮಾದರಿಯ ಎಲೆಕ್ಟ್ರಿಕಲ್​ ದ್ವಿಚಕ್ರ ವಾಹನ ತಯಾರಕರು ಸೆಪ್ಟೆಂಬರ್​ ಕೊನೆಯ ವಾರದಿಂದ ವಿತರಣೆ ಪ್ರಾರಂಭಿಸಲಿದ್ದು, ಡೀಲರ್​ಶಿಪ್​ಗಳ ಬಳಿ ಬುಕ್ಕಿಂಗ್​ ಮಾಡಿಕೊಳ್ಳಬಹುದು. 

ಕುಟುಂಬ ಕೇಂದ್ರಿತ ಸ್ಕೂಟರ್​ ಆಗಿ ತಯಾರಾಗಿರುವ ಎಲೆಕ್ಟ್ರಿಕ್​ ಸ್ಕೂಟರ್​ ಇದೇ ತಿಂಗಳ ಅಂತ್ಯಕ್ಕೆ ಮಾರುಕಟ್ಟೆಗೆ ಲಗ್ಗೆ ಇಡಲಿದ್ದು, ಮಳಿಗೆಗಳಲ್ಲಿ 1.10 ಲಕ್ಷ ರೂ.ಗೆ ಲಭ್ಯವಾಗಲಿದೆ.  

ವಿವಿಧ ಮಾದರಿಗಳಲ್ಲಿ ರೂಪುಗೊಂಡಿರುವ ಈ ದ್ವಿಚಕ್ರ ವಾಹನದಲ್ಲಿ 5 ಕೆಡಬ್ಲುಎಚ್​ ಬ್ಯಾಟರಿಯನ್ನು ಒಮ್ಮೆ ಚಾರ್ಜ್​ ಮಾಡಿದರೆ 240 ಕಿಮೀ ಕ್ರಮಿಸಬಹುದು. ಇನ್ನುಳಿದ ಕಡಿಮೆ 2.7 ಕೆಡಬ್ಲುಎಚ್​ ಸಾಮರ್ಥ್ಯದ ಬ್ಯಾಟರಿ 171 ಕಿ.ಮೀ ಹಾಗೂ 2.2  ಕೆಡಬ್ಲುಎಚ್​ ಸಾಮರ್ಥ್ಯದ ಬ್ಯಾಟರಿ 132 ಕಿ.ಮೀ ವರೆಗೆ ಮೈಲೈಜ್​ ನೀಡುತ್ತದೆ. ಕಿಮೀ ವೇಗ ಹೆಚ್ಚಿಸಿಕೊಳ್ಳಲು ಇಕೋ, ಸ್ಪೋರ್ಟ್​ ಆಯ್ಕೆಯ ಅವಕಾಶಗಳನ್ನು ಕಲ್ಪಿಸಿದ್ದು, ಜತೆಗೆ ಸುರಕ್ಷತೆಗೆ ಒತ್ತು ನೀಡಿದೆ.

ಕಂಪನಿಯ ಸಂಸ್ಥಾಪಕ ಹಾಗೂ ಸಿಇಒ ಸುಹಾಸ್​ ರಾಜ್​ಕುಮಾರ್​ ಮಾತನಾಡಿ, ಸಿಂಪಲ್​ ವೇವ್​ ಮಾದರಿ ಬಿಡುಗಡೆ ಕಾರ್ಯವೂ ಮೈಲ್ಲುಗಲ್ಲಾಗಿದೆ. ಗ್ರಾಹಕರ ನಂಬಿಕೆ ಉಳಿಸಿಕೊಳ್ಳುವ ಮಾದರಿಯಲ್ಲಿ ವಿನ್ಯಾಸಗೊಳಿಸಿ ಬಿಡುಗಡೆ ಮಾಡಲಾಗುತ್ತಿದೆ ಎಂದು ಹೇಳಿದರು. 

ಸಿಂಪಲ್​ ಎನರ್ಜಿ ಸಂಸ್ಥೆಯು ಕುಟುಂಬಕ್ಕೆ ತಕ್ಕಂತೆ ಸಿಂಪಲ್​ ವೇವ್​ ಮಾದರಿಯ ದ್ವಿಚಕ್ರ ವಾಹನ ತಯಾರು ಮಾಡಿದ್ದು, ಸೆಪ್ಟೆಂಬರ್​ ಅಂತ್ಯಕ್ಕೆ ಮಾರುಕಟ್ಟೆಯಲ್ಲಿ ಲಭ್ಯವಾಗಲಿದೆ ಎಂದು ಘೋಷಿಸಿದರು. 

ಆಟೋಮೋಟಿವ್​ ಕಂಪನಿಯಾದ ಸಿಂಪಲ್​ ಎನರ್ಜಿ, ತನ್ನ ಮೊದಲ ಫ್ಯಾಮಿಲಿ ಸ್ಕೂಟರ್​ ಸಿಂಪಲ್​ ವೇವ್​ ಅನ್ನು ಬಿಡುಗಡೆ ಮಾಡಿದೆ. ಕುಟುಂಬ ಪ್ರತಿದಿನ ಸ್ಕೂಟರ್​ಗಳನ್ನು ಬಳಸುವ ರೀತಿಯನ್ನು ಗಮನದಲ್ಲಿಟ್ಟುಕೊಂಡು ವಿನ್ಯಾಸಗೊಂಡಿರುವ ವಾಹನವಾಗಿದೆ. ಪ್ರಾಯೋಗಿಕತೆ, ತಂತ್ರಜ್ಞಾನ ಮತ್ತು ಆರಾಮವನ್ನು ಒಟ್ಟುಗೂಡಿಸುವ ಅನುಭವ ನೀಡಲಿದೆ, ಹೆಚ್ಚಿನ ಸಂಖ್ಯೆಯಲ್ಲಿ ಗ್ರಾಹಕರು ಖರೀದಿ ಮಾಡುವ ಮೂಲಕ ಬೆಂಬಲ ನೀಡಬೇಕು ಎಂದು ತಿಳಿಸಿದರು.