ಸೌರ ವಿದ್ಯುತ್ ಘಟಕ ನಿಲ್ಲಿಸಲಾಗದು

ನಗರದಲ್ಲಿ ಮಂಗಳವಾರ ಸುದ್ದಿಗಾರರೊಂದಿಗೆ ಮಾತನಾಡಿದ ಅವರು, ಪ್ರಧಾನ ಮಂತ್ರಿ ಕುಸುಮ ಯೋಜನೆಯಡಿಯಲ್ಲಿ ಸೌರ ವಿದ್ಯುತ್ ಘಟಕ ಬರಲಿದೆ. ಅದಕ್ಕಾಗಿ ಸರ್ಕಾರದ 40 ಎಕರೆ ಜಮೀನನ್ನು 2024ರಲ್ಲೇ ಹೆಸ್ಕಾಂಗೆ ಹಸ್ತಾಂತರಿಸಿದ್ದೇವೆ. ಈಗ ಅದನ್ನು ಟೆಂಡರ್ ಮಾಡಿದ್ದು, ಗುತ್ತಿಗೆದಾರರು ಪ್ಯಾನಲ್ ಅಳವಡಿಸುವ ಪ್ರದೇಶವನ್ನು ಸ್ವಚ್ಛಗೊಳಿಸುವಾಗ ಗಿಡಮರಗಳನ್ನು ಕಟಾವು ಮಾಡಿದ್ದಾರೆಂಬ ಆರೋಪ ಕೇಳಿ ಬಂದಿದೆ. ಪರಿಶೀಲಿಸಿ ಕ್ರಮ ಕೈಗೊಳ್ಳುತ್ತೇವೆ ಎಂದರು.

ಅನುಮತಿ ಪಡೆಯಬೇಕಾದ ಮರಮುಟ್ಟುಗಳು ಅಲ್ಲಿ ಇರಲಿಲ್ಲ. ಸಣ್ಣಪುಟ್ಟ ಗಿಡಗಳಿದ್ದವು ಎಂಬುದು ಪ್ರಾಥಮಿಕ ಮಾಹಿತಿಯಿಂದ ತಿಳಿದು ಬಂದಿದೆ. ಆದರೂ ಅಲ್ಲಿ ದೊಡ್ಡ ಮರಮುಟ್ಟುಗಳಿದ್ದವಾ? ಎಂಬುದನ್ನು ಪರಿಶೀಲಿಸಲು ಸೂಚಿಸಿದ್ದೇನೆ. ಹಾಗೇನಾದರೂ ಆದಲ್ಲಿ, ಸಂಬಂಧಿಸಿದ ಗುತ್ತಿಗೆದಾರರ ವಿರುದ್ಧ ಕ್ರಮ ಕೈಗೊಳ್ಳಲಾಗುವುದು. ಆದರೆ ಯಾವುದೇ ಕಾರಣಕ್ಕೂ ಇಲ್ಲಿ ಸೌರ ವಿದ್ಯುತ್ ಘಟಕ ಸ್ಥಾಪನೆ ನಿಲ್ಲಿಸುವುದಿಲ್ಲ. ಜಿಲ್ಲೆಯಾದ್ಯಂತ ಪಿಎಂ ಕುಸುಮ ಯೋಜನೆಗೆ 600 ಎಕರೆ ಜಮೀನು ನೀಡಿದ್ದೇವೆ. ಇದು ರೈತರ ಜಮೀನಿಗೆ ವಿದ್ಯುತ್ ಪೂರೈಸುವ ಯೋಜನೆಯಾಗಿದೆ. ವಿರೋಧಿಸುವವರನ್ನು ಮನವೋಲಿಸಲು ಪ್ರಯತ್ನಿಸಲಾಗುವುದು ಎಂದು ಹೇಳಿದರು.