3ನೇ ಅಲೆ ಬರಬಾರದು ಅಂತಿದ್ರೆ ಇದನ್ನು ತಪ್ಪಿಸಿ!

ಬೆಂಗಳೂರು: ಕರೊನಾ ಮೂರನೇ ಅಲೆಯ ಬಗ್ಗೆ ತಜ್ಞರು ಮತ್ತು ಸರ್ಕಾರ ಎಚ್ಚರಿಕೆ ನೀಡಿದ್ದರೂ ಜನಗಳು ಮಾತ್ರ ಕ್ಯಾರೆ ಎನ್ನುತ್ತಿಲ್ಲ. ಮಾಸ್ಕ್​ ಧರಿಸಿ, ಸಾಮಾಜಿಕ ಅಂತರ ಕಾಯ್ದುಕೊಳ್ಳಿ ಎಂದು ಸಾರಿ ಸಾರಿ ಹೇಳಿದರೂ ಅದನ್ನು ಲೆಕ್ಕಿಸದ ಜನರು ಮತ್ತೊಮ್ಮೆ ಅಪಾಯಕ್ಕೆ ಆಹ್ವಾನ ನೀಡುತ್ತಿದ್ದಾರೆ.

ನಗರದ ವಿವಿಪುರಂನ ಸಜ್ಜನ್​ ರಾವ್​ ವೃತ್ತದ ಬಳಿಯಿರುವ ಫುಡ್​ ಸ್ಟ್ರೀಟ್​ನಲ್ಲಿ ಕೋವಿಡ್​ ನಿಯಮ ಮಾಯಮಾಗಿದೆ. ಪ್ರತಿದಿನ ಸಂಜೆ ನೂರಾರು ಮಂದಿ ಆಹಾರ ಸವಿಯಲು ಫುಡ್​ ಸ್ಟ್ರೀಟ್​ ಬಳಿ ಸೇರುತ್ತಿದ್ದಾರೆ. ಯಾರೊಬ್ಬರು ಸಾಮಾಜಿಕ ಅಂತರ ಕಾಯ್ದುಕೊಳ್ಳುತ್ತಿಲ್ಲ. ಸರಿಯಾಗಿ ಮಾಸ್ಕ್​ ಧರಿಸದೇ ಗುಂಪು ಗುಂಪಾಗಿ ಒಂದೆಡೆ ಸೇರಿರುವುದು ಕರೊನಾ ಮೂರನೇ ಅಲೆಗೆ ಆಹ್ವಾನ ನೀಡಿದಂತಿದೆ.

ಸರ್ಕಾರ ಪ್ರತಿದಿನ ಕರೊನಾ ನಿಯಮ ಪಾಲಿಸಿ ಎಂದು ಮನವಿ ಮಾಡುತ್ತಲೇ ಬಂದಿದೆ. ಹೀಗಿದ್ದರೂ ಜನ ಸೇರಿರುವುದು ದುರ್ದೈವದ ಸಂಗತಿ. ಫುಡ್​ ಕೋರ್ಟ್​ನಲ್ಲಿ ಅಷ್ಟೊಂದು ಜನ ಸೇರುತ್ತಿದ್ದರೂ ಅಧಿಕಾರಿಗಳು ಸುಮ್ಮನಿರುವುದು ಒಳ್ಳೆಯ ಬೆಳವಣಿಗೆಯಲ್ಲ. ಕೂಡಲೇ ಎಚ್ಚೆತ್ತು ಕಟ್ಟುನಿಟ್ಟಾಗಿ ಕರೊನಾ ನಿಯಮ ಪಾಲಿಸುವಂತೆ ಕ್ರಮ ಕೈಗೊಳ್ಳಬೇಕಿದೆ.

https://www.vijayavani.net/r-what-is-pegasus-spyware-how-it-works-and-how-it-hacks-into-whatsapp/

https://www.vijayavani.net/all-the-best-student-state-sslc-exam-starts-from-today/

https://www.vijayavani.net/r-fact-check-nirbaya-case-counsel-seema-samridhi-is-not-on-worlds-most-talented-women-list/