ವಿಶಾಲ ಹಿಂದೂ ಸಮಾವೇಶ 31ರಂದು

ಹುಕ್ಕೇರಿ ಪಿಕಾರ್ಡ್ ಬ್ಯಾಂಕ್ ಆವರಣದಲ್ಲಿ ವಿದ್ಯುತ್ ಸಹಕಾರ ಸಂಘದ ನಿರ್ದೇಶಕ ಪೃಥ್ವಿ ಕತ್ತಿ ಮಾತನಾಡಿದರು. ಮಹಾವೀರ ನಿಲಜಗಿ, ಸತ್ಯಪ್ಪ ನಾಯಿಕ, ಗುರು ಕುಲಕರ್ಣಿ, ಪ್ರಜ್ವಲ ನಿಲಜಗಿ ಇತರರಿದ್ದರು.

Published on:

21 Jan 2026, 10:27 am

ಹುಕ್ಕೇರಿ: ರಾಷ್ಟ್ರೀಯ ಸ್ವಯಂಸೇವಕ ಸಂಘ ಶತಮಾನ ಪೂರೈಸಿದ ಹಿನ್ನೆಲೆಯಲ್ಲಿ ಭಾರತದ ಸಂಸ್ಕೃತಿ, ಆಚಾರ-ವಿಚಾರಗಳನ್ನು ಯುವ ಜನಾಂಗಕ್ಕೆ ಪರಿಚಯಿಸುವ ನಿಟ್ಟಿನಲ್ಲಿ ವಿಶಾಲ ಹಿಂದೂ ಸಮಾವೇಶ ಹಮ್ಮಿಕೊಳ್ಳಲಾಗುತ್ತಿದೆ ಎಂದು ವಿದ್ಯುತ್ ಸಹಕಾರ ಸಂಘದ ನಿರ್ದೇಶಕ ಪೃಥ್ವಿ ಕತ್ತಿ ಹೇಳಿದರು.

ಪಟ್ಟಣದ ಪಿಕಾರ್ಡ್ ಬ್ಯಾಂಕ್ ಆವರಣದಲ್ಲಿ ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿ, ಜ.31ರಂದು ಮಧ್ಯಾಹ್ನ 2 ಗಂಟೆಗೆ ಹಳ್ಳದಕೇರಿ ಅಡವಿಸಿದ್ಧೇಶ್ವರ ಮಠದಿಂದ ವಿವಿಧ ವಾದ್ಯ, ಕಲಾ ತಂಡಗಳು ಮತ್ತು ರಾಷ್ಟ್ರೀಯ ನಾಯಕರ ವೇಷಧಾರಿಗಳಿಂದ ಮೆರವಣಿಗೆ ಪಾರಂಭವಾಗಿ ಹಳೇ ಬಸ್ ನಿಲ್ದಾಣ ಮೂಲಕ ವಿಶ್ವರಾಜ ಭವನಕ್ಕೆ ತೆರಳಿ ಬಳಿಕ ಸಮಾವೇಶ ಜರುಗಲಿದೆ ಎಂದರು.

ವಿದ್ಯುತ್ ಸಹಕಾರ ಸಂಘದ ಅಧ್ಯಕ್ಷ ಮಹಾವೀರ ನಿಲಜಗಿ, ನಿರ್ದೇಶಕ ಸತ್ಯಪ್ಪ ನಾಯಿಕ ಮಾತನಾಡಿ, ಸಮಾವೇಶದಲ್ಲಿ ಹುಕ್ಕೇರಿ ಹಿರೇಮಠದ ಚಂದ್ರಶೇಖರ ಶಿವಾಚಾರ್ಯರು, ವಿರಕ್ತಮಠದ ಶಿವಬಸವ ಸ್ವಾಮೀಜಿ, ಕ್ಯಾರಗುಡ್ಡ ಅವಜೀಕರ ಆಶ್ರಮದ ಅಭಿನವ ಮಂಜುನಾಥ ಶ್ರೀಗಳು ಹಾಗೂ ಯುವ ಭಾರತ ರಾಜ್ಯ ಸಂಯೋಜಕ ಶರಣೆಗೌಡ ಪಾಲ್ಗೊಳ್ಳಲಿದ್ದಾರೆ ಎಂದು ತಿಳಿಸಿದರು.

ವಕೀಲ ಹರೀಶ ದೊಡ್ಡಲಿಂಗನವರ, ಮುಖಂಡರಾದ ಪ್ರಜ್ವಲ ನಿಲಜಗಿ, ಗುರು ಕುಲಕರ್ಣಿ, ರಾಜು ಮುನ್ನೋಳಿ, ಕುಮಾರ ಜುಠಾಳೆ, ಬಸವರಾಜ ಗಂಗನ್ನವರ, ಚನ್ನಪ್ಪ ಗಜಬರ, ಮಹಾಂತೇಶ ತಳವಾರ, ಶಿವು ಪಾಟೀಲ, ವಿಕ್ರಮ ಪವಾರ, ಚೇತನ ಶಿವಮೊಗ್ಗಿಮಠ ಇತರರಿದ್ದರು.

ವಿಶಾಲ ಹಿಂದೂ