ವಂಚಕರ ಮಾತಿಗೆ ಮರುಳಾದ ಉದ್ಯಮಿ, ಹೂಡಿಕೆ ಮಾಡಲು ಮುಂದಾಗುತ್ತಿದ್ದಂತೆ ಲಿಂಕ್ವೊಂದನ್ನು ಕಳುಹಿಸಿ ಟ್ರೇಡಿಂಗ್ ಖಾತೆ ತೆರೆದಿದ್ದರು. ಇದಾದ ಬಳಿಕ ‘ಡೇವಿಟ್ ರೈಟ್’ ಎಂಬ ವ್ಯಕ್ತಿ ವ್ಯಾಟ್ಸಪ್ ಕರೆ ಮಾಡಿ ತಾನು ಕಂಪನಿಯ ಅನಲಿಸ್ಟ್ ಎಂದು ಪರಿಚಯಿಸಿಕೊಂಡು ಟ್ರಯಲ್ ಟ್ರೇಡಿಂಗ್ಗೆ ಪ್ರೇರೆಪಿಸಿದ್ದ. ಆರಂಭದಲ್ಲಿ ಸಣ್ಣ ಮೊತ್ತದ ಹಣ ಹೂಡಿಕೆ ಮಾಡಿದಾಗ ಅಧಿಕ ಲಾಭ ಬಂದಂತೆ ತೋರಿಸಿದ್ದರು. ಇದಾದ ನಂತರ ಉದ್ಯಮಿ ಹಂತ ಹಂತವಾಗಿ ವಿವಿಧ ಬ್ಯಾಂಕ್ ಖಾತೆಗಳಿಂದ ಒಟ್ಟು 1,40,28,054 ರೂಪಾಯಿಗಳನ್ನು ಹೂಡಿಕೆ ಮಾಡಿದಾಗ ಕೇವಲ 12.60 ಲಕ್ಷ ರೂ.ಗಳನ್ನು ಲಾಭದ ರೂಪದಲ್ಲಿ ಹಿಂತಿರುಗಿಸಿ, ಉಳಿದ 1.27 ಕೋಟಿ ರೂ.ಗಳನ್ನು ನೀಡದೇ ವಂಚಿಸಿದ್ದಾರೆ. ಈ ಕುರಿತು ತನಿಖೆ ಮುಂದುವರಿದಿದೆ.
