ಯುದ್ಧ ಬೇಡವೆಂಬ ಧ್ವನಿ ಬೇಕಿದೆ

ನಗರದಲ್ಲಿ ಶುಕ್ರವಾರ ಜರುಗಿದ ಕರ್ನಾಟಕ ಲೇಖಕಿಯರ ಸಂಘದ ಜಿಲ್ಲಾ ಘಟಕದ ಎರಡನೇ ವಾರ್ಷಿಕೋತ್ಸವದಲ್ಲಿ ಮಾತನಾಡಿದ ಅವರು, ಭಿನ್ನತೆಗಳೇ ನಮ್ಮ ಶಕ್ತಿ ಎಂಬುದು ಅರಿವಾದಾಗ ಅಧಿಕಾರ, ಜಾತಿ, ಪ್ರದೇಶ, ಧರ್ಮ ಮತ್ತು ಭಾಷೆಗಳಾಚೆ ಮನುಷ್ಯತ್ವದ ಬೆಸುಗೆ ಹೆಣ್ಣು ಮಕ್ಕಳಿಂದ ಮಾತ್ರ ಸಾಧ್ಯವಾಗಬಲ್ಲದು. ಅನೇಕ ಭಿನ್ನತೆ ಮತ್ತು ವೈವಿಧ್ಯಗಳ ನಡುವೆಯೂ ಒಂದಾಗಿ ಜೀವ ವಿರೋಧಿ ನಿಲುವುಗಳ ವಿರುದ್ಧ ಧ್ವನಿ ಎತ್ತುವುದು ಕೇಂದ್ರವಾಗಬೇಕು. ಇಂತಹ ಸಂಘಗಳು ನಮ್ಮ ಅಸ್ತಿತ್ವವನ್ನು ಕಂಡುಕೊಳ್ಳುವ ವೇದಿಕೆಗಳಾಗಬೇಕು ಎಂದರು.

ಅಧ್ಯಕ್ಷತೆ ವಹಿಸಿದ್ದ ಡಾ.ಕೆ.ಆರ್.ಸಿದ್ದಗಂಗಮ್ಮ ಮಹಿಳಾ ದಿನಾಚರಣೆ ಪ್ರಯುಕ್ತ ಏರ್ಪಡಿಸಿದ್ದ ಪ್ರಬಂಧ ಸ್ಪರ್ಧೆಯ ವಿಜೇತರಾದ ಅನ್ನಪೂರ್ಣ ಅಗಡಿ, ಪುಷ್ಪ ಮುರಗೋಡ, ಆಶಾ ಯಮಕನಮರಡಿ ಮತ್ತು ಪದ್ಮ ಹೊಸಕೋಟೆಯವರಿಗೆ ಬಹುಮಾನ ವಿತರಿಸಿದರು.

ಸುಧಾ ಪಾಟೀಲರ ‘ವಚನಸುಧೆ’ ಸ್ವರಚಿತ ಸಂಕಲನ, ‘ತೊಟ್ಟಿಲು ತೂಗುವ ಕೈ’ ಸಂಕಲನ, ಡಾ.ನೀತಾರಾವ್‌ರ ‘ಶಾಪಗ್ರ ದೇವಕನ್ನಿಕೆಯರು’ ಕಥಾಸಂಕಲನ, ಡಾ.ಬಸಮ್ಮ ಗಂಗನಳ್ಳಿ ಮತ್ತು ಡಾ.ಗೀತಾಂಜಲಿ ಸುಖಸಾರೆಯವರ ‘ಭೂಗರ್ಭ’ ಕಾದಂಬರಿ ಬಿಡುಗಡೆಗೊಳಿಸಲಾಯಿತು. ಡಾ.ಕಮಲಾಬಾಯಿ ದೇಶಿಕ, ಇಂದಿರಾ ಮೊಟೇಬೆನ್ನೂರು, ಹಮೀದಾ ಬೇಗಂ ದೇಸಾಯಿ, ಸುನಂದಾ ಮೂಳೆ, ಡಾ.ಹೇಮಾವತಿ ಸೊನೊಳ್ಳಿ, ಸುನಂದಾ ಹಾಲಬಾವಿ ಮತ್ತು ನೂತನ ಕುಲಕರ್ಣಿ ಕವಿತೆ ವಾಚಿಸಿದರು.

ಋತಿಕಾ ಜಾಲಿಹಾಳ ಪ್ರಾರ್ಥಿಸಿದರು. ಪುಷ್ಪ ಮುರಗೋಡ ಸ್ವಾಗತಿಸಿದರು. ಡಾ.ನಿರ್ಮಲಾ ಬಟ್ಟಲ ವಾರ್ಷಿಕ ವರದಿ ವಾಚಿಸಿದರು. ಡಾ.ನೀತಾ ರಾವ ವಾರ್ಷಿಕ ಲೆಕ್ಕ ಪತ್ರ ನೀಡಿದರು. ಜ್ಯೋತಿ ಬಾದಾಮಿ ಕೃತಿ ಪರಿಚಯಿಸಿದರು. ರಾಜನಂದ ಗಾರ್ಗಿ ನಿರೂಪಿಸಿದರು.

ಆರ್.ಬಿ.ಕಟ್ಟಿ, ಪ್ರೇಮಾ ತಾಶೀಲದಾರ, ಸುಧಾ ಪಾಟೀಲ, ನೀಲಗಂಗಾ ಚರಂತಿಮಠ, ಮಮತಾ ಶಂಕರ, ಶ್ವೇತಾ ನರಗುಂದ, ಲಲಿತಾ ಕ್ಯಾಸಸನ್ನವರ ಇತರರಿದ್ದರು.