2015ರಲ್ಲಿ ಆರಂಭವಾಗಿರುವ ಕೆಂಗೇರಿ ಸಮುದಾಯ ಆರೋಗ್ಯ ಕೇಂದ್ರವು 30 ಹಾಸಿಗೆಗಳ ಸಾಮರ್ಥ್ಯ ಹೊಂದಿರುವ ಆಸ್ಪತ್ರೆಯಾಗಿದೆ. ಈ ಕೇಂದ್ರದಲ್ಲಿ ಪ್ರಸೂತಿ ತಜ್ಞರು ಸೇರಿ ವಿವಿಧ ವಿಭಾಗಗ ವೈದ್ಯರು, ದಾದಿಯರು ಸೇರಿ ಒಟ್ಟು 42 ಸಿಬ್ಬಂದಿ ಕಾರ್ಯನಿರ್ವಹಿಸುತ್ತಿದ್ದಾರೆ. ಜತೆಗೆ ಈ ಕೇಂದ್ರವು ಕೆಂಗೇರಿ ಸುತ್ತಲಿನ 32 ಹಳ್ಳಿಗಳ ಜನರಿಗೆ ಆರೋಗ್ಯ ಸೌಲಭ್ಯವನ್ನು ಒದಗಿಸುತ್ತಿದ್ದು, ಹೆಣ್ಣುಮಕ್ಕಳ ಆರೋಗ್ಯಕ್ಕೆ ಪ್ರಮುಖ ಆಸ್ಪತ್ರೆಯಾಗಿದೆ. ಆದರೆ, ಕಳೆದೆರಡು ತಿಂಗಳ ಹಿಂದೆ ಈ ಕೇಂದ್ರವನ್ನು ಬೇರೊಂದು ಆಸ್ಪತ್ರೆಗೆ ಸ್ಥಳಾಂತರಿಸುವ ಅಥವಾ ಇಲ್ಲಿನ ತಜ್ಞ ವೈದ್ಯರನ್ನು ಬೇರಡೆಗೆ ವರ್ಗಾಯಿಸುವಂತೆ ಆರೋಗ್ಯ ಇಲಾಖೆ ಆದೇಶ ಹೊರಡಿಸಿತ್ತು. ಜನರಿಗೆ ಸಹಕಾರಿಯಾಗಿರುವ ಈ ಕೇಂದ್ರವನ್ನು ಬೇರೆಡೆಗೆ ವಗಾಯಿಸಬಾರದು ಎಂದು ಜಯಪ್ರಕಾಶ್ ನಾರಾಯಣ್ ವಿಚಾರ ವೇದಿಕೆಯು ಮಾನವಹಕ್ಕುಗಳ ಆಯೋಗಕ್ಕೆ ದೂರು ಸಲ್ಲಿಸಿತ್ತು.
