ಡಿಎಂಎಫ್ ಅನುದಾನ ಸದ್ಬಳಕೆ: ರಾಜ್ಯ ಸರ್ಕಾರ 2016ನೇ ಸಾಲಿನಲ್ಲಿ ಡಿಎಂಎಫ್ ನಿಯಮಗಳಂತೆ ಜಿಲ್ಲಾ ಖನಿಜ ಪ್ರತಿಷ್ಠಾನ ಟ್ರಸ್ಟ್ ಸ್ಥಾಪಿಸಲಾಗಿದೆ. ಜಿಲ್ಲೆಯಲ್ಲಿ ಈವರೆಗೆ 2270.46 ಕೋಟಿ ರೂ. ವಂತಿಗೆಯಾಗಿ ಸಂಗ್ರಹವಾಗಿದೆ. ಆರು ಕ್ರಿಯಾ ಯೋಜನೆಗಳಲ್ಲಿನ ಕಾಮಗಾರಿಗಳಿಗೆ ಒಟ್ಟು 1593.68 ಕೋಟಿ ರೂ. ಅನುಮೋದಿಸಿ, ಒಟ್ಟು 1407 ಕಾಮಗಾರಿಗಳನ್ನು ಅನುಷ್ಠಾನಗೊಳಿಸಲಾಗುತ್ತಿದ್ದು, ಒಟ್ಟು 597.93 ಕೋಟಿ ರೂ. ವೆಚ್ಚ ಮಾಡಲಾಗಿದೆ. 989 ಕಾಮಗಾರಿಗಳು ಪೂರ್ಣಗೊಂಡಿದ್ದು, 169 ಪ್ರಗತಿಯಲ್ಲಿದ್ದರೆ 77 ಟೆಂಡರ್ ಹಂತದಲ್ಲಿವೆ ಎಂದು ಸಚಿವ ನಾಗೇಂದ್ರ ತಿಳಿಸಿದರು. ಅನುಮೋದಿಸಿದ ಕ್ರಿಯಾ ಯೋಜನೆಗಳಲ್ಲಿ ಆರೋಗ್ಯ ವಲಯಕ್ಕೆ 200.01 ಕೋಟಿ ರೂ., ಕುಡಿವ ನೀರು 383 ಕೋಟಿ ರೂ., ಶಿಕ್ಷಣ 247.80 ಕೋಟಿ ರೂ., ಮೂಲ ಸೌಕರ್ಯಗಳಿಗೆ 448.14 ಕೋಟಿ ರೂ., ನೀರಾವರಿ ಮತ್ತು ನೈರ್ಮಲ್ಯ ವಲಯಕ್ಕೆ 147.07 ಕೋಟಿ ರೂ., ಮಹಿಳಾ ಮತ್ತು ಮಕ್ಕಳ ಅಭಿವೃದ್ಧಿ, ಅಂಗವಿಕಲರು ಮತ್ತು ಹಿರಿಯ ನಾಗರಿಕರ ಅಭಿವೃದ್ಧಿ, ಕೌಶಲಾಭಿವೃದ್ಧಿ ವಲಯ, ಪರಿಸರ ರಕ್ಷಣೆ ಮತ್ತು ಇತರ ವಲಯಗಳಿಗೆ ಒಟ್ಟು 167.53 ಕೋಟಿ ರೂ. ಮೀಸಲಿಡಲಾಗಿದೆ ಎಂದು ಮಾಹಿತಿ ನೀಡಿದರು.
