ಷರತ್ತು ಅನ್ವಯ: ಕಳೆದ ಸಾಲಿನಲ್ಲಿ ಜಿಬಿಎ ಪಶುಪಾಲನೆ ಇಲಾಖೆಯು ಸಾಕು ನಾಯಿಗಳ ಸಮೀೆ ನಡೆಸಿದಾಗ, ಸುಮಾರು 1.15 ಲಕ್ಷ ಸಾಕು ನಾಯಿಗಳ ಮಾಹಿತಿ ಕಲೆಹಾಕಲಾಗಿತ್ತು. ಇವುಗಳ ಪಾಲನೆಗೆಂದು ಪ್ರಾಣಿ ಹಿಂಸೆ 1960ರ ಕಾಯ್ದೆ ಪ್ರಕಾರ ಕೆಲ ಷರತ್ತುಗಳನ್ನು ವಿಧಿಸಿ, ಸಾರ್ವಜನಿಕರು ಮನೆಯಲ್ಲಿ ಸಾಕುವುದಕ್ಕೆ ಅವಕಾಶವಿದೆ. ಇನ್ಮುಂದೆ ಹೊಸ ಕಾಯ್ದೆಯಲ್ಲಿ ಸಾಕು ನಾಯಿಗಳನ್ನು ಸಾಕುವುದಕ್ಕೆ ಜಿಬಿಎ ಪಶುಪಾಲನೆ ಇಲಾಖೆಯಿಂದ ಪರವಾನಗಿ ಪಡೆಯಬೇಕು. ವಾರ್ಷಿಕವಾಗಿ ಜಿಬಿಎಗೆ ಇಂತ್ತಿಷ್ಟು ಅಂತ ಹಣ ಪಾವತಿ ಮಾಡಿ, ಪ್ರತಿವರ್ಷ ಪರವಾನಗಿ ನವೀಕರಣ ಮಾಡಿಸಿಕೊಳ್ಳಬೇಕು. ಹಾಗೆಯೆ ಕ್ರೂರ ಸ್ವಭಾವ ನಾಯಿಗಳನ್ನು ಸಾಕುವುದು ನಿಷೇಧ ಮಾಡಲಾಗುವುದು ಎಂದು ತಿಳಿಸಿದೆ.
